|
الفيزيا فعلا هتموتنى
يا جماعه انا بجد بجد ضايعه فى الفيزيا دى انا بسببها مش بنام بخاف منها وكل يوم يعدى ببقى مرعوبه منها انا بس لما بتخيل يوم اللجنه وانا مش عارفه احط فيها قلم فعلا حاسه انى هيجيلى منها الضغط او مثلا هموت بازمه قلبيه منها انا معتش بذاكرها ولا حتى بعمل الواجب وببقى رايحه الدرس واخرج زى ما دخلت مش فاهمه حرف ولما بقول للمدرس يقولى مهو كل الطلبه كدة يا فرحتى هو كدة المفروض اطمن انا اللى متاكدة منه انى شاطرة مش خايبه بس الفيزيا بجد ماده مش بتتفهم حد يقولى اعمل ايه انا فعلا حاسه بضياع |
طب اقسم بالله العظيم وربنا يحسبنى على حلفانى انتى محسسانى انك بتتكلمى عنى والله انا ضيييييييييييييييييييييعة فى الفيزيا وهمموووووت وفكرت اقسم بعد كده قولت حرام يعنى خدت احياء فى تانية وكمان هقسم سنة ومش عارفة اعمل ايه بس شلت فكرة القسمة خالص من دماغى
|
يا جماعة مش للدرجة دى أنا خلصت أول 3 وحدات..صحيح لسه فى أسئلة بتقف قدامى بس بعرفها بعدين والمستر قالنا أن الامتحان بيبقى اسهل من الكلام اللى بنحله فى الكتب الخارجية..ثانيا أنا بحس أنى بفهم من كتاب المدرسة..لكن دايما مشكلة كتاب المدرسة أنه سايح فى بعضه..جربوا تعملوا حاجة حلوة دورى على الحاجة اللى مش فاهماها على النت..أنا عملت كدا وشوفت شوية تجارب على اليوتيوب..بتبقى ممتعة وبردو ممكن تفهمى حاجة مكنتيش فاهماها
المهم نعمل اللى علينا والمسائل اللى بنحلها نكون محتفظين بيها فى ورق عشان لو نسيناها نقدر نرجعلها تانى |
انا مرعوووووووووووبه منها بردو
فكرت احول والله بس احنا ف نص السنه وماينفعش انا لسه ف ارشميدس ومطلع عينننننننننننى وبزاكرها غصبن عنى وربنا |
حرام عليكم يا جماعة مالها الفيزيا ؟؟
ده انا بذاكر عربي اكتر من الفيزيا !!! الاجزاء النظري ذاكروها كويس لانها سهلة و عليها 70٪ من درجات اخر السنة المسائل في ناس كتير متحبهاش ديه بتيجي معاهم بالتدريب و كتر الحل خلص الكلام :) |
ربنا يوفقكم بس حاولى تبسطى المادة وتحبيها وتقسميها اجزاء علشان تركزى فيها
|
| جميع الأوقات بتوقيت GMT +2. الساعة الآن 02:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.