بخصوص متعاقدى سوهاج
 

السلام عليكم

بعد قاءة الموضوع كارثة التثبيت وموضوع اعتزار واجب



اتصلت اليوم 18/1/2012

بالاستاذ حمودة وكان ده انه كان زميل لى منذ قليل وقال له نفس الكلام اى انه تم الاتصال بالتظيم والادارة وسيبتوا فى امرنا بعد اوائل الخريجين


وكان رده انه اتصل امام زميلي المتعاقد بالتنظيم والادارة وكان ردهم ان نفت مدام سونيا الكلام اطلاقا وقالت ان الورق انتهي وذهب للمالية واستطرد هو قائلا انه اماكم حتى نهاية الاسبوع المقبل ان شاء الله وتصل الاسماء الى المنطقة

لا تفرحوا بالذى قلت فقد اعتدنا على الكلام الاعلامي غير الصادق


اتصلت بالاستاذ امين من جبهة متعاقدى الازهر وقلت له مينفعش كده مش لازم نسكت قالى على امتحانات الترم الثانى قلت له مش هنصبر لحد شهر 6 تانى


اخرنا خالص اول الترم الثانى ان لم يكن هناك تثبيت فاعتصام مفتوح معنا اعضاء مجلس الشعب حتى ياتى القرار

قال لى روج من الان فى مركزك ساقلته قلت له وانت كمان فى طهطا وباقي المراكز


ارجو كل من يقرا هذا الكلام يدخل معنا فى ميثاق شرف الا نتنازل عن حقنا بعد نهاية الترم الاول وان يبلغ كل من يعرفه فى مركزه عن هذا الكلام سوف نصبر حتى نهاية الترم الاول وبعدها فلا يلومون الا انفسهم


ارجو ان تشاركونى بارائكم من الان وحتى نهاية الترم ان لم يحدث شىء

وارجو من الله ان تحل هذه المشكلة قبل الترم


سلام عليكم

ان شاء الله مش داخلين فصول الترم التاني والا معنا القرار

تمام بس احنا مش عاوزين يقولوا مش مراعيين حالة البلد

والله تعبنا من كلام القائمين على الازهر

اقسم بالله العظيم وحده
اني معاك ومن استطيع تجميعه من المتعاقدين من زملائي

ربنا يجازى كل من يعطل تثبيت المتعاقدين بسوهاج
وانا معكم فى اى شئ تتفقون عليه من اضرابات او اعتصامات
وكل المتعاقدين بسوهاج لديهم نفس الشعور بالضيق
ولن يتأخروا عن فعل اى شئ من اجل التثبيت
بس ياريت جبهة معلمى الازهر المتعاقدين تنسق
الخطوات للاضراب او للاعتصام والكل هيشارك

اقسكم بالله العظيم انى معكم و لكن هناك من مدرسى مركز طما سلبيون لدرجة الجبن و انك تشعر انك تتعامل مع نساء ليس اكثر
عليكم تحديد الموعد و انا معكم

جزاكم الله خيرا

انا عارف انى لسه فيه رجال

وكل الناس بتغلى وانا واثق لو الجبناء شافونا هيطلعوا هما التانيين


مفيش حاجة نخاف عليها واحنا كلنا لنا حقوق

ان شاء الله يصدقوا هذه المرة والا رجال سوهاج موجودون

والله العظيم انا فى حيرة من امرى بسبب عدم المساواة بين الجميع
يعنى ايه تثبيت متعاقدى التربية والتعليم وعدم تثبيت متعاقدى الازهر
انا اعرف الكثير من المعارف والاصدقاء الذين يعملون فى التربية والتعليم وتم تثبيتهم وهم الان فى المملكة العربية السعودية فى عمل لان تثبيتهم اتاح لهم السفر واخذ اجازة والعودة فى اى وقت شاءوا لاستلام اماكنهم القديمة فى مدارسهم
تعرفوا يا جماعة ؟
فى نقطة مش حيتنبه ليها الا الاذكياء منكم الا وهى..............................اقولكم والامر لله.
عندما يأتى التثبيت(دا ان جه اصلا بعد عمر قريب) سيكون سن كل واحد مننا كبر ولا يعرف يسافر ولا يعرف يكسب قرش فى بلده
بالاضافة للحالة النفسية السيئة التى تصيب انسانا ينتظر كل يوما شيئا ياتى لكنه لا ياتى وبالتالى يزداد حنقا وسخطا على البلد وعلى المجتمع وعلى التلاميذ والطلاب اصلا.
للاسف الشديد يوم ان ياتى هذا التثبيت المزعوم ستكون فرحة مالهاش طعم ........ليه............؟
لانها جاءت بعد ان تكون النفوس كلت وملت وتعبت
ولا اقول فى النهاية الا (بسم الله الرحمن الرحيم:واصبروا ان الله مع الصابرين)

ان شاء الله اللى جاى احسن


على موعدنا ان شاء الله

الله يرحمك يا سيد طنطاوي لو كان عايش ماكان يحصل فينا كده

من فضلك يا مستر عبد الكريم اكتب منشور واذكر فيه كل الظروف اللى احنا فيها والفرق بينا وبين التربية والتعليم عشان محدش يقول اننا مش مراعيين حال البلد ، طيب ما يشوفو اللى زينا واللى اقل مننا كمان
كده احنا بنستهتر وبنضيع حقنا بايدينا مش حكاية اننا مش بنقدر حالة البلد
والمنشور هيطبعه كل اللى يوصله ويوزعه على اللى مبيدخلوش ع النت او ميعرفوش يتجمعوا
المهعم تكون وظيقتنا احنا اننا نوزع المنشور على مستوى معاهد ادارتنا حتى تكتمل جميع ادارت منطقةسوهاج
المهم المنشور يكون مؤثر ومحرك لنفوس الجبناء قبل الشجعان ولا يدع شخص يقرأه الا ويأخذ بيده نحو تحقيق الهدذف المنشود
والله الموفق والمستعان ونسأل الله عز وجل لنا ولكم التوفيق والسداد وارجاع حقنا المهضوم
(ملحوظة : أنا لم أتم ثلاث سنوات بعد ولكنى معكم بإذن الله ويدى فوق أيديكم لأنكم إخوانى فى الله وأحب لكم الخير قبل أن أحبه لنفسى )

بارك الله فيك استاذ جلجل لو كله زيك مكنش ضاع حق حد مع حضرتك حق

ممكن نعمل منشو او نخلى الجبهة تعمله وهنوزعه على سوهاج بس ننتظر لحد الاسبوع القادم زى مقال الاستاذ حموده وبعد كده نتحرك