|
.:حـمــاريــات:.
السلام عليكم ورحمة الله وبركاته أكيد فى ناس عرفت الموضوع بتاع لحمة الحمير فى البساتين على ال 10 مساءاً إعلامية جديدة نكرت نفسها وراحت تشتغل مع الجزاريين فى منطقة البساتين لكشف الاختام المزورة فجأة إكتشفت .........إن الجزارين بيدبحوا الكلاب والحمير وبيبعوها ودى كانت الكارثة الكبرى والله أعلم هيا لسه عايشة ولا لأ ؟؟ وعجبتى كلامها بصراحة يعنى فعلا لما ساندوتش الحواوشى يبقى ب 50 قرش وساندوتش الفول ب 1,25 يبقا فى حاجة غلط وكمان كيلو اللحمة يبقا ب 6 جنيه ( مش عندنا الكلام ده خالص الحمد لله ) عايزة بس تعليقكم على الموضوع ده ودى حاجة بسيطة كده بمناسبة الموضوع من جريدة الأخبار .: حماريات:. يللى ركبتوا الحمير بالبردعة و اللجام فى كل عصر الحمار له صنعة واستخدام حمار يشيل السباخ وحمار يكون خدام وحمار بتاع كارو شايل حمولة تمام وحمار فى ساقية اتربط ويدور بكل نظام وبعد ده كله تقولوا : " ده ابن حرام " .! والجزارين تدبحه وتبيعه بالكيلو والناس تأكل لحمته وتقول : لذيذ يا سلام |
لا حول ولا قوة إلا بالله
هو لسه فعلا الكلام دا بيحصل مشكووووووورة يا جميل على الموضوع |
السلام عليكم
جزاكم الله كل الخير ولاكن اسف الموضوع مكرر السلام عليكم |
لا عادي لحم قطط وكلاب وحمير وايه يعني اذا كانت مصدر مياه الشرب الصرف الصحي يعني منها واليها نعود:d عاوزانا ناكل ايه كورواسون وادي الناس عرفت ومظنش ان فيه حاجه هتتغير يعني الناس هتاكل برضه حد لاقي يابنتي كلاب كلاب :dبس المهم الواحد ينام شبعان |
اقتباس:
نورتى الموضوع يا حنان وشكراً لردك .. وربنا يسترها معانا البلد حالها مايسرش |
اقتباس:
وعليكم السلام ورحمة الله وبركاته جزانا وإياكم مافيش مشكلة وشكراً لحضرتك على التنبيه |
اقتباس:
أفهم من كده إن حضرتك ممكن تاكل لحم حمير وكلاب وقطط عادى وتشرب ميه بمجارى عادى "حد لاقي يابنتي كلاب كلاب :dبس المهم الواحد ينام شبعان" .. بالهنا والشفا يا فندم هو فعلاً الناس دلوقتى لا مبالاه معاهم بس مش معنى كده اننا نفضل زى ما احنا والله مالاقيه حل لكل المشاكل دى عموماً شكراً لمرورك بالموضوع |
مش معني اني بقول كدا اني نزلت جبت قطه وكلتها لكن الطبقه اللي تحت الارض اي الطبقه الفقيره هي اللي بتعمل كدا:d وعلي فكره انا من الناس اللي مش بتشرب ميه الحنفيه لو هموت من العطش وفيه شركات دلوقتي متخصصه بتجيب الميه لحد البيت متفلتره طبعا :d يعني بنشتري الميه عقبال الهوا باذن الله:d |
اقتباس:
ماتيجى تضربنى أحسن يا ست الكوتكوتة :D بصى يا بنتى والله والله والله فى ناس مش لاقيه لقمة عيش تاكلها والبلد فى انحدار شديد وربنا يستر علينا بعد كده وكل واحد يحمد ربنا على اللى عنده شكراً لمروركم بالموضوع |
أنا عاوز أرد :( بس هرد أقول إيه :mad: حسبى الله ونعم الوكيل يمهل ولا يهمل |
ملهة لحمة الحمير دى حته الحمير هى اكتر الحيوانات احتمال وصبر وللاسف بعد ما نفسناها فى اكل الفول نفسناها فى الصبر وتفوقنا عليها كمان حمد الله على السلامة يامها :) |
سبحان الله
اصل الكل بيقول ع المصريين معدتهم تاكل الزلط الحمد لله بقينا بناكل حاجات متطورة شوية حسبى الله و نعم الوكيل |
طب الحمد لله انى نباااااااااااااتى
|
اقتباس:
أحسن رد يتقال اليومين دول على كل اللى بيحصل شكراً على ردك ومرورك محمد |
اقتباس:
بس مش يرضيك يا أستاذ اسلام ان ربنا يبعدنا عن اكلها علشان الحمار مش من مقام الانسان ولا فايدة ليه دا مخلوق علشان يخدمنا نقوم احنا نغدر بيه :p وندبحه وناكل لحمته بس لو كانت لحمة حصان الواد ياكل وهو فرحان أكل لحمة ب 6 \7 مليون مش كان احسن :cool: الله يسلمك :) ونورت الموضوع بردك يا أستاذنا |
| جميع الأوقات بتوقيت GMT +2. الساعة الآن 07:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.