سؤال للمناقشة
 

سرعة سقوط كرة في سائل لزج ............... سرعة سقوط كرة أصغر حجماً فى نفس السائل .
أ. أكبر من
ب. أضغر من
ج. تساوى

ملحوظة : كتلة الكرة لا تتغير.

طبقاً للكلام اللى فى كتاب الوزارة الكرة اللى حجمها أكبر نصف قطرها أكبر وبالتالى هتكون سرعتها أكبر.
ولكن ماهى مجموعة القوى المؤثرة على الكرة أثناء سقوطها فى سائل؟
ثلاث قوى وزن الكرة إلى أسفل وهو ثابت لا يتغير ( لثبوت الكتلة)
وقوة دفع السائل على الكرة إلى أعلى وهى تتوقف على حجم الجسم المغمور ( قوة الدفع تتناسب طردياً مع حجم الجسم المغمورعند ثبوت الكثافة) وبالتالى الكرة الأصغر حجماً تكون قوة الدفع عليها أصغر.
والقوة الثالثة هى قوة اللزوجة وهى فى هذه الحالة إلى أعلى ( قوة اللزوجة دائماً فى عكس اتجاه حركة الجسم) وهى تتوقف أيضاً على مساحة الجسم المتحرك ( تتناسب قوة اللزوجة تناسباً طردياً مع مساحة الجسم المتحرك فى المائع ) وبالتالى الكرة الأصغرحجماً تكون قوة اللزوجة المؤثرة عليها إلى أعلى أصغر.
أى أن مجموع قوتى الدفع واللزوجة على الكرة الأصغر أقل من مجموعهما على الكرة الأكبر حجماً وبالتالى تكون سرعة الكرة الأصغر حجماً أكبر من سرعة الكرة الأكبر حجماً ودا عكس الكلام اللى فى الكتاب.

سيدى الفاضل انا مقلتش ان الجسمين من مادة واحدة ومفيش فى السؤال مايدل على أن الجسمين من مادة واحدة ولم تذكر كلمة الكثافة إلا عند الكلام على قوة الدفع وكما هو معروف فالمقصود بالكثافة فى قوة الدفع هى كثافة السائل وليس كثافة الجسم

فين مكان بالضبط فى الكتاب
القانون واضح
f=عامل الزوجه*AV/d
يعنى لو ثبت كل العوامل ما عدا A V هتجد ان العلاقه عكسية

تمااااااااااام


بس عندي استفسار بعد اذن حضرتك
أى أن مجموع قوتى الدفع واللزوجة على الكرة الأصغر أقل من مجموعهما على الكرة الأكبر حجماً وبالتالى تكون سرعة الكرة الأصغر حجماً أكبر من سرعة الكرة الأكبر حجماً ودا عكس الكلام اللى فى الكتاب

يعني في قانون يقول ان مجموع قوة الدفع واللزوجة يتناسب عكسيا مع السرعة !!!!!!!:o

ياريت لو سمحت تحدد الكلام فى صفحة اه فى الكتاب لانى اشك انك مفهمتش المقصود
واه وجه العتراض على كلامى الاولانى بتاع القانون

الكلام ده فى درس تطبيقات اللزوجة وبعدين قوة اللزوجة بتتناسب طردى مع مساحة الجسم المتحرك وبعدين لو بصينا على المركبات المتحركة( طائرات - قطارات - صواريخ ..........) هنلاقى ان طرفها الامامى مدبب والسبب تقليل مقاومة الهواء أثناء الحركة( مقاومة الهواء ناتجة عن لزوجته) يبقى كل الجسم ما تقل مساحته بتقل قوة اللزوجة والعكس صحيح

الف شكر لحضرتك على التوضيح ....:lol:
بس لما تنتظم سرعة هبوط الكرة في سائل يكون وزنها بيساوي مجموع قوتي الدفع واللزوجة
يعني قوة اللزوجة هنا ملهاش اي تأثير عشان في حاجة بتعادلها الي هو الوزن
والكتلة طبعاً ثابتة زي مامكتوب فوق
ازن السرعة هنا هتتوقف على الحجم او بمعنى ادق نصف القطر
يعني كلما زاد نصف القطر ازدات السرعة ...
فالاجابة هتكون اكبر من
ولا ايه ؟:rolleyes:

طب منتى فهم ان قوة اللزوجه طردى مع المساحة لان قوى احتكاك الجسم هتزيد http://www.thanwya.com/vb/life/icons/icon114.gif
فتقلل سرعته وبعدين انت متيجى تقارن بين عاملين بتثبت القانون كله ماعدا هما
عشان كده السرعه عكسى مع المساحه يترى اه مشكلتك بالضبط مع القانون

http://http://www.upscale.utoronto.c...cousMotion.htm

الرابط ده فيه فلاش رهيب عن الموضوع ياريت تشوفوه
الفلاش عبارة عن كرة تسقط فى سائل يمكن التحكم فى كل حاجة ( نصف قطر الكرة - كثافة الكرة - ...........)
المهم هنغير زى ما احنا عاوزين بس المهم يفضل وزن الكرة ثابت ونشوف سرعة الكرة فى كل مرة
فمثلاُ لما كان وزن الكرة 20.2 نيوتن وكثافة الكرة 8000 كجم/م8 3 ونصف قطر الكرة39.5 ملليمتر كانت السرعة النهائية للكرة 0.714 م/ث ( فى رسم بيانى بيوضح السرعة بالتفصيل)
ولما غيرنا كثافة الكرة إلى 2960 كجم/م8 3 ونصف القطر إلى 55 ملليمتر ( الوزن فضل ثابت) كانت السرعة النهائية للكرة0.275 م/ث
ودا يعنى أن الكرة التى نصف قطرها كبير سرعتهاالنهائية أقل والعكس صحيح
l

طبعا الكلام صح لان لما ا الحجم يزيد قوى الاحتكاك (اللزوجه)عليه بتزيد فتقلل من سرعته
هو انتى اما بتيجى تقارن فى القانون بتثبت كل العوامل ما عدا 2 فقط وبكده السر عه عكسى مع المساحه ولكن انا ملاحظه
انك بتقارن بين ثلاث عوامل متغيره فى وقت واحد وكده غلط
طلع اقناعك اصعب من اصعب هندسه فى الكون

http://http://www.upscale.utoronto.c...cousMotion.htm

الرابط ده فيه فلاش رهيب عن الموضوع ياريت تشوفوه
الفلاش عبارة عن كرة تسقط فى سائل يمكن التحكم فى كل حاجة ( نصف قطر الكرة - كثافة الكرة - ...........)
المهم هنغير زى ما احنا عاوزين بس المهم يفضل وزن الكرة ثابت ونشوف سرعة الكرة فى كل مرة
فمثلاُ لما كان وزن الكرة 20.2 نيوتن وكثافة الكرة 8000 كجم/م8 3 ونصف قطر الكرة39.5 ملليمتر كانت السرعة النهائية للكرة 0.714 م/ث ( فى رسم بيانى بيوضح السرعة بالتفصيل)
ولما غيرنا كثافة الكرة إلى 2960 كجم/م8 3 ونصف القطر إلى 55 ملليمتر ( الوزن فضل ثابت) كانت السرعة النهائية للكرة0.275 م/ث
ودا يعنى أن الكرة التى نصف قطرها كبير سرعتهاالنهائية أقل والعكس صحيح
l