|
بالنسبة لجدول المزاكرة
السلام عليكم
يا جماعة ياريت حد يعملى جدول مزاكرة عشان انا مبعرفش اعملو اول حاجة هى بتتحسب بالساعات؟ المفروض ازاكر مادة و احدة كل يوم ولا كل المواد؟؟؟ عدد ساعات المزاكرة المفروض حد ادنى كام ساعة و احنا فى شهر 12؟؟؟؟؟؟؟ انا عندى يومين بس فاضيين هما الحد و الاتنين و باقى الايام درووووووووووس مع العلم انى تانية ثانوى علمى و المانى ارجوكو عايز رد على الاسئلة دى و كمان عايز جدول حلو امشى عليه انا طولت عليكم معلش استحملونى استودعكم الله |
28 مشاهدة و محدش يرد طب ليه كدة يا جماعة
|
بص يابنى
مفيش داع للجداول الوقت اللى هتعمل فيه جدول قوم ذاكر احسن عارف ... عمل الجدول ده بتبقى حجه عشان متذاكرش فى وقت معين مش عايز تذاكر فيه مش اكتر يعنى لو مش عايز تذاكر تقوم مغير الجدول ومخلى المزاكره فى يوم تانى ووهكذا لحد ماسنه ماتخلص فبلاش احسن ميلحوووظه// انا عن نفسى عامل 17 جدول ماشى بيهم كلهم مع بعض فى نفس الوقت والرقم ده حرفيا مش مبالغه ع فكره ^_^ |
لو هتعرف تمشى على 17 جدول فى وقت واحد قولى وانا اكتبهملك اوك؟
|
انا مستعد اعمل اى حاجة بس اكتبهوملى و قولى بتمشى عليهم ازاى
|
اقتباس:
بجد؟؟ طيب بس طبعا هقولك جداول لايه مش هدخل فى التفاصيل لان كل واحد وظروفه ............ 7 جداول لتنظيم الوقت اللى باقى لحد اخر السنه (قبل المراجعه) + 5 للعربى اصلها ماده رخمه شويه + 1 للفيزيا + 1 للرياضه + 1 للاقتصاد + 1 للمستوى + 1 للمواد كلها عموما تحابيش يعنى :p بس مش عامل للانجليزى :o |
ايه ده تصدق دول 18 ههههه
فيه جدول لتنظيم الوقت ^_^ |
اقتباس:
18 جدول ليه كل دا |
بص ريح دماغك من موضوع الجدول ده صدقنى...
ساعات بيجيلك وقت يكون عندك فيه امتحان فا هتضطر تخلى الاولوية فى المذاكرة للامتحان وبكده هينهار تماما الجدول اللى انت عملته او هتضطر تشد جامد فى المذاكرة عشان تعوض الفترة اللى مذاكرتش فيها غير للامتحان افضل طريقة انك اللى تاخذه تذاكره... امتى بقى مش مهم.. المهم تكون مخلص على قد ما تقدر و ميكونش متكوم عليك كتير... عشان متحبطش لما تعرف الكمية اللى عليك.... يعنى المواد العلمية تتذاكر اول باول على طول حاجة زى العربى متتعبش نفسك فيه..... لانه بالنسبالى كان هم كبير عشان حفظه.... بس نصيحة صغيرة من ناحية العربى...ذاكر الادب و متخليهوش لاخر السنة و طبعا بالاضافة للتاريخ او الفلسفة او الجيويوجيا....يعنى السنة دى او السنة الجاية... خليهم اولوياتك على طول......... و لو عايز جدول و مصمم اوى... ادينى فكرة عن مواعيدك طول الاسبوع و انت وصلت لفين فى المنهج و فاضل وراك اد ايه يتذاكر ......و انا هحطوهولك حالا.... |
اقتباس:
اقتباس:
مانا قولتلوا بلاش مش راضى بس على فكره جدولى بيعتمد على شويه قواعد اهمها طظ فى كل الامتحانات الفرعيه اهم حاجه امتحان اخر السنه طيب يا عم عايزين ندرب على الامتحان ونعرف مستوانا يبقى تصوره وتحله فى البيت بس برضو جو الامتحان حلو خلاص هات اخواتك خليهم يمتحنوا جمبك وحاول تغش منهم:dوهات ابوك يراقب عليك وخلى مده الامتحان نص ساعه هااااه خلاص حد عايز يروح يمتحن تانى؟؟ لو موافق على القاعده دى (عشان دى اصعب قاعده فيهم) يبقى خلاص قولى انت فى سنه كام وعندك مواد ايه عذرا يا دكتور ,, بس انا كنت ناوى اقدم المساعده والله:bosyht9: |
اقتباس:
ياريت حضرتك ترد على الرسايل الخاصة اللى بعتهالك عشان تقولى على الجدول |
اقتباس:
الله يسهلو :p |
اقتباس:
انا او انت مفيش مشكلة.. حط انت كمان جدول و انا هحط بردو واحد... واكيد هو هيرتاح فى واحد منهم... وياريت لو اى حد تانى يعرف يحط جدول...يساعدنا بردو او يعدل فى جدول التانى.... اقتباس:
اقتباس:
هو من كوكب اخر.........:p |
ياريت بقى يا شباب تحطو الجداول بسرعة عشان انا محتاجها ضرورى
جزاكم الله خيرا |
انهاردة بليل او بكرة بالكتير هيكون عندك ان شاء الله
|
| جميع الأوقات بتوقيت GMT +2. الساعة الآن 05:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.