ضم الاقدمية حق مشروع ( ايد وحده نضمها)
 

الحل لضم فترة الاقدمية وقفه جاده كما قام المنقطعين فى محافظة الشرقية بوقفة جاده امام مبنى المحافظة وفى محطة السكة الحديد وحصلوا على قرار التثبيت وبالرغم من انه ليس من حقهم لان منهم لم يمضى ثلاث سنوات مثلنا انا عن نفسى قضيت 9 سنوات الا اننى فرحت لقرارهم لانى احب الخير للجميع وربنا يكملهم على خير وياخدوا درجات مالية اما نحن فنطالب بحق شرعى لاننا لم نترك العمل ونسافر للخارج واستحملنا وعملنا لسنوات ب 105 جنيه فقط عن نفسى اشتغلت بيهم لمدة ست سنوات قلقد استحملنا من اجل العمل وحبا فيه اليس من حقنا ضم هذه المده لماذا نحن غير جادين فى هذا المطلب لماذا نشعر بضعف موقفنا على الرغم من اننا نطالب بحقوق مشروعه مائه بالمئة فعلينا ان نتحد ونحدد يوما لوقفه على مستوى المديريات للمطالبه بضم هذه المده بتاريخ اول تعاقد ويعود تاريخ التعيين بتاريخ ااول تعاقد اسوه بمحافظه شمال وجنوب سيناء وانا اقترح ان تكون هذه الوقفه يوم الثلاثاء 7 فبراير
ارجو سماع راى الجميع ولا خلاص فرحنا بالتعيين وسكتنا عن حقنا
ولا ضاع حق وراءه مطالب
ياريت نعرف مين معانا ومين يرفض

يارب الجميع يتحدوا ولا يتكاسلوا حتى لا تضيع الحقوق

انا معاكم ونتحد علشان حقنا

يا خساره والف خساره
الناس بتتكاسل عن حقها
للاسف توقعت ان كتير من الى حسوا بالظلم هيقفوا ويطالبوا بالحقوق
لكن لاسف النتيجه زى ما هو واضح
كل واحد رافع قضيه ومطمن
معلومه للجميع المحاكم قداامها سنين وكمان مش هتضم غير فتره العقد المميز او بالاصح الفتره الى عملنا فيها معلم مساعد بس والباقى هتقولك كان فيهم انقطاع 15 يوم لا يجوز
عموما انا مش هسكت على حقى وانا كان هدفى مصلحة الجميع

معكم فى اى خطوة ان شاء الله

معاك بأذن الله يوم 7 /2 امام المديرية و هضم الزملاء الى اعرفهم معايا بأذن الله

كلنا لازم نقف ايد واحده
بس نشوف فى الاول النقابه
لو منفعتش يبقى وقفه عامه على مستوى الحمهوريه
ياريت نتواصل على الفيس بوك باسم المعلمين الجدد

مفيش غير الوقفه لا النقابه ولا القضيه
لان القضيه علشان ترفعها لازم تحصل على استماره 103 ع ح مختومه من الاداره ودى بقى علشان تاخدها لازم يتبقى ابن مدير الاداره يا ابن اخوه يا اما نسيبه
صعب تاخدها وان خدها واحد مش هياخدها الباقى
واحنا وقفتنا من منطلق اننا نرجع الحق للجميع مش لواحد مش شعارنا لا للفرديه ونعم للجماعه

ها هنعمل ايه ؟؟؟؟؟