|
ادخل بس إحذر الضحك
لازم تضحك :049gc0: !!!!!!!!!! بس خلى بالك متضحكشى كتير :p نكت قديمه لكن بنضحك عليها ---------------------------------------------- كان فيه بير مسحور، لو حد دخل راسه فيه و رمى فلوس و أتمنى أي حاجه، أمنيته تتحقق على طول. فيه واحدة ست سمعت عنه، فصممت تاخد جوزها على هناك مع انه مش مقتنع. الراجل وطى الأول، و رمى القرشين صاغ وأتمنى أمنيه واحدة، و طلع راسه بسرعة، الهانم وطت هي كمان و قعدت ترص فى لستة طويلة من الأمانى، داخت فراحت واقعة فى البير! الراجل قعد يزعق زى المجنون: ده بجد، ده بجد، البتاع ده بيحقق الأماني بجد!!:022yb4: --------------------------------------------- كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة نسينا الملاحة عشان الاكل .اخطف رجلك وروح البلد هاتها .. "صرخ ابو ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولسه صغير.. "ونادوا ابوسريع وقالولهه وبعتوه يجيب الملاحة ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري:006et4: -------------------------------------- موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :- جيت اعلم على نعم غصب عنى علمت على لا مسكه رئيس اللجنة من ودنه وقاله احنا صلحناه لك اوعى تعمل كده تانى :slap1qk6: --------------------------------------- واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟ قال له : ولا بنفرز ولا حاجة...التعليمات واضحة وصريحة... احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض :d ----------------------------------------------------- بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا ------------------------------------------------------ زرافة و فيل وأسد وفأر وثعلب وارنب ماشيين في الغابة, وقعوا كلهم في حفرة، إلا الزرافة، فقالولها: جيبي لنا حبل قالتلهم: ما فيش، قالولها: إحنا جعانين عايزين ناكل قالتلهم: ماعرفش أجيب لكم أكل، قالولها: والعمل؟ قالت لهم كلوا أضعفكم ..... قام الفأر نط مفزوع وقال لهم: اللي حيقرب من الأسد حيعرف شغله.:stickjo4: ها ضحكت طيب قولى اى نكته فيهم عجبتك ؟ |
جميل جدا هههههههههههه حلو قوى الراجل ال راح ال بير |
اقتباس:
شكرا على المرور |
ههههههه
بتاعت الانتخابات حلوة + بتاعت البير جميلة برضه بس لسه مااتمنهاش دلوقت :d جزاكم الله خيرا على التوبيك |
جزاك الله خيرا للمرور
بس ليه الحاله توصل الى انه يتمنى انها تقع فى البير اما بالنسبه للانتخابات اتمنى انها تتغيير ونحس بالديمقراطيه فعلا مش كلام وبس تحياتى لحضرتك |
جميل جدا
نكتة السلاحف احسن نكتة |
بصراحه كلهم احلى من بعض
|
اقتباس:
شكرا للمرور |
اقتباس:
اسعدنى مرورك |
اقتباس:
اقراى حضرتك القصة الطريفة ده :d ..... قرر "زوج" إنه يعزم "زوجته" على الغدا وياريته ما عمل كده لإن البنت دى مش عاجبها العجب ولا الصيام فى رجب زى مابيقولو شوفوا الحوار وأحكموا بنفسكوا>>>>> "هو": تطلبي إيه؟ "هي": مش عارفة إنت هاتطلب إيه؟ "هو" : أنا هاطلب بيتزا "هي": ماشي ، وأنا كمان "هو": طيب "هي": ولا أقولك ، بلاش "هو": ليه عاوزه حاجة تانية "هي": لأ ، مش عارفه "هو": انتي جعانة "هي": إممم ، مش عارفه "هو": يعني إيه مش عارفة ، أكيد الواحد بيعرف هو جعان ولا لأ "هي": نص نص "هو": يعني أطلبلك معايا "هي": لأ "هو": خلاص "هي": ولا أقولك ، يمكن أجوع كمان شوية "هو": خلاص هاطلبلك وعقبال ما يجي الأكل تكوني جوعتي "هي": طيب أفرض لما يجي الأكل أكون لسه ما جوعتش! "هو": خلاص ، خلي الأكل قدامك ولما تجوعي إبقي كلي "هي": ما كده الأكل هايبرد "هو": خلاص نطلب أكل تاني "هي": بس كده يبقى تبذير "هو": نبقى نأخد الاكل البارد معانا تيك أواي ونبقى نأكله بعدين "هي": طيب إفرض ما كانش ليا نفس للبيتزا بعدين "هو": خلاص أكلها أنا "هي": وأنا ما أكلش "هو": جننتيني ، يعني اطلبلك ولا بلاش "هي": بلاش احسن "هو": خلاص أنا هاطلب لنفسي علشان انا جعت جدا "هي": ماشي "هي": بس أطلب بيتزا بالتونة "هو": بس أنا مابحبش البيتزا بالتونة "هي": بس أنا بحبها "هو": بس أنا إللى هاكلها "هي": ما يمكن على ما ييجي الأكل أكون جعت وأكل معاك "هو": هو أنتي عاوزة تأكلي ولا لأ "هي": إحتمال "هو": يعني أنا لازم أطلب بيتزا بالتونة علشان إنتي (إحتمال) تأكلي معايا "هي": أيوه بالظبط "هو": طيب لو أنتي جوعتي وأكلتي البيتزا بتاعتي أنا هاكل إيه؟ "هي": ما انا ممكن ما أكلش أصلا معاك "هو": رحمتك يا رب "هي": مالك فيه إيه ؟؟ "هو": يعني دلوقتي لو أنتي ما أكلتيش ، أنا هاكل بيتزا مش بحبها "هي": يعني أنت تاكل و أنا ما أكلش؟ هههههههههههههههههههه يرميها فى البحر وياخدجايزة :d |
