|
المفاجأه المرتقبه منذ شهور :)
طبعا كلكو مش فاكرين ان فيه مفاجاه :rolleyes::rolleyes: كلكو دخلتو ورديتو نفس الرد طبعا هصلى واقرا قران واقول الشهادتين وناس قالت هتصوم اليوم ده كمان وفيه ناس قالت كاضافه هروح لكل اللى زعلانين منى واصالحهم وناس هروح ازور الناس اللى عارفهم واودعهم وناس هتظل تبكى فى خشوع الى المغرب المفاجاه بقى: هتعمل ايه لو اليوم عدى من غير ماتموت ؟؟ واكتشفت انه كان حلم عادى ؟ هل هتبقى على صلاتك؟ هل هتبقى على قراءه القران؟ هل هتظل تذكر الله مثلما كنت تفعل معتقدا انك ستموت؟ هل ستصوم ايام لم تكن تصومها قبلا؟ هل ستبقى على الناس اللى صالحتهم واللا هترجع تخاصمهم تانى؟ هل هتبقى على صله الرحم وتزور اقاربك مثلما كنت تفعل وانت تظن انك ميت لا محالاه؟ هل ستبكى كلما تذكرت هذا الموقف وتهم الى الصلاه؟؟ هل هينصلح حالك ونصبح ملتزم ومن اهل التقوى ام ترجع الى ضلالك؟؟ اذن الموضوع مش مجرد كسل او شيطان يمنعك عن الالتزام الان تستطيع ان تبدا فى الصلاه اذا لم تكن تصلى ان تصل رحمك اذا لم تكن تصله ان تقرا القران ولو ايه فى اليوم ان تذكر الله على الدوام وتخشاه الا ترتكب الاخطاء والحماقات التى تقلل من شانك فى الدنيا وتزيدك سيئات فى الاخره ولا تحقق منها شيئا الا مجرد متعه لحظيه مقابل متعه ابديه فى الدنيا والاخره ولكن ايه اللى يمنعك بالتاكيد انه ليس بكسل لانك لم تكن كسولا وانت تظن انك ميت ففعلت كل ماتظن انك تحتاجه فى اخرتك وتركت متع الدنيا والتزاماتها وليس بالتاكيد الشيطان فانت لم تاخذه حجه لك فى ساعاتك الاخيره ولم تظن انه لا فائده من فعل شيئ مثلما يوسوس لك الشيطان اذا الذى يمنعك هو انت !! ايوه انت تخيل ماسيحدث لو قمت دلوقتى وعملت كل ده؟ هل سيمنعك احد من فعل الصواب؟ لا انت الذى تمنع نفسك عن فعله ولكن السوال ......... لماذا تفعل ذلك؟؟ الاجابه فى غايه البساطه هنفترض مثلا اننا داخلين نلعب رياضه معينه الاول بنتعلمها وبعدين بنحاول نمارسها لحد مانبقى محترفين فيها او نفشل ولا نمارسها مره اخرى اثناء هذه الممارسه والتدرب نجد صعوبه بالغه لدرجه تبكينا فى بعض الاحيان وتشعرنا بالفشل والاحباط حتى نتعود على هذه الصعوبه ونصل لبر الامان ونصبح محترفين هذا ما يحدث كلنا عارفين ايه الصح وايه الغلط(نتعلم) وحاولنا نعمل الصح ونتجنب الغلط (نمارس) يتبقى لنا اتجاهين نضغط على انفسنا حتى نتعود على عمل الصح وترك الخطا وهى مساله وقت حتى نصبح محترفين فى عمل ذلك او نستسلم ونفشل ؟؟ اى الطريق تختار ؟ انه طريق وحيد يجب ان تسلكه طريق وحيد تظل عليه طوال حياتك لا يوجد غيره ايهما تختار؟؟؟ فكر فى هذا الكلام قبل فوات الاوان وتصبح مبلد المشاعر ولا يفرق معك ان تكون فى الطريق الوحيد السليم . .. . . . . . . . . . . . . . . . . ميلحوظه// للى بيسال الموضوع مش منقول ولا حاجه انا كاتبه من تجربتى الشخصيه ومقتبس شويه كلام من كتاب الطريق الوحيد اللى انا مألفه بردو :p:pبس حبيت اشارككم فيه يمكن يفيد حد وربنا يهدينا كلنا:rolleyes: |
