حل مشكلة الطباعة
 

الموضوع مش عندى بس انا قلت الاجهزة الى عندى كلها بايظة يعنى المشكلة فى الموقع نفسه

نفس المشكله

نفس المشكلة بس الحمد لله يعمل فقط على جهاز المدرسة

الأخوه الأعزاء العيب في نسخة الويندوز بتاعتكم مش في الموقع لان الموقع بيستخدم برنامج للطباعة مش موجود في اغلب النسخ الكاملة اللي مش اصليه لان بيبقى محذوف منها برامج كتيرة. والحل انك تغير نسخة الويندوز وتحط نسخة فاضية بدون برامج وبعدين تكمل البرامج الناقصه صعبة شوية بس مجربه.

طباعة 1 سرى اول فبراير

بعض المختصين اكدو أن العيب فى الموقع مش فى نسخ الويندوز او المتصفح المشكلة ان الموقع عامل حظر للطباعة

وده المؤكد لانى غير عشرين نسخة واكتر من متصفح ومش بيطبع والله ولى التوفيق

اشكرك على مشاركتك لكن.......
 

[ارجو عدم الحكم الا بعد التاكد من كلامك لان طول عمرنا نستخدم نفس النسخة ونفس الجهاز على فكرة. في الطباعه. يا ريت لو حضرتك جربت الطباعه تقول الطريقة لكن بلاش فتوى ربنا يكرمك من غر ما تتاكد. واحب اقولك نسختي اصليه تماما


quote=عمرو حجازي;4157376]الأخوه الأعزاء العيب في نسخة الويندوز بتاعتكم مش في الموقع لان الموقع بيستخدم برنامج للطباعة مش موجود في اغلب النسخ الكاملة اللي مش اصليه لان بيبقى محذوف منها برامج كتيرة. والحل انك تغير نسخة الويندوز وتحط نسخة فاضية بدون برامج وبعدين تكمل البرامج الناقصه صعبة شوية بس مجربه.[/quote]

وانا عندى نفس مشكلة الطباعة وغيرت اربع ويندوزات وفرمت الجهاز برضه اربع مرات ولسه المشكلة مش عايزة تتحل
كده يبقى العيب من الموقع مش من الويندوز
ياريت لو فيه حد عنده الطباعة شغالة يقولنا علشان اجهزتنا تعبت من كتر الفورمات

بسم الله الرحمن الرحيم
الأخوة الأعضاء : الظاهر فعلاً إن المشكلة من مواقع الوزارة نفسها والدليل على كلامى :
1- قمت بتنزيل أكثر من 20 نسخة ويندوز بلا فائدة
2- قمن بتنزيل أكثر من إصدار للمتصفح ie بلا فائدة
3- ظللت أكثر من أربعة أيام أدخل على العديد من المنتديات ومواقع الشركات لمعرفة الشبب ومفيش فايدة.
4- قمت بشراء نسخة ويندوز أصلية بال***** بتاعها بالرخصة بمبلغ محترم ومفيش فايدة
5- وفى النهاية خالص وبعد بحث طويل جداً وشاق وصلت إلى أن االسبب أن تفاقية وترخيص الوزارة مش شغالة ولا الويندوز ولا برامج التصفح معترفة بيها.
6- يعنى الحل مش من عندنا .. الحل من عند الوزارة فياريت اللى يقدر يوصلهم الرسالة دى يوصلها .
وفى النهاية أحب أن أوضح أن الأجهزة اللى كانت شغالة قبل كده لسه شغالة ولكن لو قمت بتنزيل ويندوز جديد عليها مش حتشتغل.. يعنى بالعربى اللى شغال شغال وميحاولش يغير ويندوز أما اللى غير ويندوز على الجهاز فهى دى المشكلة
وياريت اللى يوصل لحل مننا يعرضه على الكل .
وتقبلوا شكرى

عزيزى انا اللى منزل نسخة المدسة وهى نفس نسخة جهازى فى البيت و يعمل الموقع فى المدرسة ولا يعمل عندى الان بالرغم من انه كان يعمل قبل ذلك بفترة بسيطة

واضح ان الكلام بموقع الوزارة ان الطبع للسري

هيكون البداية من اول فبراير يعني المشكلة عند الجميع

حاجة طبيعية

ياجماعة العيب الأكيد وبدون شك فى الموقع التعبان بتاع الوزارة ليه ؟ أنا نزلت أكترمن خمس نسخات من الويندوز وفى الآخر نزلت ويندوز سفن وبعدين ويندوز فيسيتا وبعدين ويندوز نسخه أصليه من اكس بى وبعدين جميع المتصفحات وفى الآخر البرنامج اللى وضعوه على الموقع كل ده ومفيش فايده حتى البرنامج اللى وضعوه نزلت منه الاصدار 7 و 8 و 9 و 10 ومفيش فايده يعنى بصريح العباره العيب فى الموقع لامحالة وياريت مايقولوش اطبعوا تقارير الا لما ييضبطوا الموقع ويشوفوا حل للعيوب اللى عندهم فى الطباعة وشكرا

أنا هاني مدرس كمبيوتر ( مشكلة الطباعة )
 

أنا فعلا من اسبوع واحد كنت بطبع من على الموقع و مفيش أي مشكلة ... للأسف نزلت ويندوز من يومين اتنين و جيت اطبع بعد ما ظبت كل اختيارات الأمان زي كل مرة و للأسف ظهر ليا مشكلة unpublisher و معاها رقم طويل . فقلت انزل نسخة ويندوز تانية و برده ظهر نفس المشكلة لدرجة اننا جربت ويندوز 7 برده ظهرت نفس المشكلة . فأكيد يا جماعة المشكلة في الموقع ...و على فكرة أنا بدأت أسال سؤال على جوجل عن هذه المشكلة فلقيت المنتدى فيه حوار عن المشكلة فسجلت مخصوص عشان اشارك بتجربتي و أوضح للكل انها مشكلة عندهم في الموقع. بس للأسف مش عارف ازاي نخليهم يعالجو المشكلة دية... شكرا لكم جميعا