|
يا بنتي خديه وبعد الجواز ربنا يهديه.......
:: السلام عليكم ورحمة الله وبركاته :: هذه القـصة وأبطالها كلهم من وحي الخيال ولكنها قد تتكرر أحياناً فى الواقع ~ http://www.yardenvy.com/Images/Categ...ing_chairs.jpg جلست منال جانباً على إحدى المقاعد المتواجدة فى حديقة الجامعة وكان ملامح الحزن تبدو واضحة على وجهها فجائتهاصديقتها المقربة نيهال مبتسمة قائلة :أنا جييييييت :D ردت منال بنظرة حزينة : أهلاً نيهال نيهال : انا تمام الحمد لله بس انتى شكلك مش تمام نؤهياً ردت منال : مفيش حاجة يانيهال نيهال: لا شكلك زعلان وفي حاجات مش حاجة بس منال : مممم انا حاسة انى هموت خفضت رأسها قليلاً وقالت منال : هشام// نيهال : ماله منال : كان خطوبته امبارح نيهال: مش ده ابن عمك اللى كنتى بتقولى عايز يخبطك منال: اه ماهو مطلعش عايز يخطبنى بقى ولا حاجة انا اللى طلعت موهومه ومعيشة نفسي فى حلم نيهال: ازاى ؟؟ منال : اصلهم من زمان كانوا يقولوا هشام لمنال من واحنا صغيرين وانا كنت بحس انه كان مهتم بيا عن بقية قرايبى رغم انى عمرى ماكان ليا علاقة بيه عشان مغبضش ربنا ولا كنت مبيناله حاجة بس منكرش انه قلبي كان فرحان بيه نيهال :استنى يامنال مش ده اللى كان مقطع فى صلاته وانتى قولتى لاخوكى ينصحه صح ؟؟ وكان بيشرب سجاير ساعات ؟ منال : اه هو هو مكنش ملتزم اوى بس لما عماتى يقولوا منال لهشام كنت اقولهم لا مش ملتزم يقولولى بكرة هيلتزم يبنتى خديه وبعد الزواج ربنا هيهديه ويبقى زى الفل نيهال : بكرة يامنال وانتى ايش ضمنك بقى مش ممكن لا يتلزم ولا لأ وافرض ملتزمش هتعملى ايه يافالحة يامنال انتى ما شاء الله عليكى اكتر واحدة ملتزمة بينا واكتر واحدة محافظة على ميعاد صلواتك وقرائنك مبيفارقش شنطتك تروحى تتنازلى عن ده كله مقابل إعجاب بسيط منال : لا مانا كنت هحاول معاه بعد الجواز احاول اهديه نيهال : وانتى متجوزاه ياختى عشان تديله دروس دينيه ويا صابت يا خابت !! يامنال انتى ربنا بيحبك وهو اللى مخلاش ابن عمك يلتفت ليكى احنا عايزين حد يرفعنا ولا ينزلنا مش ده كان كلامك يامنال كان ممكن لو اتجوزتيه يكون ابتلاء ليكي وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة يتبع نقلا من أحلى حياة فى طاعة الله |
http://www.goodwayinlife.com/forum/i...cons/icon1.gif ابتسمت منال لنهال ابتسامة حزينة ومضت تفكر فى كلام نيهال <b>ومرت السنين وتزوجت منال وتزوج ابن عمها من عروسه ايضاً وكانت منال معزومة فى منزل عمها الكبير ووجدت هناك صدفة ابن عمها وزوجته وبعد مضي 5 ساعات حان أذان المغرب ..قام زوج منال وأستأذن لينزل يصلي المغرب ... )( () )( منال لزوجها: فى حفظ الله ياوليد ليلى زوجة هشام : ياهشام مش هتنزل تصلى ياهشام قوم دى الاقامة اقامت من فترة ياهشـــــام هشام :يوووووه ياستى بعد الماتش الماتش هيشتغل ما تهدى شوية ليلي : ياهشام الماتش يتاجل انما الصلاة لأ ..سيب بقى السيجارة اللى فى ايدك وقوم صلي هشام : يوووووه انا عايش مع شيخة بصى ملكيش دعوه ده شىءبينى وبين ربنا ممكن تسيبينى فى حالى ومتعملليش واعظة دينية ليلى بنظرة حزينة : براحتك انت حر )( () )( ثم دخلت ليلى إلى الشرفة محاولة ان تدارى دمعتين سقطوا من عينها ذهبت خلفها منال منال لـ ليلى مالك بس ياقمر متضايقيش نفسك ربنا يهديه بإذن الله ليلي: لا يامنال ده مش ممكن انا كنت عمرى مااتصوره كده انا حاولت معاه كتيرر اووى ومفيش فايدة انا كنت عمرى ما كنت عاوزةإن زوجى يكون ده ابدااا منال : طيب ممكن أسألك سؤال ومتزعليش مني انتى ليه رضيتى بيه لما اتقدملك ليلى :مانا قولت ممكن احاول معاه لما نتجوز احاول اهديه هنا منال ابتسمت ابتسامة بسيطة وتذكرت انه كان ذلك كلامها بالفعل قبل ونظرت نظرة إلى السماء وتذكرت كلام نيهال وتذكرت (وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة 216 وقالت فى سرها الحمد لله يــارب كم انت رحيم بي ثم نظرت لـ ليلى وقالت لها معلش يا ليلى ده ابتلاء ربنا يقدرك عليه ويهديه
رن جرس هاتف منال وظهر اسم زوجها على الهاتف وردت منال وليد : حبيبتى حضري نفسك بقى عشان انا طالع وهنمشي منال : من عيونى ياوليد.. يااحلى هدية من ربنا أنـتهــت ملحوظـة )) مش شرط أنه يكون انسان مش ملتزم ويستمر على كده |
قصة جميلة
دي فعلا الحقيقة و دي أول حاجة لازم الواحدة تفكر فيها الدين أولا ربنا و الصلاة .. عشان لو مش بيطيع ربنا عمره ما هيتقي ربنا في البنت جزاك الله كل خير |
قصة جميلة واتمنى ان جميع البنات تستفبد وجزاكم الله كل خير
|
جزاكم الله خيــــــــرااااااا
|
سبحان الله
(وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) |
اقتباس:
أحسنتي الرد دكتوره دعاء بارك الله فيكى وربي يرزق بنات المسلمين بازواج صالحين |
جميلة .. جزاكم الله كل خير :) :d
|
قصه رائعه بالفعل
جزاك الله خيرا |
السلام عليكم ورحمة الله وبركاتة
قصة جميلة اوى والله وانا على فكرة مريت بيها واتعلمت منها كتير بس على فكرة دية كانت فترة خطوبة وهو كان بيصلى بس الحاجات التانية زى الشباب العادية يعنى وقولت لنفسى هاحاول معاة انة يرجع لربنا اكتر يعنى بس المحاولة دية كانت فى فترة الخطوب باساليب شرعية بس معرفتش فالحمد لله محصلش نصيب يعنى انا قولت قصتى علشان بس اقولكو ان الموضوع دة صح مية فى المية ودمتم على خير الله |
جزاكِ الله خيراً
|
قصة حميلة جدا
جزاك الله خيرا |
| جميع الأوقات بتوقيت GMT +2. الساعة الآن 05:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.