الكلام ده قمة الروعة وخاصة لما يكون من طالب في الثانوية لان الاولاد دلوقتي في السن ده مبقاش ليهم تفكير غير التفاهة الا ما رحم ربي
واحنا ياريت نحط في بالنا اننا ممكن نموت في اي لحظة لاننا وقتها عمرنا ما هنرتكب اخطاء ولو حصل هنتوب بعدها ومش انفسنا بس هية اللي هتتصلح بالعكس المجتمع كله.......بس للاسف كل واحد فينا فاكر انه هيخلد في الدنيا ويقول اعيش حياتي وبعدين ابقي اقرا القران واصلي واتوب لربنا ونسوف التوبة وفجاة نلاقي عمرنا ضاع في اللهو واللعب ربنا يصلح حالنا وحال الجميع |
ربنا يصلح أحوالنا وأحوال المسلمين جميعا ويهدينا ويثبتنا علي طاعته
جزاكم الله خيرا موضوع مميز |
رووووووووعه الكلام ده
جامد جدااااااااااا الموضوع يا احمد |
المفاجاه بقى: هتعمل ايه لو اليوم عدى من غير ماتموت ؟؟ واكتشفت انه كان حلم عادى ؟ ،،، احم احم ،،،،:d انا اللى فرحنى فى الموضوع ده حاجة واحدة بس :028ja7: اكيد عرفتها ....انا مبسووووووووووطة:022yb4: |
تصدق والله انا كنت حاسه ان ده هدفك من الموضوع بجد تسلم ايدك وفعلا الفتره اللى احنا فيها دى مبيبقاش فى دماغنا غير الثانويه وبس زى ما تكون اخر الدنيا طبعا ربنا يوفق الجميع بس لازم نخلى شويه من تفكيرنا للاخره وتشكر بجد على الموضوع الروعه ده
|
وحياتك ما اعرف هعمل ايه.......
ههههههههههههههه بس انا الحمد لله محافظة على علاقتى مع ربنا :d |
انته كلامك حكم والله
|
بسم الله ما شاء الله لا قوة الا بالله العلي العظيم
الله اكبر الله اكبر معقووول ؟؟م.احمد دولا هو اللي كاتب كدا؟؟ ربنا يحفظك و يحميك و يرزقك الفردوس الاعلي و الله مكانتك زادت ف نظري الحمدلله .انا علاقتي كويسة مع ربنا و الحمدله عارف..انا دايما بقول مش هسيب الشيطان يفوز عليا..فعلا انا غلطت مرة و حسيت فيها اني بعدت عن ربنا جااااااامد من شهر كدا..بس الحمدلله رجعت تاني لاحلي حياااااااااااااااة ..اه و الله احلي حياة في طاعة الله..و الله اللي ميحسش بحلاوة قربه من ربنا او يبقا ببعييد عنه يبقا ربنا يرحمه و يهديه لانه بالطريقة دي هيكون ضااااااااااااايع و مش عارف يعيش بجد بارك الله فيك و جزاك كل خييييييييييييير |
الكلام ده جامد بس
|
موضوع جامد بصراحة
بس مش عارفة هاعمل ايه لو اليوم عدى من غير ما اموت انا ممكن ارمي نفسي تحت عربية مثلا :d بس موضوع جميل هو انت مألف كتاب فعلا؟؟؟؟وكام صفحة؟؟؟ |
شكرا ليكو يا جماعه كلكم زوق واللهى
|
اقتباس:
بس مقلتيش ... عملتى ايه فى الموضوع اياه ;);):d اقتباس:
كام صفحه بقى مش عارف مش بعد اممم بس تقدرى تقولى سيتومايه مثلا:d بتسالى ليه بقى:stickjo4::stickjo4: |
| جميع الأوقات بتوقيت GMT +2. الساعة الآن 06:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.