|
أول طلب اطلبه من الادارة ..............!!!!
السلام عليكم و رحمة الله و بركاته
الحقيقة انا عارف ان القسم ده فى المنتدى حاجة كدة يعنى من باب الديمقراطية !!! بس ديمقراطية زى الديمقراطية بتاع الحكومة يعنى الاعضاء يقولو اللى هما عاوزينه و الادارة تعمل اللى هى عايزاه مش مهم المهم ان فيه موضوع انا كنت بفكر فيه و هو عمل جريدة أو مش جريدة بالمعنى يعنى حاجة زى رؤية يتعمل لها قسم لوحدها و يتسمى " رؤية ثانوية " و يكون ملتقى شباب المنتدى يعبروا فيه نعن أفكارهم السياسية و الاقتصادية و الفكرية و الثقافية بشكل منظم يعنى حاجة زى جرنال الكترونى و الحقيقة سبقنى بالنتفيذ العضو " Y/m " عمل الموضوع ده بس على شكل موضوع فى ابداعات الاعضاء و كمان ما نالش التثبيت من المشرفين الافاضل المهم انا عندى تصور كامل للقسم ده انه هينمى مواهب الكتابة عند الناس الموهوبة فعلا و هيبقى بيعبر عن الشباب مش عن فكر معارض او حكومى او ليبرالى هيبقى مجرد تعليق على نهج موضوع الأخ الكريم " Y/m " بس هيكون للقسم ده فريق مححرين بيكتبوا بصفة دورية و تحت اشراف مدير تحرير ينتخب زى مشرفين الاقسام و ياريت الادارة تشوف الموضوع ده عشان له مكاسب كتير 1 - تنمية المواهب فى الكتابة 2 - ملتقى ثقافى للشباب و التعبير عن أفكارهم 3 - ملتقى و مجمع خبرات ممكن يستفيد فيه الصغير من الكبير و المجرب من اللى لسه جديد و هيكون قسم له أركان مستقله منها السياسى و الثقافى و الاسلامى و الاجتماعى و الرياضى يعنى جرنال شامل انا قولت اللى عندى و معنديش حاجة تانية اقولها و دمتم |
طبعا و كما هو المتوقع ان محدش يعبر ...............
و ما انت بمسمع من فى القبور !!!!!!!!!!! |
انا ممكن اقولك مشكلة المنتدى دة هو تثبيت الموضوعات
|
مشكور لمرورك بس فيه مشكلة أكبر و هى محدش من الادارة بيبص أصلا على المواضيع فيها ايه و لا محتواها و فكرها ايه
شكل المبنى الادارى وقع او مغلق للترميمات |
ربنا معاكو يا جماعه
|
مشكور مرورك يا سويتى وياريت الأعضاء يأيدونى فى المقترح ده بجد احنا عاوزين نعمل حاجة بالشكل ده
فياريت اللى يدخل و تعجبه الفكرة يأيد |
ا انا موافق و اوايد هذا
|
انا مش موافق على الفكرة ...
|
لماذا مش موافق
|
اصل المنتدى في اقسام بما فيه الكفاية
المواضيع دي ممكن الواحد يكتبها ويحطها في القسم المناسب ليها لو موضوع ادبي حطو في ابداعات لو موضوع اي حاجة هتحطو في القسم الملائم ليه ... اما هنحط قسم جديد وفيه اساسا اقسام كل شهرين تلاتة لما بيتحط فيها موضوع واحد ... وده الي انا متأكد انو هيحصل للقسم ده لو اتنشأ في المقابل احنا نقدر نستغنى عنو وبردو الفوائد الناتجة عنو ممكن تحصل الي عندو موهبة وعاوز يكتب حاجة يكتبها ويحطها في القسم المناسب ليها :) |
في انتظار الاراء للاعضاء والاداريين
والفكرة جميلة |
اقتباس:
كلامك صح |
ان اقتنعت انت يا بندق
|
لا طبعا انا مش مقتنع و الخلاف فى الرأى لا يفسد للود قضية
دلوقتى احنا شباب لازم نعبر عن نفسنا فى شئ يجمع الادب مع السياسة مع الاجتمعاعيات مع الاقتصاد و هذا لن يؤثر يا حبيب قلبى يا مغترب على الاقسام التانية وان شاالله يتعمل مية قسم فى المنتدى طالما كل قسم منهم مفيد يبقى ليهم لزمة و تنمية المواهب مش هتيجى من الاقسام التانية زى ما هتيجى من القسم ده غير انه هيبقى يومى او اسبوعى حسب ما الادارة تشوف و بالتالى هيكون قناة ثقافية للاعضاء و الضيوف بتوع المنتدى و اخيرا و ليس آخرا ميرسى للأستاذ أشرف مدير الموقع على اهتمامه |
أنا عن نفسى موافق مفيش عندى أى مانع بس المشكله بقه إن القسم فى البدايه بيبقى كويس وزى الفل وبعد كده تقريبا ً الأعضاء بتنساه بس أنا عن نفسى موافق |
| جميع الأوقات بتوقيت GMT +2. الساعة الآن 09:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.