|
عكاشه سقط يا رجاله
عكاشه بن معلم الزناتى سقط يامنز
^_^ تعليقات تويتر والفيس بعد فشل عكاشه وحصوله على 112 صوت فقط بأحد اللجان . . ... كده بقى الحوار هيكون عكاشة : عارف يا سي البرادعى خزمة الجرجير فيها كام عود ؟؟ البرادعى يخرج عن صمته : أكيد أكتر من الأصوات اللى انت خدتها فى الانتخابات ___________ حمله قوميه للبحث عن الـ 8 اللى ادوا صوتهم لتوفيق عكاشه ___________ انباء ان اعضاء المجلس العسكري هما اللى ادو اصواتهم لعكاشه ورأى اخر انه الواد شفطورة والواد حنطورة والواد سرس ___________ عكاشة أخد 112 صوت .. منهم 144 صوت باطل ___________ عكاشه هيقول:الماسونيين هما السبب فى سقوطى ..!! دى مؤامره ماسونيه وغدّونــى وزغّـطوووا,, ^_^ إلاهى ماسونة تخش فى بؤك ملتخرج يابعيد ________ انت اللى غلطان ياعكاشه فى حد بينزل الانتخابات ببنطالون ع لحم وعبايه بكباسين _________ سقوط عكاشه ممكن يهدد استقرار البلد يعنى ممكن بكره نسمع خبر الشرطه تلقى القبض على 500 بطة معهم زجاجات المولوتوف لحرق اللجان الانتخابيه كانو يهتفون كاك كاك كاك كاك احنا وراك وراك وتم تسليمهم لمجزر المنصورة الألى ________ او خبر بعد النتائج الغير مسبوقة لتوفيق عكاشة قررت اللجنة العليا للإنتخابات عمل مقعد شرفي له وهيقعد لوحده خالص فوق قبة البرلمان _______ ونقدم تهانينا للفراعين الاصليين وزغروطه ياست نفرتيتي . . . . واخيرا نقدم اعتذار لاهل الدقهليه اللى شكينا فى لحظه انهم ممكن ينجحوا الشخص ده سبحان الله الوحيد اللى اتفق الاخوان والليبراليين والسلفيين واليسارين عليه فى ليلة بكى فيها بط مصر |
ههههههههههههههههههههههههههههههه
جميل والله ده لو كان نجح كانت بقت مهزله ده شخص غريب الاطوار |
جزيل الشكر
|
|
ههههههههههههههه
بجد تحفة الكومنتات دي الشعب المصري طول عمره دمه خفيف ^^ |
الفيسبوك ينفجر ضحكا من خسارة توفيق عكاشة مع احلى تعليقات شاهد
الفيسبوك ينفجر ضحكا من خسارة توفيق عكاشة مع احلى تعليقات شاهد في مفاجأة سارة لأهل الفيسبوك تلقوها بالسخرية وأحلي "الألشات"، هي خسارة الإعلامي المشاكس توفيق عكاشة في انتخابات مجلس الشعب، علي الرغم من تكراره الدائم بأنه محبوب ومؤيد من قبل العديد من المصريين نظرا لأنه ليس عميلا لأي جهات أجنبية و حتى الجماعة الماسونية!. لينفجر الفيسبوكيون ضحكا علي خسارة توفيق عكاشة، خاصة بعد الإعلان أنه حصل علي 112 صوتا فقط، اضحك مع أحلي القفشات: - تقريبا اللى خلى عكاشة يسقط هو صوت احمد سبايدر - بعد النتائج المبدعة والغير مسبوقة لتوفيق عكاشة قررت اللجنة العليا للإنتخابات عمل مقعد شرفي له وهيقعد لوحده خالص.. فوق قبة البرلمان - عكاشـة اللى خلّاه يرشـّـح نفسه انه كان فاكرها إنتخابات "برّمــائيـة" - فى أول ظهور إعلامـى لعكاشــة :غدّونــى وزروطـوووا .. غدّونــى وزغّـطوووا - عكاشة : عارف يا سي البرادعى حزمة الجرجير فيها كام عود ؟؟ البرادعى يخرج عن صمته : أكيد أكتر من الأصوات اللى انت خدتها فى الانتخابات - آلاء نور .. والمذيعة ام باروكة "حمرا" قالوا لتوفيق احنا بنحبك وعايزين نتجوزك قاللهم .. لأ لأ .. خلينا أصوات أحسن - يا شماتة الماسونيين فيك يا عكاشة - توفيق عكاشة مقدم طعن فى نتيجة الانتخابات لأنهم منعوا البط من التصويت - متعملش في نفسك كده انتي لسه صغير ووراك كوم بط عايز يتظغط - عكاشة أخد 112 صوت .. منهم 150 "باطـ"ـلين - هو ممكن يبقى فى بط فى المجلس؟ - إنها ليلة بكي فيها البط - عكاشة : "اتبط" بقى واعد ساكت - هيقول مؤامرة ماسونية شيوعيه اشتراكيه ميكافيليه لبراليه اخوانية سلفية علمانية |
هههههههههههههههههههههههههههههههههههههههههههههههههه هههه
ده احلى خبر سمعته فى 2012 فعلا الشعب المصرى ده معجزة شعب فى عز الحزن بيضحك وينكت اكيد 112 صوت دول بتوع البط |
نتمنى سقوط الباقى
فعكاشة أقل خطرا على البلد من خصومه شكرا جزيلا |
| جميع الأوقات بتوقيت GMT +2. الساعة الآن 02:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.