مآساة العيش
 

من هنا ومن ارض الحدث مدينة الاسكندرية حي المنتزة منطقة فيكتوريا المهم يوجد هناك مخبز للعيش وهي منطقة المآساة ايه الي حصل يا جماعة :-

اولا انا والحمد لله كنت من بعيد لبعيد :d
اصلي جيت على صوت الزعيق والصويت :)

مش عارف ايه سبب المشكلة بالظبط انا سمعت صوت زعيق وشتايم كعادة الخناقات المصرية الي مالية الشوارع
فجأة في نار ولعت قربت اكتر واذا بست اشتعلت فيها النار
والناس الي موجودين وليكم انكم تتخيلو اي فرن بيكون عليه قد ايه من الناس المهم
كتير جدا من الي واقفين طلعو مطاوي وقعدو يضربو في بعض
طبعا الي معهومش مطاوي تراجعو واكتفو بالفرجة والاتصال بالنجدة انا كنت منهم :d
وليكم انتم تحددو كمية الجرحى انا معدتش
والست الي النار مسكت فيها اتنقلت للعناية المركزة
النجدة جت بعد سقوط الجرحى شالتهم واخدت الناس كلهم الي بيضربو بعض واخدت الفرّان
والاسعاف اخدت الجرحى والست
والفرن اتشمع والحمد لله :d
الاسباب :d

متفهموش بالظبط الي اتقال الست قعدت تزعق للفرّان وتشتمو الراجل اتنرفز رش عليها جاااز وعود كبريت
وحصل الي حصل

الناس بقة اتقسمو ل 3 اقسام :-

ناس طلعو مطاوي عشان يضربو الفران
ناس طلعو مطاوي يدافعو عن الفران
ناس بطفي الست المحروقة ودول نفسهم الي بلغو النجدة والاسعاف وقعدو يتفرجو بعد ما طفوها

مراسلكم مغترب وبس من ارض الحدث

حسبي الله ونعم الوكيل
جزاكم الله كل الخير

لا حول ولا قوه الا بالله العلي العظيم
حسبي الله ونعم الوكيل

حسبنا الله ونعم الوكيل

ربنا يصبرنا

ده كده وانتو من بعيد امال لو الكلام ده حصل قدامكو ؟؟؟

كان منظر !!!!!!!!!!!!!!!!!!!!!!

وبردو ارجع واقول ملناش الا نقول حسبي الله ونعم الوكيل

المهم لو اصطلحوا شوفهم اصطلحوا ليه

المصيبة انو حقيقي

كان المفروض اعمل ايه :d
شعوري بصراحة انا مكنتش عارف كان حاجات كتيرة مختلطة في بعض كنت عاوز اروح افك وطبعا عقلي رفض الفكرة تماما ...

وبصراحة كان نفسي اضحك جدا لسبب واحد اول مرة اشوف الافلام المصرية تتحقق قدامي لما القهوة كلها تقعد تخبط في بعض من لا شيء ...

وكنت في نفس الوقت حزييييين مووووت الناس بتعمل في نفسها كل ده وكل ده ليييييه علشان رغيف عييييش ؟؟

ليك حق يا سادات حاجة غم بجد :(