ممكن حد يفيدني لانه موضوع هام جداااااااا
 

:078111rg3:السلام عليكم ورحمة الله وبركاته انا اخوكم محمد كنت تخصص مكتبات وربنا وفقني وقدرت اغير المسمي الوظيفي الي معلم لغة انجليزية وذلك بعد جهد جبار بس فيه مشكلة دلوقت انا اخليت من مدرستي وقمت باقرار قيام عمل ايضا ف مدرستي علي وظيفة معلم مساعد انجليزى روحت الادارة ادارة التعيينات اخدت اقرار القيام بالعمل واخلاء الطرف بينما الاستاذ بتاع الملفات لم يقبل بذلك مني وقالي بالحرف الواحد حط الورق ده ف جيبك مش هاخده منك الا لما يجيلي امر من مدير الادارة اللي انا عاوز اعرفه بالظبط انا كده بقيت مدرس انجليزى ولا لسه؟؟طيب هل يمكنني تغيير تخصصي ع موقع الاكاديمية لاني سمعت ان فيه تقديمات لاختبارات الكادر ف يناير فافيدوني افادكم الله اااااااسف للاطالة

استلم فى مدرستك الجديدة معلم إنجليزى وبعد كده ادخل لمدير الإداره وهو هيفهم ويختمها إن شاء الله واسأل فى الاحصاء ازاى تغير التخصص احذر تمتحن اخصائى مكتبة

طب كده ممكن انقل لادارة تانية بسهولة ؟؟؟

اللي عملناه بقي ياعم الحاج وبلاش تريقة والنبي
وعلي فكرة انا اخليت طرفي دون موافقة مقرر المادة لانه متعنت ومتزمت:slap1qk6:

ياريت ياأستاذ حمادة تعرفنى حضرتك عملت إيه والله لأن نفسى أحول لتخصصى ربنا يكملك على خير انشاء الله وألف مبروك

والله دخلنا للمحافظ اللي قدمت ليه تظلم فوافق ع طلبي وايد طلبي بتاشيرة وحولني لوكيل الوزارة اللي وافق واعطي اشارة مستعجلة للادارة اللي نفذت ع طووووول بس ربنا موقف ليا مقرر المادة روحت اخليت ونفضت له وبتاع الملفات ام الروتين ف الارض

يعنى دلوقتى لازم الموجه العام بتاع المكتبات يوافق ولا تأشيرة المحافظ ومن بعده وكيل الوزارة تمشى على الكل لأنى سألت وقالوا لازم موافقة الموجه العام للمادة التى تم التعاقد عليها والموجه العام للمادة المراد الإنتقال إليها بس معرفش ايه اللى يحصل بعد كده علشان كده بسأل حضرتك وصلت لإيه وحضرتك محافظة ايه وإدارة إيه؟؟؟؟؟؟؟؟؟؟؟؟؟؟؟؟

[QUOTE=biba200577;4098141]يعنى دلوقتى لازم الموجه العام بتاع المكتبات يوافق ولا تأشيرة المحافظ ومن بعده وكيل الوزارة تمشى على الكل لأنى سألت وقالوا لازم موافقة الموجه العام للمادة التى تم التعاقد عليها والموجه العام للمادة المراد الإنتقال إليها بس معرفش ايه اللى يحصل بعد كده علشان كده بسأل حضرتك وصلت لإيه وحضرتك محافظة ايه وإدارة إيه؟؟؟؟؟؟؟؟؟؟؟؟؟؟؟؟[/Q
لالالا بالتاشيرة بتاعت المحافظ سيبك من المقرر بتاع المادة روح اخلي ع طووووول من مدرستك وروح خد نشرة من مقرر مادتك الجديدة

الاخ الغالي العزيز موضوعك سهل وبسيط كل ما عليك أن تاخذ صورة ورقة المسمي الوظيفي عليها توقيع مدير المدرسة ومدير الادارة وتذهب لقسم الاحصاء عندك في الادارة وهما هيغيرو لك البيانات المطلوبة وهتقدر بعدها انك من خلال الباس وورد بتاعك انك تستخرج ورقه عليها معلم انجليزي وتحطها في عين التخين واظن ان الاستاذ بتاع الملفات عندكوا مش فاهم شغله صح وبالتووووووووووووووفيق

ربنا يكرمكوا انا عملت كده وسجلت اسمي ف الاكاديمية والحمد لله

ألف مبروك يااستاذ حمادة بس ياريت ضرتك ترد على سؤالى حضرتك محافظة إيه وإزاى خليت دون موافقة رئيسك؟؟؟؟؟؟؟؟؟؟؟

محافظة الشرقية

انا عايز اعرف بس اذاى تجاهلت موجهك
لأن كله بيقول لازم تأشيرة من الموجه
ثانى شىء هل هناك زيادة فى المكتبات علشان كده شؤون العاملين وافقوا ؟
ثالثاً المدة السابقة هل تم ضمها ولا عملت عقد معلم لغة انجليزية من الاول ؟