الاكاديمية ضيعت الاقدمية للمعينين الجدد والوزارة فرحانة علشان متدفعش فلوس الكادر بأثر
 

منتهى الظلم والجهل باللوائح والتعسف من الاكاديمية والوزارة اذاى احنا شغالين فى المدارس من 2002 وبالعقد معلم مساعد من 2008وادينا امتحان الكادر فى 2009ونجحنا وتم التعيين على الدرجة التالتة معلم فى 1/3/2011وفى صحيفة الاحوال تم التغيير لكل شىء ماعدا الوظيفة على الكادر ظلت فارغة ولما سألت موظف الاحصاء فى الادارة قالى الوظيفة على الكادر وتاريخها من اختصاص الاكاديمية لازم تبعتلنا يعنى للادارة امر تنفيذى بتاريخ الامتحان والوظيفة على الكادر قلنا خير يمكن الاكاديمية تبعت 2009لكن المفاجأة بادخل على صحيفة احوال احد الزملاء لقيت مكتوب فيها الوظيفة على الكادر معلم 3/3/2011ومش عارف هل الكلام ده من الادارة ام من الاكاديمية ريحوا دماغهم لان لو ادونا اقدمية هنطالب بفلوس ارجوكم يا جماعة كل واحد يقول هو محافظة ايه ومكتوبلوا ايه فى صحيفة الاحوال وتحديدا فى الوظيفة على الكادر الخاص للمعلمين لازم ندور على حقوقنا اذاى بعد 10 سنوات نتعين انهارده وكمان مش مدينا حقنا فى الاقدمية حرام وبعد الثورة كمان التربية والتعليم محتاجة ثورة مخصوص انا اسف على الاطالة لكن خبر يجزن على فكرة انا ادارة ابوتشت محافظة قنا قرار 74 . فصبر جميل والله المستعان على ما تصفون

عندك حق انا من ادارة بلقاس محافظة الدقهلية ومكتوب فى صحيفة الاحوال الالكترونية فى خانة الوظيفة على الكادر معلم بتاريخ 30/3/2011 رغم ان امتحان الكادر كان فى 19/11/2009

كلام سليم انا ادارة القوصية محافظة اسيوط مكتوب معلم 1/3/2011

حضرتك تقصد إيه بتاريخ أول تعاقد هل تعاقد المكافأة الشاملة ولا المميز أرجو الإفادة لأن عندنا مش بيعترفوا غير بالمميز

حضرتك تقصد تاريخ أول عقد مكافأة شاملة ولا مميز مع العلم إن الملفات معندهاش أى عقود مؤقتة لنا التوجيهات والحسابات والماهيات فقط لأنهم مش بيعترفوا بها

يا جماعة والله يا بختكوا انتم فى نعمة كبيرة ( انا شغال بالاجر من 2000 شهر سبتمبر وعشان معنديش وسطه لسة بالاجر حتى يومنا هذا ) ربنا يبارك لكم وادعولى بس اعمل تعاقد فى التربية والتعليم


الحمدلله يا رب على كل حال واعوذ بالله من حال اهل النار ( اسماعيل شيحة )

عندكم حق
لان نحصل على حقنا إلا بالمظاهرة لمطالبه بحساب الاقدميه
محافظه القليوبيه
كادر 2009 تعيين 1/3/2011

والله ياجماعه انتوا فى نعمه
انا كليه تربيه وجيد جدا ومعايا دبلومه مهنيه جيد جداا ومش عارف اشتغل حتى بالحصه

انا من ادارة ابوتشت ومكتوب الوظيفة على الكادر معلم بس انت خلى الاستاذ رضوان يسجلك علشان هو الى فاهم الشغل

يا جماعه احمدوا ربكم علي التثبيت

أقصد تاريخ أول عقد أن كنت تعاقد 2005
عمل صحيفة احوال ورقية من الادارة ثم مضيتها وختمتها وخلصت وبعدين رحت لمسئول الاحصاء بالادارة فحط تاريخ التعيين تاريخ اول تعاقد 2005 بواقع الكلام الرسمى الموجود فى صحيفة الاحوال

الكلام كتير لكن وقت الفعل مبتلقيش حد معاك وممكن تلاقى نفسك وحيد فى المظاهرة
زى ما حصلت لى يوم المطالبة بضم فترة الاقدمية
كل واحد اعتمد ان لو أتضمت لزميلة هتنضم ليه فى الاخر مفيش ولا نفر راح
وكنت يومها وحيد

يا استاذ محمد ازاى عملت صحيفة احوال ورقية او مطبوعة حتى بالمعلومات دى ؟؟وازاى وافقو يغيرولك تاريخ التعيين لوحدك كدة وبدون قرار التعيين ورقمه وسنة التعيين وهى طبعا السنة دى زى مكلنا عارفين .....يا استاذ محمد لو فعلا عملت كدة وتم تغيير تاريخ التعيين عندك بتاريخ اول تعاقد يبقى انت بكل سهولة اتحسبتلك المدة دى اقدمية قانونية وبدون قضية ومعناها انك من حقك الترقية السنة دى كمرحلة تالتة (6 سنوات) حسب كلام الاكادمية وده طبعا مش منطقى ولا معقول انهم يحسبولك الاقدمية بتاريخ اول تعاقد الا بقضية انا جايبة كلامى ده من موظف شئون عاملين بالمديرية ....... المسألة انهم غيرولك معلومات بدون سند حقيقي يعترف به وده خطأ ادارى وتسرع منهم لان قانون العمل بيقول لازم تكون على درجة عشان تتم الترقية والتعاقد طبعا (بدون درجة ) يا استاذ محمد يا ريت ندى فرصة للادارات لغاية شهر 7 اللى جاى ولو متمش اى تحرك منهم لضم الخدمة السابقة سواء تعاقد او خدمة عامة للبنات او عسكرية للذكور .... يبقى لازم يتم رفع قضية لان من الاخر كدة الحكومة مش حتدور على حق حد ..... وده طبيعى ومتوقع من اى حكومة مش ف مصر بس

ملحوظة: ضم فترة الخدمة السابقة بتكون بقضية ضم للتعاقد على بند 3/2 وبتكون كمان للخدمة العامة او العسكرية زى مقلت قبل كدة ...اما العمل بنظام الاجر او موسمى ده مش بيضم للخدمة السابقة لانهم مش على بند اجور