رفع مرتبات المتعاقدين بالعقد الشامل
 

السلام عليكم ورحمة الله وبركاته
انا اشتغلت سنتين بالحصة وانقطعت سنة ورجعت السنة دى فادونى عقد شامل وكان المرتب 120 جنيه شهريا
لكن انا مقبضتش ولا شهر من اول السنة
ولما جالنا المرتبات لقيناها 232 جنيه فالشهر
لانهم جابولنا 3 شهور على بعضها 696جنيه
هما بيزودونا عشان منطلبش بالتثبيت ولا ايه
انا عايزة اتثبت لان ده حقى لان دى تالت سنة ليه فالشغل
والله حرام

صحيح انا نسيت اقولكم انا من محافظة المنيا لان تقريبا المرتبات بتاعت العقود الشاملة بتختلف من محافظة لمحافظة

ربنا يوفقـــــك

شوفى يا استاذة ايمان : طبعا من حقنا التثبيت لاننا اشتغلنا سنين وسنين طوال بالحصة اى اننا من المفروض ان نكون من اوائل المثبتين . وكل المرتبات الموقعة للمكافاة الشاملة حاجة تكسف والله لو اى واحد بيربى كلب فى بيته هيحطلو ميزانية اضعاف اضعاف الى بناخدة

معلومة :- كل المحافظات الان تقوم بالتواصل لعمل وقفة امام كل محافظة لمطالبة بالتثبيت ورفع المرتبات فعلى سبيل المثال محافظة الشرقية ميعاد الوقفة يوم 22 / 1 / 2012 . وكل المحافظات الاخرى كذلك خاصة بعد تصريح وزير التربية والتعليم اننا موجودين فقط لسد العجز واننا نتبع المحافظة وليس الوزارة

العقد هينتهي في مايو وبعد كده هنترمي في الشارع

انت هتترمي في الشارع لو منزلتش معانا ولو مبطلتش تحبط في الناس وربنا معانا ربنا مع المظلوم

الناس اللى كانت منقطعه ورجعت فى محافظة المنيا عملولهم عقد تخيل بكام واحنا فى عام 2012 العقد ب50 جنيه ايه الحلاوه ده لابد من اكتمال الثوره على الظلم والفساد ناس تاخد مليون جنيه فى الشهر وناس تاخد50جنيه حسبى الله ونعم الوكيل

لازم نقف ايد واحده علشان ناخد حقنا والله العظيم مفيش حد ها يدينا حقنالو سكتنا الناس ده مش عارفه انه حصل ثوره

اتفق معك وكلامك مظبوط

ربنا يهدى الحال

انا عايزة اتثبت ومش مهم المرتب كام بس اتثبت

انتم مستعجلين لية انا فضلت 4سنين اجر و5سنين تعاقد ومتعينتش الا بعد ثورة هو انتم بتحلموا البلد خربانة

ربنا يصلح الحال يااااااااااااااااااااااااااارب

ربنا يحميكى يا مصر

أنا إشتغلت سنتين وبعدين مطلبوش بالحصة وبعدين اشتغلت سنة .
السنة دي أشتغلت بالعقد بمرتب 465 جنيه ومن أول الشهر دا هايزيد 92 جنيه .
إدارة منفلوط ، محافظة أسيوط