ضرورى
 

السلام عليكم ورحمة الله وبركاته


ازيكم يا اخوتى

انا عاوزة اسال على حاجة مهمة انا دلوقتى لسة مش بدات فى الميكانيكا خالص والجبر خت وحدة بس والهندسة مخدتش فيها ولا كلمة دلوقتى انا اعمل اى

وازاى الحق روحى وانا هضيع ولا اى

تلحقي روحك بانك تكثفي وقتك وتاخدي الحاجات دي ضروري , الفراغية سهلة 6 نظريات و حلي عليهم كتير , الميكانيكا لازم تبداي فيها ضروري و الجبر وحدة واحدة يعني انتي مخلصة ذات الحدين , ما تقلقيش منه , لسالك الاعداد المركبة و المحددات و دول كويسين يتلموا بس مع مدرس كويس و ربنا يوفقك و ما تقلقيش و ما تركنيش

ان خلصت استاتيكا بس لسه ديناميكا

تمام ابداي فيها و شوفي مدرس كويس يمشي معاكي و لو حتى خصوصي لان الرياضيات ماهي الا ممارسة مش اكتر و محتاجة حل كتير و ربنا يوفقك باذن الله

متفق تماما مع الأخ issac-newton , الباقي ليك (ديناميكا , هندسة فراغية , باقي الجبر) يخلص في أقل من شهرين أو شهرين ونص بالكتير أوي بس مع مدرس كويس ولازم على الأقل 3 ساعات في الأسبوع .

ربنا يوفق الجميع وتيجي الامتحانات معقولة والتنسيق كمان :D