^ كلام ع السريع كدا عن المذاكرة ^
 

ازيكم يا معلمين ؟ :078111rg3:

http://www.gihane.com/mkportal/modul...album/a_74.gif

يارب دايما بخيـــر
ربنا يوفقنا و الحمد لله الحال ماشى تمام فى امتحانات الميد تيرم << ربنا يسهل

بصو كدا بالصلاة ع النبى
مافيش حد مابيحبش اللعب و مابيكسلش
و خصوصا الأفندية اللى غاويين الكمبيوتر و الفيس بوك و الكلام دا
بس طبعا الكلام دا ماينفعش
خصوصا مافيش اسرع م الايام
و نيجى قبل الامتحانات بيومين مش عارفين عناوين المناهج عندنا
و اوباز يا معلم << بنتزنق زنقة وحشة اوووى
وييجى بقا العقل الباطن يشتغل مش هنلحق نذاكر و كوابيس و سبحان الله
اول مانلمح بس الكتاب نحس بإكتئاب !

ودا موضوع نفسى بحت و مفروغ منه
و طبعا احنا سمعنا كتير عن المذاكرة
بس اكيد يعنى التنظير غير التطبيق خاااالص << حتى مابنتعلمش م الزنقات اللى فاتت ><
عشان كدا يا جماعة انا بقولكوا والله لسة الفرصة قدامنا نلحق نفسنا من النهاردة
من اللحظة دى
كل اللى انت محتاجه هو تستهدا بالله و تملا قلبك ثقة فيه _عز وجل_ ، جدد ايمانك ..
وبعد ماتصفى ذهنك خاااالص
خليك واثق من نفسك و حط نصب عينيك _(قدامك يعنى) بس من باب الفزلكة_ كل آمالك
و اعرف كويس انه مافيش حاجة بتيجى بالساهل
عشان كدا اهم حاااجة هى التنظيم ..
تنظيم الوقت .. تنظيم المذاكرة ..
بكدا هنعرف ايه بيشغلنا عن المذاكرة و نحاول على قد مانقدر نتجنبه << بس طبعا دا لو عقدنا النية سوا بصدق و من غير نصب او زوغان .. فاهمنى كويس طبعا

و دلوقتى حبة كلام من د.شريف عرفة << اكيد كلنا عارفينو
احيانا بيعجبنى و احيانا لأ بصراحة :p
بس مش دا موضوعنا يعنى .. موضوعنا

http://7abibapc.com/vb/imgcache/1995.imgcache.gif ا لـ ـمـ ـذ ا كـ ـر ة http://7abibapc.com/vb/imgcache/1995.imgcache.gif

بالمناسبة دي هاكلمكم النهاردة عن الذاكرة.
لو عايز تحسن ذاكرتك هاديلك شوية حاجات من وحي خبرتي في عالم المذاكرة:

http://7abibapc.com/vb/imgcache/2118.imgcache.gif الأكل: http://7abibapc.com/vb/imgcache/2118.imgcache.gif

لازم تهتم بالأكل , و خصوصا الأكلات إلي ممكن تحسن أداء الذاكرة.. مثل :
التمر- اللوز- الحليب- التفاح –العنب الغامق- و كل مشروبات الصويا..
و كمان العسل و شاي الجنزبيل و عصير الجزر محفزات رائعة للذاكرة...
و تجنب الكحول و المخدرات طبعا, لأنها بتضيع الذاكرة !!! << لانها حرام ههههه ربنا يبارك فيكو و يحميكم

http://7abibapc.com/vb/imgcache/2116.imgcache.gif النوم: http://7abibapc.com/vb/imgcache/2116.imgcache.gif

فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات إللي خدناها طول اليوم .. يعني يفضل سيادتك تنام بعد المذاكرة شوية بدل ما تفضل سهران الليل بطوله و انت مش مركز و قاعد تذاكر برضه !
الراحة مهمة و لازم تذاكر و انت مركز , و تنال قسط مناسب من النوم.. بس إوعى يبقى النوم هي و سيلتك المفضلة للهرب من المذاكرة ... انا باقول نام لك شوية بعد ما تذاكر مذاكرة كتيرة..

