سؤال للاساتذة الأفاضل
 

عند رسم الدالة التربيعية ويكون هناك طرف أطول من الاخر هل يكون لها محور تماثل أم لا

نعم لها محور تماثل وهو المستقيم المواز لمحور الصادات ويمر بالقيمة العظمى او الصغرى للدالة
وظهور طرف اطول من طرف دا حسب الفترة اللي عوضت بيها لانه الطرفين من المفترض انك كل ما تعوض بقيم تانية هيكبر معاك الطرف الى مالا نهاية من الطرفين

http://files.thanwya.com/do.php?img=7616

والله حضرتك استاذ محترم شكرا لمجهودك

ولكن

أنا لسة محتار ليها محور تماثل ولا ما لهاش أنا محتار
وجزاكم الله خيراً

مع كل رد بيزيد تقديرى لمجهود حضرتك
ولكن أفهم من كلام حضرتك ان من خلال الرسم ممكن يبقى ليها محور تماثل أو لأ وأفهم كمان إإن مش دايما لها محور وده بيبقى على حسب الفترة أو ح ( صححلى إن كنت مخطأ )
( وعذراً لكثرة الأسئلة لأنى مدرس مبتدئ على قد حاله يعنى ههه ودى مسألة خلافية بينى وبين أحد الزملاء )

1) على الفترة قد يكون لها محور او لا حسب الرسم
2) على ح دائما لها محور تماثل مهما كان الرسم

كده حضرتك قلت اللى كان فى دماغى من الأول

بس الحيرة كانت من إجابات المعاصر 2011 فى درس رسم الدالة التربيعية بالتحديد ص 18 فى كراسة الاجابة
( كان قايل إن له محور تماثل رغم إنه قايل من الرسم والرسم طرف أطول من طرف يعنى المفروض ما لهوش محور )
ومن هنا كان السؤال

ولا أريد أن أثقل على حضرتك

ولك جزيل الشكر والتقدير