بوابة الثانوية العامة المصرية - طلب من مدرسين الرياضيات

لو حضرتك فاهمه درس الحجوم هتفهمى السعه والسعه هى حجم الفراغ الداخلى لاى مجسم اجوف
و السعه لها وحدة قياس وهى اللتر و يتجزء منها وحده اصغر وهى المليلتر
واللتر= ديسم3
والمليلتر = سم3
مثال فى التحويل
0.23 م3 = ........... لتر هنا انا هعتبر نفسى فى درس الحجوم وهحول الى ديسم3
وانا لما بحول من الكبير وهو ال م3 الى الصغير ديسم3 بضرب فى 1000 اذن 0.23 م3 = 230 ديسم3 اى 230 لتر

مثال من نوع اخر
حوض على شكل متوازى مستطيلات أبعاده 25سم ،16سم ،60سم أحسب سعته باللتر
هتعامل مع المساله على انها حجم متوازى المستطيلات العاديه وبعد ما احل ابقى احول الناتج الى لترات
الحل
حجم متوازى المستطيلات = حاصل ضرب الابعاد الثلاثه
= 25 × 16 × 60 = 24000سم3
وبعد كده احول من سم3 الى ديسم3 يعنى هحول من صغير اللى هوسم3 الى كبير وهوديسم3 يعنى هقسم
على 1000 يعنى = 24000 ÷ 1000 = 24 ديسم3 اى 24 لتر

مثال من نوع اخر
علبة حليب سعتها 2 لتر وعلبه اخرى سعتها 200 مليلتر كم علبة من النوع تانى نحتاجها لتسع
عبوة العلبة الاولى تماما
الحل
طبعا اللتر = ديسم3 والمليلتر = سم3 وال ديسم3 = 1000 سم3 اذن اللتر = 1000 مليلتر
يعنى 2 لتر = 2000 مليلتر والعلبة الصغيرة سعتها 200 اذن 2000 ÷ 200 = 10 علب

وهما دول الثلاث انواع من المسائل على درس السعه
( يعنى باختصار بتعامل مع درس السعه على انه درس الحجوم على اعتبار اللتر = ديسم3 والمليلتر= سم3 )
اتمنى ان اكون وفقت فى ايصال المعلومه .