http://7abibapc.com/vb/imgcache/2120.imgcache.gif التنظيم:http://7abibapc.com/vb/imgcache/2120.imgcache.gif

مهم جدا قبل ما تذاكر , ترتب الورق و المذكّرات و الكتب بتاعتك.. كل مادة لوحدها و كل جزء لوحده.. عشان تعرف بالضبط (حجم) كل مادة..عشان تعرف بالضبط فاضل لك إيه و ذاكرت ايه فتقدر تعرف هاتذاكرها في وقت أد إيه.
التنظيم نص المذاكرة.. لأن الورق لو كله على بعضه , مش هاتعرف تذاكر و هاتيأس و تسيب المذاكرة و تقوم..لأنك مش عارف راسك من رجليك.. خليك فاكر : التنظيم نص المذاكرة.

http://7abibapc.com/vb/imgcache/2118.imgcache.gif الألحان : http://7abibapc.com/vb/imgcache/2118.imgcache.gif

لو فيه معلومة معصلجة مع سيادتك و مش عارف تحفظها, غنيها !
أيوه .. لو حاولت تفتكر كلمات أغنية .. مش هاتعرف تفتكرها إلا لو افتكرت اللحن, ساعتها هايبقى سهل تفتكر الكلام ..
الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية ؟
عرفت ليه ؟
عشان الناس تحفظها !!

مثال :
إعلانات أرقام الانترنت .. أكمل الأغنية : 0777(و بعدين ؟)


http://7abibapc.com/vb/imgcache/2118.imgcache.gif بلاش لخبطة: http://7abibapc.com/vb/imgcache/2118.imgcache.gif

أي عمل غير منته في حياتك , ممكن يخلي بالك مشغول..
فضي نفسك للمذاكرة و بلاش تخلي بالك مشغول في 5638 حاجة !

http://7abibapc.com/vb/imgcache/2083.imgcache.gif الضحك : http://7abibapc.com/vb/imgcache/2083.imgcache.gif

الحاجات المضحكة عمرها ما بتتنسي..
لو فيه معلومة معصلجة معاك حطها في نكتة او بص لها كإن دمها خفيف ..
اخترع النكت و اسخر من المنهج اللي بتحفظة هاتلاقي نفسك بتحبه و عارف تذاكره..

مثال :

كنا بندرس عن عالم كبير اسمه (مالبيجي) و كان اسمه رخم و مش عارف احفظة.. أول ما تخيلت انه اسمه (مليجي) بس خواجة.. لقيت العملية سهلة الحفظ !

http://7abibapc.com/vb/imgcache/2118.imgcache.gif اهتم: http://7abibapc.com/vb/imgcache/2118.imgcache.gif

من المهم أن تكون مهتما بما تقرأ.. يعني حاسس انك عايز تعرف المعلومة دي فعلا و عايز تستفيد منها..خليك حاسس بالفضول نحو الموضوع عشان تلاقيه مسلي.. و حط دماغك في الموضوع ..

http://7abibapc.com/vb/imgcache/2118.imgcache.gif قرر: http://7abibapc.com/vb/imgcache/2118.imgcache.gif

قرر إنك هاتحفظ المنهج بنسبة 100% مهما كلفك الأمر , و ذاكر بهذه العقلية و انت مصمم إن : يا انا يا الأمتحان بقى !
سبب رئيسي بيخلينا مش عارفين نحفظ , و هو اعتقادنا الداخلي ان ذاكرتنا ضعيفة !
لو آمنت ان ذاكرتك قوية و قلت كده لنفسك , و قررت إنك هاتحفظ و تستوعب المنهج كله بأقل تفاصيله, هاتترسخ جواك الفكرة دي .

http://7abibapc.com/vb/imgcache/2118.imgcache.gif خليك إيجابي: http://7abibapc.com/vb/imgcache/2118.imgcache.gif

حط خطوط تحت الكلام المهم , لخص النقاط المهمة , سمع لنفسك , ..... اعمل حاجات ملموسة تحس منها إنك ماشي في الطريق الصحيح و مش سلبي.

http://7abibapc.com/vb/imgcache/2118.imgcache.gif ركز في التفاصيل: http://7abibapc.com/vb/imgcache/2118.imgcache.gif

