استفسار ارجو الرد عليه فى اسرع وقت
 

انا السنه الى فاتت كنت 2 ثانوي ودخلت الامتحانات .

جيت على امتحان الرياضه كنت تعبان شويه وانا ف اللجنه فمعرفتش احل كلو رحت مشخبط على كل الى حليته علشان كنت هجيب اعلى من نص الدرجه بشويه


ومدخلتش امتحان الدور التانى علشان نص الدرجه



طب بقى لو انا دخلت الامتحانات السنادى هاخد الدرجه كامله ولا لا ؟؟

ولو مش هاخدها كامله هل ف حل علشان اخد الدرجه تانى كامله؟


ارجوكم الرد ده مستقبل

مفيش حد عبرنى خالص . شكرا

بص..يسسحسن انك تسأل مدرس أحسن من أي حد تاني..ومش أي مدرس كمان,,لأنه حتى المدرسين كمان مش كلهم بيعرفوا في المسألة دي هتلاقي كل واحد يقولك كلمة و تتوه انت في النص(انا مجربة الحكاية دي)..فالأحسن انك تسأل استاذ تثق فيه في الدرس أو المدرسة و ان شاء الله يفيدوك ..

ربنا معاك

حضرتك انا سالت في الموضوع ده كتير..وعرفت انه لو امتحنت الرياضة السنادي هتاخد نص الدرجة بس ..

اما بقى لو عايز تاخد الدرجة كاملة ,,هتضطر انك تأجل الرياضة دي للسنة الجاية..بمعنى انك تقسم تالتة على سنتين و الرياضة تمتحنها في السنة الجاية ان شاء الله..

وممكن حضرتك تتأكد و تحمل كتاب تعليمات دخول الامتحانات لسنة 2012..

http://thanwya.moe.gov.eg/thanwya/