بوابة الثانوية العامة المصرية - عايز تطلع فى الاعلام

مستر رضا غزير

عايز تطلع فى الاعلام
عايز تطلع فى الاعلام ** والناس تقول عليك هٌمام
عايز تطلع فى التليفزيون ** وتشوف اشكال على كل لون
عايز تطلع فى سى بى سى ** وتشوف خيرى ولميس يا بيه
عايز تطلع على اون تى فى ** وتشوف ساويرس بيعمل ايه
... عايز تطلع فى النهار ** وتشوف محمود سعد الزمار
عايز تطلع فى الحياه ** السيد البدوى يمحلاه
عايز تطلع فى مصر الجديده ** معتز بيه مولعها حريقه
عايز تطلع فى 90 دقيقه ** اللى مفهاش ولا كلمه حقيقه
عايز تطلع فى دريم ** مش هو دا حلمك يا زعيم
خلص بقى انت دخلت العالميه ** خش ع القنوات الدوليه
عايز تطلع فى الحره ** وتطلع اسرار مصر بره
عاير تطلع فى البى بى سى ** لندن بترحب بيك يا بيه
عايز تطلع فى العربيه ** وتاخد هيونداى او ملاكى عاديه
اما بقى قناة الجزيره ** حكايتها دى حكايه كبيره
عايز تشوف مصر فى مصيبه ** وكل يوم فيها حريقه
خلاص بقى انتى زهقت من التليفزيون ** خش بقى ع المصرى اليوم
مجدى الجلاد هيعمل لك البوم ** ويجيب صورتك كل يوم
ويا سلام بقى ع اليوم السابع ** خالد صلاح هيخيلك نجم ساطع
ماهو دا اعلامنا المسيس ** الحقيقه فيه شئ مزيف
اعلام مالوش مبدا ولا ذمه ** ادى له فلوس وهو يولعلك الامه
خلاص طلعت فى الاعلام ** وهان عليك وطنك يا همام
بكره تقابل رب الأنام ** ويسألك خدت ايه من الاعلام
مستر رضا