كانيلونى يعنى هتاكل صوبعك وراه
 

بصو بقه بمناسبه تسجيلى على المنتدى هعزمكو على كنيلونى انا عليا المقادير و كل واحد يطبخ بقه

المقادير
1 كوب لبن
1 كوب دقيق
3 بيضات
طريقه التحضير

هنضرب الدقيق مع اللبن و البيض كويس جدا و بعدين هنجيب طاسه تيفال(لازم تيفال و بلاش اخترعات) و هنضع كميه بسيطه جدا من الزيت و بعد كده هنجيب مقدار بسيط من العجينه اللى عملناها ممكن ببمعلقه كبيره حبتين و هتعمل هيا شكل القرص كده و هنسبها 1 دقيقه و هنقلبها على الوجه الاخر و هكذا الى ان تنتهى الكميه اللى عملناها و بعد كده هنجيب لحم مفروم على الصاج (يعنى مع بصل و شويه توابل كده ده للى ميعرفش و لسه جديد) و هنحطها داخل العجينه و هنلفها زى صوابع كده و هتترص فى صنيه و هكذا برده لحد ما الصوابع تخلص و بعدين هنحط من فوقها شويه صلصه بسيطه و يسلام لو عليها جبنه رومى اخر مزاج طبعا:d:d و بعدين هتحطيها فى الفرن و فى ظرف ربع ساعه هتخلص

بالهنا و الشفا بس لما تكلوها متنسوش تدعولى مش تاكلو و خلاص:d

جزاكي الله خيرا يا جميل


يلا انا مستنيه اشوف عمايل ايديكي

ابعتيلي علي البيت

ههههههههه

إن شاء الله أنا أول واحدة هدعى عليكى أصدى أدعيلك يا جميل
بصوا بقوا همس جبتلنا المقاديروإنتوا عليكوا تطبخوا وأنا على الأكل أظن مفيش أسهل من كده
ومشكوووووووووووووووووووورة يا جميل على الوصفة

شكراً يا همس على الطريقة

بجد وصفة جميلة وبسيطة وعملية جداً

شكراً ليكى كتير عليها

شكلنا بجد هناكل صوابعنا وراها ...وهتحصل ازمة اصابع في البلد......ههههههههههه