الورشة.."عيادة الأجهزة المنزلية
 

أربع أيام ومفيش ولا زبون بص فى وشنا
مع إنه المحل الوحيد فى المنطقة
يارب ابعت الرزق

بعد السلام عليكم ورحمة الله و بركاته

الثلاجة عندي بتنزل ماء من الداخل افيدونا يرحمكم الله

وعليكم السلام ورحمة الله وبركاته
شوفى حضرتك مش باين من السؤال إيه كفاءة التلاجه
عموماً إعملى الخطوتين دول

1- مراجعة الترموستات للتأكد من إنه لايقل عن المستوى "2"بالنسبة للتلاجة العادية
2- إذا كان صندوق الفريزر به " تشميع " ثلج متراكم حواليه
فقومى بفصل التلاجة من الكهرباء واتركى باب الثلاجة مفتوح لإذابة هذا التشميع
لأن الثلج عازل حرارى
وأخيراً يجب التقليل من عدد مرات الفتح والقفل لباب الثلاجة قدر المستطاع
لأن ذلك يجعلها تعمل عدد ساعات أكبر لتعويض الهواء البارد المتسرب للخارج
كما يجب عدم وضع الأطعمة الساخنة جداً قبل تبريدها بالخارج

جزاكم الله خيراً

تسلم الايادي ورزقك على الله
ضحكتني اضحك الله لك سنك
هو بالعافيه عايز تعطل الاجهزة الكهربائية
شكرا على هذه المبادرة الرائعة تحتاج الى اعلان
بارك الله فيك وجزاك الله خيرا
تحياتي

المبادرة رائعة وحضرتك لو باستطاعتك تصليح الاجهزة المنزلية نعمل لك ركن خاص

نسميه العناية بالاجهزة الكهربائيه وكيفة تصليحها

تحياتي

الورشة نورت بمرور حضرتك
بالنسبة لاقتراح حضرتك طبعاً اقتراح رائع
بس عملنا المحل ده بس نجس بيه نبض السوق
حاجه كده زى دراسة الجدوى
وإذا نجحت الفكرة أكيد بجهد حضرتك هتكون ليتا فروع تانية
وأوعدك هتكونى شريك بنسبة 51 % من صافى الأرباح
بس ربنا يبعد عنا بتوع الضرايب

جزاكم الله خيرا

لي سؤالين :
الأول : أين الإقبال ؟! تقريبا حضرتك نسيت تعمل افتتاح للمشروع !
أو يكون حد بيقطع عليك الطريق وبيحول الناس لمكان آخر ! الحق نفسك يا أستاذ محمود
والأرزاق على الله

الثاني : هو حضرتك تخصص ايه ! يعنى بتجاوب من معرفتك ولا بتبحث عن الإجابات؟
أصل فيه ناس كتير بلاقيها بتعرف في أشياء كتيرة وليست تخصصها ذكاء يعنى اللهم لا حسد

بس بجد المعلومة السابقة ممتازة
ربنا يوفقك
تحياتي

الأول الموضوع زاد نوره بطلت حضرتك أستاذة رحيق
وطبعاً إحنا متخصصين أردنا للأحبة الأعضاء الفائدة
والموضوع يرحب بمشاركة الفنيين وأصحاب التخصص
ولكن لا يضير الموضوع بعض الشعوذة :p
فمثلاً يمكن تفريغ الثلاجة من محتوياتها الداخلية لتصبح خزانة ملابس :d
كما يمكن فعل الشئ نفسه بجهاز التلفزيون ليصبح حوض لأسماك الزينة بعد ملئه بالماء :d

بارك الله فيك وجزاك الله خيرا
تحياتي

مبررررررررررررررررررروك على المشروع ربنا يوسع رزقك
بس قولى اناعندى ميكروويف الباب بتاعه طبقتين داخلية من البلاستيك والخارجية من الزجاج الزجاج دا اتكسر اعمل ايه

الفاضل طالب الفردوس
جهاز الكوبيوتر سخن كثير وصوت المروحه عالي
ولما سألت قالولي محتاج الى تنظيف وانا بصراحة خفت لايبوظولي الجهاز
ايه رأيك جهازي لابتوب hp
2007
مش ادفع مصاري احنا من الادارة
تحياتي

بصى حضرتك
1- اتأكدى من فتحات التهوية كويس وخاصة إذا كانت سفلية
2- طبعاً التنظيف والتأكد من عمل المراوح
3- لا تحاولى وضع الجهاز أثناء عمله على جسم لين "مخدة - مرتبة "
لأنها تسد فتحات التهوية
وبعد كده : فيه قطعة لامتصاص الحرارة احتمال تكون معيبه

ابقى طمنينى