هل فى حد اخد اجازه بدون مرتب من المثبتين الجدد؟
 

السلام عليكم ورحمه الله وبركاته

من فضلكم هل فى حد عمل اجازه بدون مرتب ممن تم تثبيتهم حديثا ؟
وما هى اجراءاتها لانى محتاجه اخدها ضرورى .

وأنا أيضا أحتاج للإجابة على نفس هذا السؤال .. أرجو أن تطمئنونا .
هل يشترط خطاب المباشرة ؟ أم المباشرة مع مرور وقت معين ؟

ايوه يا جماعة صديق لى اخذ اجازه وسافر

ايو ة فى اكتر من واحد اخذ اجازة بدون مرتب فقط خطاب المباشرة دون مرور 6 اشهر وممكن تتأكد من شئون العاملين بالحسين

يعنى بدون استلام خطاب تعيين ؟

هل مباشره العمل تكفى

طبعا المباشره تكفى وتستطيع تاخد اجازه تانى يوم

للاخوة الزملاء
انا بالفعل اخذت اجازة بدون مرتب من شهر منذ ان ظهرت كشوف الاسماء
المطلوب منك
خطاب من المعهد بانك غير مطلوب للتحقيق معك (للشئون القانونية)
استمارة اجازة بدون مرتب من المنطقة او المعهد
3 صورة من مفردات مرتب حديث مختومة من المعهد ( للمنطقة + البعوث)
صورة الكشف اللي اسمك موجود به + صورة قرار التثبيت ( صورهم 3 نسخ علي الاقل )
اقرار ذمه ماليه فاضي ( للادارة بالحسين)
دمغات بـ 15 جنيه ( 40 من فئة 30 قرش + 20 من فئه 10 قروش)

الاجراءات :
1 تملاء ورقة الاجازة في المعهد و تمضي و تختم من الشيخ - تذكر هناك خانات تملاء و تختم في المعهد داخل الاستمارة
وهم موافقة الشيخ ( لا مانع + اخلاء الطرف : المذكور ليس لديه عهدة)
2 تذهب للمنطقه و تبدأ تملاء الاوراق و الاختام ( خذ معك ما يقرب من 400 جنيه للتكافل لانك بتاخد وصل و تدفع في بنك مصر )
خلصت الاختام و الامضاءات 11 ختم و امضاء من وكيل الازهر بالمنطقة
3 - الادارة العامه بالحسين الامور بسيطة و متتاليه مش معقدة
4 - المشيخة بالدراسة و خلص الاوراق الباقية و تذكر ان تاخذ مبلغ 250 جنية تبرع لمجلة الازهر اجباري
5 مكتبةالازهر ثم مكتب وكيل الازهر
6- - قطاع المعاهد الازهرية في الحي السابع
7 - - البعوث في الحي السابع
8 - تعود ثاني للمشيخة
9 - البعوث
وبكدة تكون خلصت الاجازة
تذكر تصوير اي اوراق او وصل الدفع لاي شئ اكثر من نسخة

و اسالكم الدعاء بظهر الغيب ان تحل البركة في الرزق و الاهل وحسن الخاتمة

يا ساااااااااااتر كل ده

دي بسيطة قوي قوي

ربنا يجازيك كل الخير

اهلا استاذ سيد
انا خالد زميلك بالمعهد
اكتب لك من عمان
اتمني ان تكون بخير صحة و عافية
و سلامي لكل الناس في المعهد
انت عندك ايميلي اكتبلي او لو مش عندك حابعتهولك رساله علي الخاص

متشكر علي الرد بناعك ده
انا حاولت اوضح كل شئ عشان مش تدوخ زي انا
انا لم اجد من يدلني
و شكرا لك

جزاك الله كل خير

جزاك الله كل خير وبارك لك فى رزقك واهلك ورزقك حسن الخاتمه
ولكن هل حضرتك استلمت خطاب التثبيت ام عملت مباشره عمل فقط

وما فائده اقرار الذمه الماليه
حضرتك منطقه ايه لان عندنا بيقولولى لما تستلمى خطاب التثبيت

انا منطقة طنطا الازهرية بالغربية
المباشرة الجديدة للتثبيت فقط و ليست للاجازة
انت مثبت من ساعة ما طلع القرار و نزل اسمك بالكشوف
و اللي بيقولوه كلام روتيني
وللعلم انا سافرت و لم اكن قد مضيت قرار التثبيت لان كان عندي موعد للسفر

و نفس الخطوات دي عملها واحد كان مسافر معاي في المسابقة و اعمل الاجازة و سافر و اتقابلنا هنا في عمان و شكرا للدعاء
جزاك الله كل الخير

ااسف نسيت موضوع الذمة المالية
هو مطلوب في الادارة العامة للازهر لانك من المثبتين و للمثبتين لابد من اقرار ذمة مالية
و احنا بالفعل كنا قد ارسلنا الموظف بالاقرارات للمنطقة و لكن بالتاكيد لم تكن قد وصلت الادارة و بالتالي عملت واحد جديد في دقيقة واحدة بالادارة
هو ثمنة 1 جنيه و هناك مكتب بريد بجانب الادارة
ارجوا ان اكون اوفيت كل الاستفسارات
و شكرا لك