|
"التعليم" تحدد حالتين تستوجبان معاقبة المعلم بسبب الدروس الخصوصية
أكد مصدرٌ مسئول بوزارة التربية والتعليم، أن لجنة تعديل قانون الكادر ستضع ضوابط وآليات تنظم تطبيق المادة الخاصة باعتبار الدروس الخصوصية مخالفة تأديبية على المعلم، والتى أضافتها اللجنة لمشروع قانون كادر المعلمين الجديد، لضمان استخدامها بشكل يحقق الهدف من إضافتها للقانون.
وأوضح المصدر، فى تصريحاتٍ لـ"اليوم السابع"، أن اللائحة التنفيذية للقانون الجديد، والتى تصوغها لجنة تعديلات الكادر بمجرد موافقة البرلمان على القانون، ستنص على اعتبار المعلم مرتكباً لمخالفة تأديبية فى حالتين، الأولى ثبوت إجباره الطلاب على الحصول على درس خصوصى عنده، والثانية تقصيره فى عمله داخل المدرسة وحضوره عدد أقل من الحصص الملزم بها فى الجدول بسبب تركيزه فى الدروس الخصوصية على حساب الفصل. وقال المصدر، إن اللائحة التنفيذية للقانون ستضع ضوابط تمنع الاستخدام الخاطئ للمادة أو تحويلها لأداة لتقديم الشكاوى الكيدية ضد المعلمين، مضيفاً أن "التربية والتعليم" ستبدأ فى صياغة اللائحة التنفيذية لـ"الكادر الجديد" بمجرد إقراره من قِبَل البرلمان الجديد. وتابع المصدر "القانون الجديد لن يعتبر كل الدروس الخصوصية مخالفة تأديبية، لأن هناك دروس يضطر الطالب إليها رغماً عنه مثل دروس اللغة العربية للطلاب القادمين من دول أجنبية لاستكمال تعليمهم قبل الجامعى فى مصر ودروس الطلاب أصحاب الإعاقات الذهنية والمعاقين"، متوقعاً انخفاض معدلات اعتماد الطلاب على الدروس الخصوصية مع بدء تفعيل هذه المادة. |
اقتباس:
اقتباس:
وده مين اللى بيحدده ؟ يعنى تقصيره فى حصصه داحل الفصل واجباره الطلبة على الدروس هتروحو تسألو العيال ؟ ونعملهم تصويت فى المجلس ولا ازاى يعنى؟ وعدد الحصص ازاى برده مش فاهمين النقطة دى حد يكون فاهم يوضحلنا الحاجات دى يعنى احنا ولاد البطة السوده؟؟ عشان زمايلنا يشيلو 18 حصة واحنا نشيل 24 ليه؟ فى شرع مين ده؟ نسافر للمدرسةيوميا واللى أصغر مننا بسبب القيادات الغير مسؤلة والظالمة والمستغليين لمناصبهم مقيمين جنب بيوتهم نراه بأعيننا ظلما بينا فماذا ترونه بأعينكم أنتم؟ |
من الاخر الغو البند ده
|
اقتباس:
مطلوب فعلا حل لمشكلة الدروس الخصوصية لانها تؤرق ولى الأمر ماديا الكل بيشتكى منها بالفعل مفيش ولى أمر إلا بيشتكى من تكلفة الدروس عليه حتى اللى بيروحو مدارس خاصة بالفلوس بياخدو دروس ودلوقتى الدروس وصلت للجامعة كمان والخيبة التقيلة كمان طلبة مدرسة زويل الثانوية للفائقين بياخدو دروس |
الله المستعان
|
لسه القانون هيتناقش في البرلمان يا مسهل يارب من كل كرب
|
طيب و لو الطلبة هم الذين يغيبون و لا يحضرون الحصص و إن حضروا لا يستمعون و يقومون بالشغب لأنهم غير محتاجين للحصة بسبب أنهم يأخذون دروسا خصوصية ماذا ستفعل معهم الوزارة هل ستعاقب المعلم كما هى عادة الوزارة؟؟؟؟هل سيظل المعلم هو الحيطة المايلة دائما؟؟؟؟ |
مفيش فايده ....!!!!! المدرس بردوه هوا الازمه يعنى كل المصايب منه !!!! بينى وبينكم الجماعه بتوع الكادر والوزاره ممكن تبلغ عننا وتقول للشعب الغلبان ... أحنا سبب ثوره يناير واحنا اللى قتلنا الثوار... وأحنا ..؟؟؟ وأحنا.....!!!!!؟؟؟؟؟؟؟؟ كده حراااااااام خلونا نلعن الكادر دا إذا كان موجود بعد 3000000 % اللى الموظفين خدوها ؟؟؟؟ والفاهم من كلامى حاجه يبقى يفهمنى حاجه ممل !!!!!
|
الأولى ثبوت إجباره الطلاب على الحصول على درس خصوصى عنده، والثانية تقصيره فى عمله داخل المدرسة وحضوره عدد أقل من الحصص الملزم بها فى الجدول بسبب تركيزه فى الدروس الخصوصية على حساب الفصل مين إللى حيثبت ده هل مدير المدرسة إللى بياخد نصيبه من الدروس نظير تركه المدرس يمشى من المدرسة من غير ما ياخد حصص ولا الطلبة ولايكونش المدرس هو إللى حيقول إنه بيدى الطلاب دروس خصوصية نكتة دى
|
يعنى من الاخر كده مفيش مشكله فىالدروس الخصوصيه الا اذا الطالب اشتكى ان المدرس بيجبر ال
الطلبه على الدروس ( مفيش جديد ) محدش يقلق |
الكلام ده فين من خريجى الكليات اللى هيدوا دروس ولو واحد بيشتغل فى أى وزارة تانية وبيدى دروس
ما حددش القانون ده معاقبته المفروض عادة النظر وفرض غرامات لعدة مرات والنهاية بالحبس لاى واحد يدى دروس |
| جميع الأوقات بتوقيت GMT +2. الساعة الآن 09:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.