تعمل ايه لو كنت مكانى
 

فى مشاكل كتيرة بينى وبين مدير المدرسة لانه محابى لمدرسة المادة الاول بمعنى ان فيه مصالح بينهم مشتركة فالاستاذ مثلا : عامل جداولنا فى نفس الوقت وبكده المدرس الكبير هو اللى بيدخل المعمل
كمان مش بيحضر غير قليل جدا المدرسةو وبيجى الساعة 10 غيرنا طبعا اللى بنبقى من الساعة 7.5 فى المدرسة
كمان بيعمله تكليف بوضع امتحانات الفرقتين رغم انى اعرف ان فى قانون يمنع ده
كمان عامل المدرسة سنتر للدروس الخصوصية
عاوزة اعرف اجيب حقى منه ازاى
بصراحة اكتر عاوزة اشتكيه بحاجة تضره وتجيب نتيجة لان فى واحدة زميلتنا اشتكته قبل كده والموضوع اتلم ومحصلش حاجة وهى اللى اتنقلت
ايه نقط الضعف الى ممكن تضره لو اشتكيته بيها
والله انا مش باحب المشاكل ولا اذية حد انما لما الموضوع يزيد عن حده يبقى لازم واقفة
لانه ليه حاشية جوة المدرسة بيمشيهم ويخلى المدرسين تدخل مكانهم حصصهم بحجة الاخوية والزمالة والناس اللى شغالة فى المدرسة ومش عاجبهم الوضع يقول انهم مش رشغالين
رجاء المشاركة

نصيحتى اليك يا ابلة اميمة هى فى خطوات سريعة
1-التدقيق فى دفتر الحضور والانصراف لان اخطائه فى المدارس بالجملة
2-تكوين جبهة معارضة فى المدرسية
3-عمل اتصال مع افراد من الادارة (ادرايين مثلا)ليصل اليهم دائما ان المدرسة بها مشاكل
وهذا يرعب الادارة ويبدوا التحرك
هذا ما قمنا به بالفعل فى مدرستنا ونجحت وتم نقل مديرة المدرسة

مبسوطه جدا ان فى ايجابيه وتغيير ورفض للسلبيات

ربنا معاكى

وحسبنا الله ونعم الوكيل فى كل مخالف لضميره

رجاء اللى يعرف الطريقة المثالية لحل المشكلة والتخلص من تعنت ونفاق مدير المدرسة يكتب الحل هنا لتعم الفائدة

كفته يا جدعان و الله كفته
أنا اقولك تعملى ايه خدى الحكمة من المستجدين
اول حاجة ادفعى التوريدة بزيادة يعنى لو بتدفعى 30 جنيه ادفعى 35 ... عشان العين تعمى
ثانى حاجة انضمى لحلف المدرس اللى انتى كرهاه ... ومن هنا تظهر البدع ... و اول ما تقع ادامك حاجة ... ابعتيها ع الادارة بسرعة ... وهكذا ...
وتكون نتيجة الطريقة دى ان المدير مش هيعملك حاجة عشان التوريدة وفى نفس الوقت كل حاجة بتظهر ادامك الواحدة بعد التانية كأنها سبحة و انفرتت ... واعبال المشكلة التانية ... وكل سنة وانتى طيبة

هو يا ست اميمه فاكره ان اللى بيحصل ده فى مدرستك بس .........ده فى كل مدارس مصر الا من رحم ربى

بيعتبرونا فرز تانى .....بس اقولك حاجه توديه فى ستين داهيه اشتكيه للتوجيه المالى والادارى
1-فواتير مصروفات الكتب مفيش حد بيعملها كامله
2-فلوس الانشطه بتروح اول باول جيوب النظار
مع انه حرام بس انتى تنك وراه فى الماليات
واخيرا .........المسامح كريم يعنى لو هتسامحيه افضل

اولا الادارى اللى ماسك المصاريف وبيعملها كاملة
الانشطة فعلا مش مفعلة انما بيجيبوا فواتير

يا جماعة انتوا بتتكلموا فى حاجة تانية خالص
انا عاملة كل اللى مطلوب منى
بس الاستاذ دايما يقولى لازم تكبريه عشان هو بيحب الناس تعامله كده
فاهمين قصدى
يعنى الشغل هنا مش المقياس
عاوزنى اروح اقوله اى اوامر
اوامر ايه اللى هيديهالى كمان

انما الطريقة اللى الناس بيقولوا انفذها دى والتحضير وكده
يعنى هو رغم شغلى بيقول الابلة مش بتشتغل
يبقى هو بيحاول يضرنى بكل وسيلة وانا عاملة الطيبة اللى فى حالى
لا طبعا
بنفس الطريقة هارد عليه

يا استاذ محمد انا مصرة انى اخد حقى واوقفه عند حده
وده كان اساس طلبى فى الموضوع اعمل ايه عشان اخد حقى
انما حضرتك بتنصحنى انسى واسامح واخلينى فى حالى
والاستاذ لما يعمل مشكلة معايا اتغاضى عنها ويهمشنى بالتدريج