سؤال فى الموائع ؟!
 

سرعة سقوط كرة في سائل لزج ............... سرعة سقوط كرة أصغر حجماً فى نفس السائل .

أ. أكبر من
ب. أضغر من
ج. تساوى

ملحوظة : كتلة الكرة لا تتغير.

أكبر إن شاء الله

اكبر من ( على نفس منوال كرات الدم و سرعة ترسيبها لما الكرات تتجمع بتزداد سرعة ترسيبها لما كرات الدم تكون اقل حجما تقل سرعة ترسيبها عن المعدل المعتاد ) و شكرا ليك يا افندم جزاك الله خيرا

على ما اعتقد ان الكتلة مش بتأثر لان سرعة الترسيب بتتوقف على الحجم حتى فى الجزئية دية احنا اتكلمنا عن نصف قطر كرات الدم الحمراء نصف القطر بيزداد و بيقل كده يعنى
لكن ما جبناش سيرة الكتلة خالص

شكرا ليك تانى مره :) :) :)

ممكن نتناقش شوية فى دى طبقاً للكلام اللى فى كتاب الوزارة الكرة اللى حجمها أكبر نصف قطرها أكبر وبالتالى هتكون سرعتها أكبر.
لكن ماهى مجموعة القوى المؤثرة على الكرة أثناء سقوطها فى سائل؟
ثلاث قوى وزن الكرة إلى أسفل وهو ثابت لا يتغير ( لثبوت الكتلة) ، قوة دفع السائل على الكرة إلى أعلى وهى تتوقف على حجم الجسم المغمور ( قوة الدفع تتناسب طردياً مع حجم الجسم المغمور عندثبوت الكثافة) وبالتالى الكرة الأصغر حجماً تكون قوة الدفع عليها أصغر والقوة الثالثة قوة اللزوجة وهى فى هذه الحالة إلى أعلى ( قوة اللزوجة دائماً فى عكس اتجاه حركة الجسم) وهى تتوقف أيضاً على مساحة الجسم المتحرك ( تتناسب قوة اللزوجة تناسباً طردياً مع مساحة الجسم المتحرك فى المائع ) وبالتالى الكرة الأصغر تكون قوة اللزوجة المؤثرة عليها إلى أعلى أصغر.
أى أن مجموع قوتى الدفع واللزوجة على الكرة الصغيرة أقل من مجموعهما على الكرة الأكبر حجماً وبالتالى تكون سرعة الكرة الأصغر حجماً أكبر من سرعة الكرة الأكبر حجماً.

بارك الله فيك يا أستاذ أحمد.... فعلا واضح أنك فاهم .... مش زى كل الأخوة اللى ردوا من كتاب المدرسة بدون فهم ، رغم أن هذا الخظأ فى كتاب المدرسة واضح وضوح الشمس.
أزادك الله علما و اكثر من الفاهمين أمثالك.

ايوه لكن كتاب الوزارة كاتب انها تزيد و ان كانت غلط بس لو جات فى امتحان لا بد من الالتزام بالوارد فى كتاب الوزارة ولو كان غلط

كتاب الوزارة أصلاً عبارة عن كتاب للأخطاء و ليس للفزياء :)