نصيحة من واحد مقفل الكيمياء لكل طلابها
 

السلام عليكم ورحمة الله وبركاته
انا دخلت كدة اشوف ايه الى فى المنتدى
لا قيت اسئلة صعبة جدا
بالرغم من ان العملية بسيطة واكتر من الازم كمان
ان السنة الى فاتت كنت حالل خخمسين امتحان شامل قبل مادخل الامتحان
بس صراحة وانا عارف انا بقول ايه اصعب امتحان شفته هو بتاعنا؟؟؟؟؟؟؟؟؟
فيه ناس هاتستغرب وهاتقول يمكن دة من اسهل الامتحانات هاقولك عشان اى امتحان مهما كانت صعوبته لو جيت بعديه سنة واحدة بتقول دة اهيف امتحان لانك بتاخد افكاره على مستوى العام
هاتقولى طب انت قصدك ايهمن الكلام دة
هاقولك قصدى ان المسائل 6 7 8 مابتخرجشى عن كتاب المدرسة وكتاب الدليل
فاحلهم اكتر من مرة
انا عن نفسىحليت 9 كتب بس ماجاش حاجة غير من كتب الوزارة
ثانيا شهر 5 مايجيش غير وتكون حافظ المعدلات بوزنها طبعا بتكون فيه معادلات تعرف توزنها
بس انا قصدى على الى اوزنها شاذة
تخلى بالك فى الباب الرابع ولاحظوها انتوا بقى فى حمض النيتريك اول ماتشوفه حط ادامه اربعة وكمل وزن الباقى عليها
وجربوا وقولولى
ثالثا لازم يكون اول خمس ابواب صم وبعدين تركز على الكهربة والسابع والسادس
والسادس دة طبعا فرصة ماتتعوضشى
جالنا فيه السنة الى فاتت مسالتين ونصف مسالة
انا عن نفسى لاقيت ناس طالعة بتعيط ووالله شاطرة
بس لانهم حلو كتاب المدرسة فى اول السنة وركزوا بقى فى المراجعة على كم هائل من الاسئلة مع اهمال الدليل
والعضوية لازم تعملها مخططات على قد ماتقدر
الباب الثامن بيتذاكر اغلبه على هيئة مقارنات
السابع والسادس لازم تفهمهم صح
وربنا يوفقكم

نصائح قيمة وطيبة

شكرا لك عليها

انتا نسيت العضوية يا ابنى
دى ربع الامتحان ولا حاجة :d

ارجو من الاعضاء التركيز مع مراجعات الاساتذة هنا والامتحانات وانا كنت مشارك مع استاذى الفاضل \ سيد عثمان
واستاذ جابر شكرى واستاذ وائل واعتذر ان كان سقط منى اسم سهوا
وجزاكم الله خيرا :)

انا قولت الحل الوحيد للعضوية المخططات
وانا صراحة ذاكرتها ابتداءا من 4 /5

لا متاخر اوى
انا مذاكرها من بدرى
لعلمك الكلام اللى فى الاول هايف والمسائل سهلة ومباشرة بس اهم حاجة تكون حافظ عضوية كويس اوى
ومراجع على التامن لانه ممكن يجيب فيه اسئلة ملتوية كالافعى:rolleyes:

عارف انها متاخره
بس قفلت وخلاص
المهم انك تكون لامم والعربى بردة ذاكرت نصف قصته فى شهر 5
وكل واحد له نظامه
وانت متميز وتعرف اكتر منى

بجد مش هاكون متميز عنك وعن اخلاقك
انا العربى د ا ذاكرته متاخر جدا لانى كنت مركز على الكيميا جدا جدا
كنت بذاكرها 8 ايام فى الاسبوع اخر السنة :cool:

قصدك انا الى عمرى ماهوصل لنصف تميزك ولا اخلاقك
فى امان الله

http://img408.imageshack.us/img408/9260/smailes1xs4.gif
خلاص بقى متخلنيش امد ايدى عليك

انت راجل طيب واقول لك كده مليون مره العام الماضى خدع الطلبه كلهم بسبب الجرى ورا تحويلات عضويه كانت شايعه قبل هذا المنهج مع الاهمال فى بقية الابواب تحت مسمى ان الدرجه مركزه على العضويه انت الان تقول بصراحه وانا معاك كل الابواب مهمه واللى مقصر فى السادس او السابع او الثامن يستعين بالموقع حيلاقى احلى شرح واحلى امثله ومن الكتاب المدرسى للساده الافاضل وعلى القمه استاذنا سيد عثمان والدكتور عاطف وبقية الاساتذه اكرمهم الله محدش بيبخل بحاجه 0

باذن الله تعالى

جزاك الله خيرا علي هذه النصائح

الى مستواه متوسط يلحق يلمه بحيث انه يقفله خلال شهر 4 ان شاء الله