اتمنى ان اجد الحل عندكم بالله عليكم لا تخيبوا املى........
 

السلام عليكم

طبعا كلنا عارفين ان موضوع اعادة الثانوية العامة شاغل ناس كتييير و انا اولهم

الموضوع بالنسبالى مسألة مصيرية هايتحدد عليها مستقبلى كله و حياتى كلها

...............................................

انا كنت علمى علوم و جبت 96.5 %

و فى الاخر دخلت تجارة انجلش مع انى كان نفسى ادخل اى كلية من الكليات الطبية

عشان كدة انا طالبة مساعدتكم ضروووووووووووووووووووووووووووووووووووووووووووورى

انا نفسى اعيد ثانوية عامة تانى ... سمعت انه ينفع بس اعيد الثلاث سنوات

فهل المعلومة دى صحيحة ؟؟؟؟ ..... و اذا كانت صحيحة ايه هى الشروط لكدة و هل ينفع اعيدها و فى اثناء دراستى الجامعية ؟؟؟؟؟؟؟؟؟؟؟؟؟؟؟؟؟؟؟؟

ارجوكم تردوا عليا فى اسرع وقت ممكن لان الموضوع بالنسبالى مهم جدااااااااااااااااااااااااااااااااااااااااااا

والله انا معنديش فكرة عن الموضوع ده
يارب حد يفيدك

ياريت والله لو ينفع انى اكون فى الجامعة واعيد الثانوى دا هيكون حاجة جميلة
ياريت حد يفيدنا

شكرا كتييييييييييير على ردودكم

و ياااااا رب نلاقى حد يفيدنا فى الموضوع ده

ماانصحكيش تعملى كده انت ممكن تدخلى صيدله والله اعلم باللى ممكن يحصل مش يمكن تقدرى تدخلى طب وحتى لو مش كده او كده مش نهاية العالم يمكن ربناارادلك الخير فى حاجة تانية وتنجحى فيها اكتر لكن ليه تضيعى سنين من عمرك وبرضه ماتضمنيش انك تحققى اللى انتى عايزاه وبعدين صدقينى نفسيتك هاتتعب بعدين لو عملتى كده

شكرا كتير على ردك حبيبتى

بس انا فعلا ماجليش طب ولا صيدلة .... موجموعى ماجبهاش

عشان كدة انا عايزة اعيد

و نفسيتى هاتدمر فعلا لو فضلت فى الكلية الى انا فيها دى

انا كنت فا****ى معانا فى تالته ثانوى بس على كل برضه ماينفعش تعيدى استغل الوقت فى حاجات تانية اهم وحاولى تحبى كليتك وبلاش تفكرى فى اى كلية تانية وانتى هاتحبيها ولو قفلت خالص يبقى ممكن تحولى كلية تانية تناسب المجموع اللى جبتيه بلاش فكرة ان مافيش غير الطب والصيدلة وكده حاولى تبدعى فى حاجة تانيه

انا اعرف ناس عادت بس فى الازهر جابت مجموع اقل وناس بتعيد فى العام لاسباب قهريه مش بتحب تروح دروس عشان اللى معاها اصغر لا والكبيره بقى واحده خلصت علوم وبعدين دخلت طب معاها عيال دلوقت ولسه فى الكليه بصى لقدام بعين واسعة المستقبل بيدالله

انا اولى تجارة انجلش

على فكره الكليه دى جميله جدا وهاتعرفى قيمتها لما تتخرجى

بجد ......... يعنى موضوع الاعادة ده موجود فعلا

طب هى كانت فى دفعة ايه ؟؟؟؟؟؟؟؟؟

و عادت ثانوية عامة اثناء دراستها فى كلية علوم .؟؟؟؟؟؟؟؟؟؟

و هى فى سنة كام فى طب دلوقتى ؟؟؟؟؟؟؟؟؟؟

و عملت ايه علشان تعيد .. يعنى سألت فى المدرسة و لا راحت مديرية التربية و التعليم ..ولا ايه ... يعنى ايه شروط الاعادة ؟؟؟؟؟؟؟؟؟

ياريت تجاوبينى يا حبيبتى.. و ربنا يحققلك كل امنياتك .. الانى نفسى الموضوع ده يكون موجود فعلا ياااا رب

لا ماعنديش فكره هم التلاته ليهم ظروف خاصة لان الاولى ازهر والتانية مادخلتش الامتحان فى تانيه لان جالها انهيارعصبى والتالته كانت جايبه مجموع الطب اصلا بس الغلط كان عند الكلية وعشان كده رفعت قضية على الكلية ودخلت طب بس انا شايفة ان التلاته خسرانين ده تجاره انجلش دى افضل

شكراا على ردودكم

و اتمنى ان حد يقدر يفيدنا بالموضوع