اقتباس:
بجد الأربعة دول ضحكوني كتير اشكرك يا استاذة أم أمل |
نكتة حلوة
مع كامل اعتذارنا للصعايدة :078111rg3: ... مره واحد كان بيعمل نكت على الصعايده فقرر يتوب فراح يحج و هو قدام الكعبه لقى واحد صعيدى جاى يقولو القبله منين !!!! قال سامحنى يا رب هما اللى بيستفزونى:d:d ::::: مرة واحد صعيدي عندو عربية 128 عايز يبعها فضل شهرين كاتب عليها للبيع و مش عايزة تتباع فقاعد مع واحد صحبو صحبو بيقولو انا مش عارف يا اخي العربية مش عايزة تتباع ليه قالو هي نوعها ايه ؟؟؟؟؟؟ قالو 128 ......قالو خلاص اكتب عليها مرسيدس و هي تتباع قالو صح تصدق فكرها المهم جالو بعد شهر قالو بعتها !!!!!!!!الو انت اهبل في حد يبيع عربية مرسيدس :d:d:d |
ههههههههه أكتر واحدة عجبتنى بتاعت السلاحف أنا جالى شلل منهم اقتباس:
اهو دة الاستفزاز بعينه ربنا يديه الصبر يا رب ــــــــــــــــــــــــــــــــــــــــــــــــــ ـــــــــــــــــ المهم حضراتكو فاضيين بتاع تلت اربع ساعات كدة؟ عندى ليكو شوية نكت آخر رخامة أخويا لم العيلة والجيران وقالهالنا عشان يشلنا :d 1- مرة واحد شحات راح لراجل بيقوللو حاجة لله قام الراجل تعاطف معاه فاداله مفتاح وقاللو شايف التلت شوارع دول سيب الاول سيب التانى ادخل فى التالت هتلاقى 3 حوارى سيب الاولى سيب التانية أدخل فى التالتة هتلاقى 3 عمارات سيب الأولى سيب التانية وأدخل فى التالتة هتلاقى تلت ادور سيب الأول سيب التانى أدخل فى التالت هتلاقى تلت شقق سيب الاولى سيب التانية ادخل فى التالتة هتلاقى تلت أوض سيب الاول سيب التانية ادخل فى التالتة هتلاقى تلت دواليب سيب الاول سيب التانى روح للتالت هتلاقى 3 أدراج سيب الاول سيب التانى افتح التالت هتلاقى مصحف هاتهولى احلفلك عليه انه معليش ولا مليم هههههههههه أكيد غظتكوووووووو هههههههههه خدو دى كمان مرة واحدة ست احت السوق بتقول للبياع لو سمحت عندك واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة؟ قاللها لاء معنديش واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة روحى للراجل اللى ورايا راحتله بتقوللو لو سمحت عندك واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة؟ قاللها لاء معنديش واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة روحى للى جمبى راحلت قالتله لو سمحت عندك واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة قاللها لاء معنديش واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة روحى لعم حسين راحت لعم حسين بتقوللو لو سمحت عندك واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة؟ قاللها آه عندى واحد موزة اتنين موزة تلاتة موزة اربعة موزة خمسة موزة ستة موزة سبعة موزة تمنية موزة تسعة موزة عشرة موزة قالتله طب ادينى كيلو تفاح :p ــــــــــــــــــــ مرة واحد كان معاه ربع جنيه فكان محتار يركب ولا يمشى ويشترى عصير قصب ((ايام ما كان الربع جنيه ليه لزمة )) المهم راح قال انا لو ركبت هيبقى قدامى حل من الحلين : اما ان الاتوبيس هيكون زحمة او هيكون فاضى لو كان زحمة ماشى لو كان فاضى هيبقى فيه حل من الحلين اما هقعد جمب راجل أو هقعد جمب ست لو قعدت جمب راجل ماشى لو قعدت جمب ست هيكون فيه حل من الحلين اما هتكون متجوزة او مش متجوزة لو متجوزة ماشى لو مش متجوزة هيكون فيه حل من الحلين اما هتعجبنى او مش هتعجبنى لو معجبتنيش ماشى لو عجبتنى هيبقى فى حل من الحلين اما هتجوزها او مش هتجوزها لو متجوزتهاش ماشى لو اتجوزتها هيكون فيه حل من الحلين اما هنخلف او مش هنخلف لو مخلفناش ماشى لو خلفنا هيكون فيه حل من الحلين اما هنجيب ولد او هنجيب بنت لو جبنا ولد ماشى لو جبنا بنت هيبقى فيه حل من الحلين اما هتكبر وتتجوز اما مش هتتجوز لو متجوزتش ماشى لو اتجوزت هيكون فيه حل من الحلين اما تكون اتجوزت واحد كان جمبها فى الاتوبيس او واحد مكنش جمبها فى الاتوبيس المهم راح فى الاخر قال لاء خلاص انا هشرب عصير قصب احسن :p:p ـــــــــــــــــــ أقولكو كمان ولا ايييييييييييه؟؟ دة فييييه كتيييير من داااا أخويا قاموس رخامة هههههههههههههههه لا بلاش انا عاوزة اطلع سليمة من هناااا سلامووووووووووووووووو:022yb4: وشكرا على التوبيك |
اقتباس:
ههههههههههههههه ده كويس ان عقله لسه موجود تحياتى لحضرتك |
اقتباس:
شكرا على المرور مستر احمد |
| جميع الأوقات بتوقيت GMT +2. الساعة الآن 11:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.