|
مش ناويين تعملو مظاهرة ، اي اضراب ياخواننا
سلامو عليكو
بعد سلامات وطيبون انا بصراحة مبقوقة م اللي بيحصل ف البلد دي زي ناس كتير عايزة اطلع مظاهرة انفجر فيها بس يبدو ان عصر المظاهرات انتهي وولى من ايام سعد سعد يحيا سعد بس الحالة اللي احنا فيها دي تستحق انفجار ، انقلاب مش هاتكلم عن حاجات اتكلمنا فيها كبير ولا عن ناس ماتت عشان تشتري عيش بس اكيد معظمنا لمس زيادة الاسعار الرهيبة الاسبوعين اللي فاتو ازازة الزيت ياخواننا ب10 و 12 جنيه وكيلو الرز بقى مش عارف بكام والللي يغيظ ان الحاجات دي كماليات للوجبة يعني مدخلناش ف اللحوم ولا حتى المغفور لها الفراخ الاسعار بتغلى والمرتبات هياها وبيتخصم منها كمان واكيد شفنا احتجاجات الاطباء وغيرهم وغيرهم دة غير قيمة الجنيه اللي عمالة تقل بين العملات فيه راي سمعته وعجبني اوي ان الدولة مدام شايفانا ساكتين بيدونا على دماغنا اكتر وانا فعلا مستغربة هنفضل ساكتين لامتى الله يخليكو لو حد ناوي ينظم احتجاج يبعتلي بس تكون ف اسكندرية الله يخليكو الواحد مش حمل مشورة |
انا لسه صغيره على الحاجات دى بقى وانتى عارفه :d
|
لا ياستى الاحتجاجات مفيهاش صغير وكبير
الله اعلم على زمنك ازازة الزيت دي هتبقى بكام |
مظاهرة حتى وحده حاضر من عنيه الاتنين فكرتينى ايام الثانوى كنا عملين مظاهرة فلسطين ومش فلسطين المظاهرة طلعت اكتر من الف على بال ما اخدت لفتها كنا حوالى 18 واحد اتضح ان العيال كل واحد كان وراه درس ولا مروح ماشى المظاهرة توصل بيته يدخل البيت او الدرس يدخل الدرس وفى الاخر كل واحد راح لحاله :D ايام |
تصدق نفسى اطلع فى مظاهرة عشان الناس دى تحس شوية
|
اقتباس:
يا سيدي ولا فلسطين ولا غيره مش نشوف الغلا اللي احنا فيه دة الاول اقتباس:
هارد برضه :D المشكلة ان الناس دي مش هتحس على دمها من مظاهرة واحدة واحنا مش عارفين نعمل واحدة حتى ربنا يرحمنا برحمته |
اللى عاوز يعمل حاجه بيعملها فى صمت ودى وجه نظرى المتواضعه لا مظاهرات ولا غيره اللى بيعمل مبيقولش واللى بيقول مبيعملش |
بصى يا حبيبتى انا هقولك ع رايى بس مش عايزاكى تحبطى
انا من رايى ان المظاهرات مش هتضر حد الا احنا لانهم عارفين ان الشعب غضبان بس لو عملنا حاجة مش منظمة هيحبسونا احنا و كمان فى ناس هتستغل كده و تدمر البلد و ده احنا مش عايزينه لانها فى الاول و الاخر بلدنا بس اللى المفروض ان الشباب يعمله من وجهة نظرى انه يضغط ع الحكومة بوسائل تانية و يوصل فكرته بوسائل اكتر حضارية فى حاجة كده عرفتها مؤخرا :ان ايام سيدنا عمر الناس راحوا يشكو اليه من غلو اسعار اللحم فقال لهم انه لايملك اللحوم لكى يخفض اسعارها بس هما اللى بايديهم ده قالوله ازاى قال قاطعوها الرواية مش فاكرة الفاظهابالتحديد بس المضمون هو ده و شفته ع قناة بداية و طبعا مش معنى كده اننا نقاطع منتجاتنا زى بتاعت الدنمارك بس مش نبقى هنموت ع حاجات نقدر نقللها و فى الاخر اقولك:رايك صواب يحتمل الخطأ و رايى خطأ يحتمل الصواب |
موضوعك جميل ومؤلم طبعا
ده حتى الواحد مش بيلحق يحفظ الاسعار لان كل يوم بشكل جديد وثوب جديد وحتى البائعين كانوا بيكتبوا التسعيره على المشتريات لكن دلوقتى مش معقول كل يوم يكتب تسعيرة جديده لانها بتتغير كل يوم لكن موضوع المظاهرة ده مش هايفيد ولا هايجيب نتيجه والسلام عليكم وبلاش سلامو عليكو دى لانها غلط شكرا ... |
بلاش المواضيع دية
لحسن السايت يتعلق قصدى يتقفل واحنا بنات واهلينا عاوزينا |
اولا شكرا ليكي
هتعبر نفسي اول المرور واقولك ان نحن نفعل لكي نريد واذا تكلمنا نتكلم في علو يعني باااختصار تقدري تطلعي مظاهره افتكر اهلك مش هيوافقو بس ممكن نقول نعمل ورق ونوزعه علي الناس يمكن حاجه تتحرك الا معملنا ولا اتحركنا عشان نصرة نبينا هنتحرك عشان بطونا شكرا لكي |
اقتباس:
عن نفسى هعتبر الموضوع دهتنفيس عن النفس لان المظاهرات بتبقى قرعة ومش ليها لزمة كمان كل الناس اللى بتتكلم وتعمل فيها عنترة ...ومظاهرات.....بتخش القسم يومين...كام قفا على كام ....اى حاجة بقى:cool:...ويطلعوا دلال بعد كدة:D هو عامة الدولة احنا مش فى دماغها ولا هى حطانا فى دماغها ولا حاجة الحكاية ومافيها كلمتين البركة ..((اللى البلد ماشية بيها ...يعنى مفيش نظام)) والسرقة والتهليب(( يعنى اللى معاه بياخد اللى مش معاه حاجة على ديله )) يعنى هم مش فاضيين لنا ..مش مسالة حطينا فى دماغهم ولا لع بس كده بيشغلوهم بلقمة العيش وخلاص الموضوع اعمق من كده كمان بس بلاش ندتل (يعنى نقول details(:D سلام بقى والحل الاضمن للمشكلة دى بما ان حضرتك فى ثانوية عامة....تروحى تذاكرى فيزيا عشان بيقولوا هتيجى صعبة:D |
يا حاجة الغلاء دة مننا؟
هاتقولى نعم ازاى؟ هاقولكم من ذنوبنا |
انا ماشي وسايبها
ابقي اعملي مظاهره بقى استمري هه :d المهم ايه اخبارك واخبار الاحياء ان شالله يارب بخير :) |
اقتباس:
مالها فلسطين يا اخت الكريمة اقولك حاجة بالنسبة للمظاهرات كتير قالولك كلام فاضي وكلامك صحيح يعني اهوه احنا كل يوم تقريبا مظاهرات كتير حصل حاجة اقولك لأ كله علي الفاضي طلعت مظاهرات عشان المسجد الاقصي هقولك لأ اولي القبلتين وتلات الحرمين الشريفين اليهود بيحفروا تحتيه كل يوم وعلي وشك انه يقع حد اتحرك لا يعني باختصار لا حياة لمن تنادي علي الفاضي يا اختي الكريمة تقبلي مروري |
| جميع الأوقات بتوقيت GMT +2. الساعة الآن 12:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.