|
انفجار النكات فى الميدان بعد اختيار الجنزورى رئيسًا للوزراء
استقبل المتظاهرون فى ميدان التحرير نبأ اختيار الدكتور كمال الجنزورى، رئيسًا للوزراء بحالة ضحك وسخرية هستيرية، حيث تبادل الثوار النكات التى تشير إلى أن الزمان يرجع إلى الوراء.
كما شهدت مواقع التواصل الاجتماعى "تويتر وفيس بوك" حالة شبيهة ما حدث فى الميدان، فقال أحدهم إن المجلس كان يريد أن يولى نوبار باشا الوزارة لكن الترنك كان مقطوعًا، وتداول آخرون أخبارًا قديمة باعتبارها أخبارًا جديدة حيث قالوا: بيقولوا إن حميد الشاعرى اتخانق مع فارس وعشان كده طلع مصطفى قمر، وكمان فيه مذيع شبابى جديد اسمه جمال الشاعر بقى فتى أحلام البنات عشان بيلبس قمصان مشجرة وبيجيب أغانى وحافظ القرآن، وقال آخر: بيقولوا طارق علام هيمثل ويعمل فيلم جديد، وفيه خناقة على محلات التوحيد والنور للصراع على أميجو اللى بينور. فيه حفلة لعلاء عبد الخالق فى المعمورة، وأسعار الووكمان ارتفعت بسبب شريط حنان الجديد "رايقة متروقش ليه" هذا ما تداوله شباب التحرير فى أفيهاتهم. كما قالوا أيضا: بيقولوا الجوهرى هيستبعد طاهر أبو زيد من المنتخب، والتليفزيون هيمنع عرض مسلسل فالكون كريست وهيجيب مكانه مسلسل يابانى، وقالت فتاة: للتبادل حلقات فلاش 1و2و3 مقابل شريط أتارى ماريو، وتبادل الشباب الرسالة التى تقول: لهواة المراسلة: سماح شقراء 16 سنة تهوى مراسلة شاب من مصر الجديدة. وتساءل آخرون عن أسباب منع مسلسل "كوكى كا" للنجمة إيمان الطوخى، بينما اعتذرت فتاة عن حضور مليونية الغد مبررة ذلك بأنها تريد أن تشاهد "عالم الحيوان وأمانى وأغانى ومواقف وطرائف، وقال آخر: بس مجدى عبد الغنى ركن الكورة لمدافع هولندا إيه ركنه سم، فرد عليه صديقه: بس ولو كان شوبير بس ثبت إيده كنا غلبناهم، وحذر الشباب بعضهم من أن يتناولوا اللبان السحرى لأنه "بيجيب عقم" ومن فرد الشعر بالجلات لأنه "بيسقط الشعر" وتشاجر الشباب حول الفتيات الإعلانات الجميلات فبعضهم فضل "ياسمين عبد العزيز، وآخرون فضلوا شرين سيف النصر ونسرين ونرمين الفقى، وحينما اشتد الصراع قال له صديق: بعد أذنكم بقى عشان أنا رايح نادى الفيديو أجيب شريطين مقاولات واحد لهياتم والتانى لفريدة سيف النصر. |
ههههههههههههههههه والله الواحد احتار من امره
|
لك الله يا مصر
|
ايه الهبل ده هي مصركلها الناس بتوع التحرير عندهم الصحراء ياريت يرحوا يتظاهروا هناك حتي الدنيا واسعة هناك
|
عايزين ايه مش عارف
البرادعى رافض عمرو موسى بيشترط والباقى رافضين نجيب مين وبعدين كل واحد فى التحرير عايز واحد معين سبحان مرضى العباد جاء دور العقلاء من اجل مصر حرام عليكم الدخلاء والعملاء هم المستفيدين من اللى بيحصل والله حراااااااااااااااااااااااااااااااااااااااااااااااا اااااااااااام وربنا شاهد ومطلع وان شاء الله سينصر مصر على كل المغرضين |
هذه السخرية تخطت حدود الأدب . |
يجب معرفة : من هم الموجودين فى التحير حاليا ؟؟؟؟؟؟؟؟؟؟
|
اقتباس:
ان الناس بتستقبل القرارات ده لمن هم فى سن 10 سنوات .. فكان طبيعى يضحكوا ويطلعوا نكت :d + ياجماعة الناس اللى فى التحرير بتتكلم فى رئيس انتقالى او حكومة لها كا مل الصلحيات ... تجبلهم الدكتور الجنزورى (مع احترمنا ليه طبعا ) عنده 79 سنة :( ونفس صلاحيات تقريبا الحكومة القديمة .. المسؤلين مازاااااااالوا بعيدين عن الشااااااارع .. فكان لازم الشعب الكوميدى بتاعنا يضحك ويضحكناااااااااااااااااااااااا:d لكن فى ناس كتير موافقة علييه من الشعب ..:078111rg3: |
حقيقى تعليقات تافهة من شباب تافه .. جزاكم الله خيرا على نقل الخبر .. |
حررررررررررررررررراااااااااااااااااااااااااااااااا اااااااامممممممممممممممم
|
الناس اللي في التحرير ده مش نازلين علشان مصر دول نازلين يخربوها ياجماعه الجنزوري ده تاريخه جميل جدا ياريت نهدي مينفعش نعترض علي كل حاجه كده يبقي احنا مش خايفين علي مصر ياااااااااااااااااااااااااااااااااااارب احمي مصر
|
الدكتور الجنزورى ولا نزكى على الله احد
هو رجل وطنى تم اقصائه من حاشية النظام السابق لوطنيتة واخلاصة وهى شهادة أقولها لمن لم يعاصر فترة توليه رئاسة مجلس الوزراء ووزير التخطيط وشهد عصره طفرة اقتصادية وثبات فى سوق المال ندعو الله ان يوفقه وان نعطى له الفرصة للعمل والله على ما أقول شهيد |
تعليقات من في التحرير تافه لامعنى لها
|
ربنا يهدى الحال
|
اقتباس:
فأقصى المفسدين ورده إلينا |
| جميع الأوقات بتوقيت GMT +2. الساعة الآن 05:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.