اعتبر كل معلومة صغيرة مهمة .. و اعتبر انك هاتحكي كل التفاصيل دي لواحد صاحبك بكرة و انتم خارجين مع بعض.. اعتبر إن فيه ناس صحابك عايزين يعرفوا التفاصيل دي و انك هاتحكيهالهم بكرة..
و خلي بالك ..
ادي نفسك فرصة انك تنسى شوية .. كل ما تذاكر كتير, هاتنسى حاجات مش مؤثرة قوي..
لكن لو مذاكر قليل, لو نسيت معلومة واحدة هاتروح في أبو نكلة !

http://7abibapc.com/vb/imgcache/2118.imgcache.gif اتكلم بصوت عالي : http://7abibapc.com/vb/imgcache/2118.imgcache.gif

بكده حواس كتير هاتشتغل على المعلومة دي .. اشرح المعلومة دي لحد , أو اكتبها و اقراها تاني .. ماتبقاش بس مستقبل سلبي للمعلومة, طلعها من جواك برضه -بأي طريقة- عشان ترسخ المعلومة أكتر.

http://7abibapc.com/vb/imgcache/2099.imgcache.gifالمراجعة : http://7abibapc.com/vb/imgcache/2099.imgcache.gif

بعد كل ده .. راجع يا باشا !
و ابقى قابلني لو سؤال وقف قدام سيادتك.

مع تمنياتي لكم بالنجاح و التوفيق يا شباب...

و ابقوا قولوا لي عملتوا إيه.

بجد موضوع جميل جدا جدا جدا ونصائح مهمة
:d شكرا على المواضيع الحلوة دى

الكلام ده شكله متوجه ليا للاسف بس نقول ايه

شكر الله سعيكم

جزانا و اياكم يا حبيبيتى ..
ههههههه و الله انا دماغى لفة جامد م الصبح :bosyht9:

مرورك الاروع يا دكتور .. تسلمى

ميرسى اوى على مرورك العطر ..
نورتـ بردكـ

العفو يا احمد ..
الكلام دا موجه لينا كلنا
و والله انا احق واحدة بالكلام دا

هههههههه
اوعى تكون زعلت !
على فكرة والله مش قصدى بكلامى حاجة
كدا كدا هو دا الكلام اللى طبيعى يتقال فى اي وقت

لالا مزعلتش يا ظلام خزامى مفيش حاجه:p

الموضوع فعلا جامد جدا وبارك الله فيك

موضوع جميل ومفيد وفعلا كنت محتاجو
وياريت موضوع عن اهمية المذاكرة وطرق المذاكرة علشان انا حاسس انى بقيت بارد في موضوع المذاكرة دا
وربنا يستر في الثانوية الزفت دى

ميه فل وعشرة
يا دارك يا حبيبتى انتى
استاذه ياا اخواتى راااااااائع

احم .. ماشى يا احمد :angry2:

جزانا و اياكم و فيكم بارك ..
شكرا على مروركم
و ان شاء الله يا بسام هحاول يكون ليا موضوع تانى بردو موجز عن المذاكرة ^^

لا بجد التوبيك كله نوّر برد حضرتك يا حبيبة حبيبتك.. :-)
:blush: ... اخجلتى تواضعى المتواضع :p
تلميذتكـ يا باشمهندسة ..

حضرتك ؟ ايه حضرتك ال انتى مسكاها دى
يا دارك انتى اختى الصغيرة
فخليها منمن ع طول يا حبيبتى
وده نورك يا قمر

Tha nguoi dung noi se yeu minh toi mai thoi thi gio day toi se vui hon. Gio nguoi lac loi buoc chan ve noi xa xoi, cay dang chi rieng minh toi... http://nhatquanglan.xlphp.net/

alsalam alakm mmkn ts3done ya shbab ana msh arfa anzm waqty ana ande 4 ayam dros wahma:

1-al sbt :arabic wa kimia lk alsaa 3 ala alsaa 9 ala mawsl al bet.

2- al atnan almany mn alsaa 4 ala 7

3- altalat math mn alsaa 6 ala 8 wa ns

4- al arba engjish mn alsaa 6 ala 10


momkn tsadone wa tqlole azakr amta wa azaa .........

almn bany bataa fi almozakra)