الى احفاد نيوتن
 

مسائل ساعدونى عشان انا اتخنقت للى خلصوا الفصل الرابع

1_ كرة مجوفة ومعلقة فى الماء فتكون كثافة مادة الكرة ............ كثافة الماء
(تساوى_اكبر من_اقل من)

2_قطعة خشب وقطعة حديد علقتا كل منهما فى ميزان زنبركى فكان وزنهما متساوى تماما فان كتلة الخشب الحقيقة ................. كتلة الحديد الحقيقة فى حالة عدم اهمال قوة دفع الهواء
(اكبر من _ تساوى _ اقل من )

3_خفف حمض كبرتيك مركز كثافته النسبية 1.8 باستخدام ثلاث امثال حجمه من الماء وعند تبريده وجد ان كثافته النسبية 1.28 احسب النسبة المئوية للانكماش الحادث فى حجمه بعد التخفيف

4_اذا كان فرق الضغط الواقع على جدران غواصة موجودة على ارتفاع 5 متر من قاع البحر هو 25 كيلو جرام فى وات لكل سم تربيع فاذا علمت ان عجلة الجاذبية 9.8 متر لكل ثانية تربيع فاحسب عمق البحر وكذلك فرق الضفط الواقع على الغواصة عندما تبتعد عن القاع مسافة اضافية 15 متر علما بان كثافة ماء البحر 1020 كيلو جرام لكل متر تكعيب

5_كرتان قطر كل منهما 1.2 ووزن الاولى 12000 نيوتن والثانية 4000 نيوتن وتتصلان معا بخيط قصير وعند وضعهما فى الماء انغمرت احدهما تحت سطح الماء بينما طفا جزؤ من الكرة الاخرى فوق الماء فاذا علمت ان كثافةالماء 1000 كيلو جرام لكل متر تكعيب فاحسب مقدار الشد فى الخيط وكذلك حجم الجزء الطافى من الكرة الطافية

8_ قطعتان من الذهب والفضة معلقتان فى كفتى ميزان اللاولى مغمورة فى سائل كثافته النسبية 1.5 والثانية مغمورة فى سائل اخر كثافته النسبية 0.85 ومتزنتان فاحسب النسبة بين كتلتيهما فاذا كانت كثافتهما النسبية على الترتيب 19.3 و 14.5

9_ ثلاث صنابير تملا حوض واحد الاول يملا الحوض فى ربع ساعة والثانى يملا الحوض فى نصف ساعة والثالث يملا الحوض فى ساعة فاذا فتحت الصنابير الثلاث دفعة واحدة فاحسب الزمن اللازم حتى يمتلا الحوض

انقل لقسم الفيزيا زي ما قالت الدكتور
يا عم دي مسائل كتاب الإمتحان في الفيزيا مكناش فاهمين ازاي بتتحل الا لما دخلنا الكلية وأخدنا فيزيا بجد
بص انا ممكن أحلهوملك عن طريق أرشميدس والكثافة النسبية لكن مش عليك ومش عايز أقلب دماغك لكن ركز وافصل كل المعطيات اللي عندك وانت هتحلهم باذن الله بتاعت الغواصة دي سهلة بس فكر شوية

اوك هو الموقع كله على بعضه ناس 100%

لا اله الا الله هيا الفيزيا وحشة اوى كدة

:blush: انا ادبى اه بس عايز اسال سؤال


مش المفروض الحاجه الى تغطس تبقى كسافتها اعلى واتقل ؟؟ ودى بقت معلقه تبقى ازاى اكبر امممممم




:slap1qk6: ولا التاريخ ضيعلى شويه الفيزيا الى عرفتهم فى السنين الى فاتت

بص انتا لو جاوبت السؤال بتاع هاى لايت صح يبقى انا كدة اطمنت عليك وممكن تقرا الكلام الى تحت
انما لو جاوبت غلط يبقى اقفل الموضوع ورووووووح ذاكر تارييييييخ هههههههههه :d

هو الجسم متعلق يعنى مفروض الكثافة تكون قد الكثافة زى ما انت قولت
طبعا ده استنتاج من قانون معين
ان وزن الجسم هيساوى قوة دفع الماء
يعنى كثافة الجسم فى حجم الجسم فى عجلة الجاذبية الارضية بتساوى كثافة السائل فى حجم السائل المزاح يعنى الى وقع من الكوباية لو الكوباية مليانة (وهو بيساوى حجم الجسم فى حالة انه مصمت) فى عجلة الجاذبية الارضية

وبما ان عجلة الجاذبية الارضية ثابتة والحجم متساوى يبقى كثافة الجسم تساوى كثافة السائل

لكن هنا الجسم مجوووووووف ففى اختلاف فى موضوع الحجم

لو عندك كوباية طبعا الكوباية مجوفة فالحجم الاجمالى بيساوى حجم مادة الجسم مثلا الزجاج + حجم ما بداخلها


يعنى هيبقى القانون كثافة الجسم فى كثافة مادة الجسم بس( من غير التجويف الى فى داخلها ) فى العجلة بساوى كثافة السائل فى الحجم الاجمالى يعنى ( حجم مادة الجسم بس +حجم ما بداخل الجسم يعنى حجم الفراغ او الهواء ) فى عجلة الجاذبية

بالتالى الحجم مش واحد يعنى الحجم فى الجزء الاول من القانون اصغر من الحجم فى فى الجزء التانى
بالتالى لابد ان الكثافة فى الجزء الاول من القانون تكون اكبر علشان تعوض النقص فى الحجم وكمان تكون الكثافة فى الجزء التانى اصغر علشان تعوض كبر الحجم

اذا كثافة مادة الجسم هتكون اكبر من كثافة الماء