|
أكاديمية المعلم وذل الامتحان
لعلكم تتعجبون من العنوان ولكن هذا هو حقيقة الأمر فالامتحان أصبح بالنسبة للكثير منا كالكابوس المتكرر الذي لا ينقطع فيوميا بل كل ساعة أتصفح موقع الأكاديمية لعل وعسى أجد أن الموقع الخاص بي قد فتح حتى أفاجأ بأكبر جملة تثير أعصابي ألا وهي ليس لديك صلاحيات الدخول عندما أراها كأنني رأيت شيطانا
حتى الآن لا أعرف لماذا كل هذا التعنت على الرغم من أن عددنا هذه المرة لا يتجاوز نصف الأعداد السابقة وكلما اتصلت بالأكاديمية - الزقازيق- يقولون لي نحن لا نعرف شئ مثلك تماما وهي أيضا كارثة (طب أسأل مين !!!) كل مرة بإجابة انتظر (الكلام ده من أسبوع اللي هو انتظر) - اتصلت تاني انهاردة وردوا عليا أصل لسه معملوش أرقام الجلوس أصل مش عارف إيه أصل بيجهزوا في الامتحان وفي الآخر قالي انتظر بردك نفس الكلمة ومحدش عارف اي حاجة كل فرع ماشي بنظام لوحده. حتى لما قلت له على الأقل الموقع يفتح نسجل فيه قال مش عارف أصل ده من الوزارة ومستنين قرار الوزارة. اليوم السابع طلعت خبر وقالت على مسئوليتي ان الامتحان يوم 12/2 ولما سألت في الاكاديمية قالوا جابوا الكلام ده منين دا مفيش حاجة جات لينا سيبك منهم دا بتوع كلام فقط. السؤال:- إلى أي مدى سنظل هكذا كمعلمين (تسلب حقوقنا - تهدر كرامتنا - أقل مستوى معيشي بين الطبقات الأخرى) أنا فعلا نادم جداااااااااااااااااااااااااااا لأني اشتغلت في هذه المهنة التي تعامل المعلم بهذه الطريقة الغير آدمية. ولما سألته دا الأزهر امتحان قالي ما فيش حد امتحن خالص مش عارف أصدق مين |
أكاديمية المعلم وذل الامتحان
لعلكم تستغربون عنوان الموضوع ولكن في حقيقة الأمر أن هذ العنوان هو الأنسب لما يحدث لنا من قبل أكاديمية المعلم .
فبعد أن قمنا بتسليم كل الأوراق المطلوبة لدخول امتحان الكادر وانتظرنا حتى يتم فتح الموقع لكي نتمكن من عملية التسجيل فذهبت إلى الموقع حتى أفاجأ بأن ليس لديك صلاحيات الدخول (دا من حوالي 10 أيام) قلت لنفسي يمكن لسه مفتحش الموقع انتظر وبعد 10 أيام اللي انا قلت عليها (اللي هو المفروض امبارح) بردك لقيت نفس العبارة الكئيبة اللي هي ليس لديك صلاحيات الدخول. قلت لنفسي لا تتعجب دي مش جديدة لا على الاكاديمية ولا على الوزارة اللي بتتفنن في اهدار كرامة المعلم باستمرار. قلت أتصل بالأكاديمية يمكن في حاجة احنا مش عارفينها اتصلت بعد محاولات رد عليا شخص ما وقلت له الامتحان امتى بالنص؟ قالي والله احنا مش عارفين ومستنين القرار من الوزارة لان هم لحد دلوقت معملوش أرقام الجلوس ولسه بيظبطوا في النت حتى لا تتكرر أخطاء المرة السابقة ، قلت لنفسي هما لحد دلوقتي ماكنوش صلحوا الأعطال مستنين لحد الامتحان الخاص بنا حتى يصلحوا الأعطال هههههههههه سألته قلتله ما الأزهر امتحن قالي لسه فقلت له ما الخبر بتاعهم على الموقع من أسبوع يعني أكيد سجلوا. اللي احنا عاوزينه اللي احنا نسجل بس حسسونا ان في حاجة كويسة مش كل شوية ليس لديك صلاحيات الدخول انا قرفت من الموقع كل ما ادخل اللي نفس الكلام لما زهقت. وفي الآخر انهيت المكالمة وأنا محبط جداااااااااااااااااا على فكرة (أكاديمية الزقازيق) اللي كنت بكلمها) |
كان يوم أسود فى حياتى يوم ما وفقت اشتغل الشغلانة دى .. حسبى الله ونعم الوكيل
|
ما فيش حاجه نقولها غير حسبي الله ونعم الوكيل
|
لا حول ولا قوة الا بالله العلى العظيم .. والله العظيم الواحد بجد اتخنق حراام كدة حرقة الدم والاعصاب دى دا انا كل ثانية
افتح موقع الاكاديمية وصفحتى على النت لعل وعسى الاقى جديد لما جالى هوس ... حسبى الله ونعم الوكيل |
دبلومة واتعملت ,محو امية واتعملت,icdl في ايه تاني
|
ربنا ييسرلكم الامر وتنزل ارقام الجلوس انهارده متمتحنو وتتعينوا زينا ان شااااااء الله
|
إن شاء الله خير ..
|
عيش فى هم وغم ماأنت اكيد فى مصر لم يتغير الحال ومازال انصاف المئولين يعبون بمصالح الوطن غير مبالين بالغلابة وعجبى!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!
|
ربنا ينتقم من كل ظالم بيظلم متعمدا الفئة المغلوب على امرها -المعلمين- ويظلمهم متعمدا
|
لله من قبل ومن بعد
دائما مظلومين ومقهورين ومنكسرين |
مرتبات معدومة جدا . كل شوية متابعين ومئات السجلات وتعسف من المديرين زي مانكون شغالين في نووي . طب يدونا حتي مرتب محترم نقدر نعيش بيه بس . لكن تفاجا بالاستفزاز الاتي
اعمل تربوي والاي سي(لي لي)واعقد مليون سنة بالعقد وبعد كده يفكروا بقي يبقوا يعينونا,بمعني في المشمش ؟ ويبقي دبلوم متوسط في الي مكان تاني معلهوش الضغظ ده كله ومرتباتهم معقولة جدا ولكن الي بيحصل ده اسمه التهريج بعينه ال يدوا واحد 200ج ولا300 ولا400حتي وواحدتاني موظف في اي مكان تاني ب ال 1500ج ليه هو الي في التربية والتعليم مش من حقه يعيش ولاايـــــــــــــــــــــــــــــــــــــــــــــ ـــــــــــــــــــــــــــــــــــــــــه |
اقتباس:
|
اقتباس:
|
اقتباس:
هههههههههههههههه على رأيك نموت احنا و يعينوا الورثة او يكرمونا بعد موتنا ويلغوا الكادر .. والله هم يضحك وهم يبكى ...... حسبى الله ونعم الوكيل والله المستعان |
| جميع الأوقات بتوقيت GMT +2. الساعة الآن 12:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.