طلب مهم بالنسبه لينا كلنا
 

يا جماعه لو أى حد عنده امتحانات المستوى السنين اللى فاتت يااااااااااااااريت يرفعها علشان كلنا نستفيد منها
وشكررررررررررررررررررررررررررررررراااااااااااااااا ااااااااااااااااا

فيه في الموقع ده شوية امتحانات تقدر منها تستفيد يا خالد
http://alyeldeen.com/vb/forumdisplay.php?f=44

.................................................. .................

السلام عليكم
لو سمحتم يا اساتذه انا طالب فى الصف الثالث الثانوى علمى رياضيات السنادى كنت جايب السنة اللى فاتت 96.3% و كنت جايب 50 فى الرياضايات و انا كنت عاوز اسأل عن نظام المستوى الرفيع رياضيات ... انا مش عارف ايه نظام المستوى .. سهل و لا صعب و لا ايه بالظبط .. انا سامع ان الكل بيدخل مستوى رفيع عربى .. لانوا سهل ... بس انا مش بحب العربى خالص ... و مش عارف اعمل ايه ... الكل بيخوفنى من الرياضة و انا مش عارف اعمل ايه و انا مفيش قدامى غير العربى و الرياضة ... يا ريت يا جماعة تفيدونى

بص يا بشمهندس ان شاء الله يعنى
المستوى رياضه سهل جدا هو فيه كتير من رياضه 2
انا اخدته ف 16 حصه 4 شهور يعنى
هو فرعين تقاضل وتكامل وده عليه 16 من 40 بيجيلك سؤال اجبارى و2 اختيارى تختار واحد

والفرع التانى استاتيكا وديناميكا ودى نصها من رياضه 2 برده عليها 24 درجه سؤال اجبارى و3 تختار 2

بالنسبه للامتحان كوبى باست من السنين اللى فاتت نفس الافكار هى هى
حتلاقيها لذيذه جدا معاك وخصوصا لو انت مرتاح ف رياضه 2 العاديه

لكن العربى حفظ وغلاسه وكفايه العربى اللى عندك يعنى

وبرده شوف نفسك وربنا معاك

انا متشكر جدا يا بشمهندس .. انا مقتنع جدا بالرياضة مستوى رفيع بس كنت محتاج حد يطمنى من ناحية المستوى .... ربنا يخليك ....

ربنا يبارك فيك يا بشمهندس
انا تحت امرك ف اى حاجه تعوزها ان شاء الله

ربنا يخليك يا رب .. على اهتمامك ..... و ان شاء الله نباركلك قريب على التخرج بتفوق ان شاء الله

ربنا يخليك يا رب يا هندسه :)

معلش اهندسة ممكن استفسار

هوة انت فعلا استفدت من المستوى زى ما بيقولوا فى اعدادى هندسة و لا لسة ملحظتش ده

طب و الميكانيكا ؟؟؟؟؟ هل استفدت ولا لسا مدخلتوش فيها؟؟