حلمك عمره ما كان بعيد
 

السلام عليكم
انا الحمد لله اولى صيدله القاهره كنت زيكم كده السنه اللى فاتت
كنت فى تانيه ثانوى جايبه 94.8 % يعنى مجموع زى ما بيقولوا مبيأكلش عيش وطبعا مش قادره اقولكم كم الاحباط اللى كنت حاسه بيه ولما قررت انى اكمل علمى علوم على الكلام اللى سمعته من الناس انى مش هلحق حاجه والاحباط وكده لكن انا كنت داخله فى تحدى مع نفسى كبير وكنت واثقه فى ربنا لابعد الحدود وكنت افتكر دايما "ومن يتق الله يجعل له مخرجا ويرزقه من حيث لايحتسب " و"ان الله لا يضيع اجر من احسن عملا "و"فصبر جميل والله المستعان على ما تصفون" وعشت مع الايات دى ووثقت فى ربنا لابعد الحدود ومش معنى كده ان الحياه كانت سهله كنت ساعات احبط وايأس واقول مش هقدر اكمل واحس انى ضعت خلاص ولكن كنت بصارع تانى وافتكر الحلم الجميل اللى انا عايزه احققه واللى يستاهل بجد انى اتعب علشانه واقوم واكمل مذاكرتى واقول ان شاء الله هقدر كنت بحط دايما هدفى قدامى واصبر نفسى واقول هانت ولما كنت بسمع كلام يضايقنى او مثلا حليت وحش فى امتحان او فى جزء صعب مش فاهماه او ماده تاعبانى كنت بعند مع نفسى اكتر واحول الطاقه السلبيه لايجابيه عشان اثبت للناس كلها انى اقدر بعون الله والحمد لله فى تالته لوحدها جبت 98% والسنتين على بعض 97.5% وحققت حلم حياتى الحمدلله يعنى عايزه اقولكم كل ما تتعبوا وتحسوا بالفشل حط قدامك حلمك وتخيل نفسك هتبقى فرحان قد ايه لما تحقق ويوم النتيجه لما ان شاء الله تجيب المجموع اللى انت عايزه واعرفوا دايما ان ربنا شايلكم الخير وان لازم الواحد يقع ويقوم تانى عشان حلمه ويصدق ان ربنا هيكون معاه صدقونى حلمكم يستاهل ومش عيب ابدا انى اقع ولكن العيب ان انا استسلم للظروف ومحاولش ومتسمعش لحد بيحاول يحبطك بس صدق نفسك وصدق حلمك وثق فى ربنا وهو هيفرجها ان شاء الله وهيديك اكتر من اللى كنت بتحلم بيه ان شاء الله هانت يا جماعه استعينوا بالله وخليك حاطط هدفك قدام عينيك

معلش طولت عليكوا ويمكن مش بعرف اكتب كويس بس كان نفسى اوصلكم بس النقطه دى
ولو اى حد احتاج اى استفسار يقولى

ربنـَآ يـَوفقگ

بسـَ ' گل وآحد وقدرآتٍَه ' وانآ قدرآتيـَ ضعيفـَه
انـِأإ حآولتـَ[ گذآ ]مره اذآگر بچد مقدرتش والوقـَت بيعـَدي والآمتحآنآت قربت
وفي نآإس خلصت المنآهج وراجعـَت وانإإ لسه ف اول الطريـَق ... يلآإ الحمدلله ع گل حآإل ...!*

شكررااااااااااااااااااا

موضوع جميل اوى اوى اوى
وربنا يوفقك ويحققلك اللى تتمنيه :)
تعرف يا خالد فكرتني كنت فى مرة بشوف برنامج عن الذاكرة والحفظ والكلام ده
المهم
المذيع كان بيقول انه الذاكرة واى حاجة تانية نسبة كبيرة جدا بتتوقف علي الحالة النفسية بتاعتك
وانك بتبقى قدراتك عادية زي باقى الناس بس تحس انك ضعيف وتقول انا ضعيف ففى الحالة دي ممكن تتحول وتبقى ضعيف فعلا
فبلاش الطاقة السلبية دى
قول انا ذاكرتى قوية
قول انا بحفظ بسرعة
قول انا بفهم علطول
ومع الوقت حتبقى كدة
وقول يارب قبل كل حاجة ;)

ربنآ يگرمگ ..!

نچرب ونشـَوف النتيـَچه . ؛)

بص يا خالد انا مش الخارقه الذكيه زى ما انت فاكر انا كنت زيك كده كنت فاكره ان قدراتى قليله وانى مهما عملت مش هقدر اوصل لان فى كتير احسن منى ,,,من خلال تجربتى انا واصحابى فى الثانويه مفيش حاجه اسمها واحد ذكى وواحد غبى لا ,,انما زى ما قلتلك ادخل مع نفسك فى تحدى انك هتقدر ,,,والله كان معانا ناس اوائل فى اعدادى واولى ثانوى واللى هما بقى الدحيحه واتدلعوا فى ثانوى مجابوش حاجه وفى ناس اصلا مكنتش بتطلع من الاوائل ولا حاجه انما قرروا انهم يتعبوا شويه وما شاء الله دخوا الكليات اللى عايزينها ,,,,لسه بدرى على فكره نظم وقتك كده وضرورى جدا جدا جدا يبقى لك وقت فراغ تخرج مع اصحابك وكده ومتذاكرش وانت مخنوق من المذاكره استنى لما تهدى خالص
وصدق نفسك :dوثق فى ربنا
ولو فى اى استفسار انا موجوده

العفو شد حيلك انت بس
[QUOTE=Ahmed_Alex1;4254210]موضوع جميل اوى اوى اوى
وربنا يوفقك ويحققلك اللى تتمنيه :)
ميرسى جدا ليك وربنا يحققل احلامك ان شاء الله

ربنآإ يخليگِ ..

والله والله رفعتـَي معنويآإتي چداً :)
ان شـَآإء ابدأ من دلوقتي المذآإگرة الچد


وربنآإ يسـَعدگ ويوفقگ ف حيآإتگ ي دگتـوره :)
ادعيـَلنأإ ف سچودگ ...

ان شاء الله هدعيلكم شد حيلك وان شاء الله كله خير:)

ربنا يباركلك يارب يادكتورة ويرزق من اوسع ابوابه
بجد كلمة شكراً قليلة اوي في حق الكلمات الجميلة دي
وعلى فكرة انا جبت زي مجموع حضرتك السنة الفاتت 94.8
ومكملة علم علوم .....
وحاليا بكافح عشان احقق هدفي
اني ادخل صيدلة:rolleyes: <<<< يارب
ادعيلي بقى نبقى زمايل السنة الجاية:blush:

ربنا يخليكى ربنا معاكى شدى حيلك جامد اوى واتعبى عشان ربنا يكرمك وان شاء الله مستنياكى يا دكتور تنورى الكليه :d

خمس سنين:d بص اكيد فى تعب طبعا لانها مش كليه عاديه بس اهم حاجه انك تكون حابب الموضوع كل حاجه بتهون ان شاء الله

والله موضوع جميييل..!!