|
اجازة رعاية الاسره
تقدمت بطلب اجازة لرعاية الاسره وخلصت الإجراءات وبعد مصاريف كثيره وجرى ومليون توقيع من موظفين المنطقة ثم مثلهم من التوقيعات فى القاهره-توقيعات كثيره بدون مبالغه- وعند تسليمي الورق لموظف الاجازات بالقاهره اجد الموظف يقولى الاجازات لرعاية الاسره واقفه للمدرسن فقط من شيخ الازهر لو مكانى تعمل ايه وان فى لجنه سوف تجتمع يوم الاتنين القادم لبحث الاجازات طيب مكنش من الاول ليه الموظف بتاع المنطقه يقولى مفيش سهله مش هتعب نفسى يرضى مين ده انا مش زعلان انه منعها انا بجد دخت فى الاجازه دى وحد يقولى اعمل ايه دلوقتى
مثبت حديثا |
دى تبقى مصيبة هو هيبقى غم من كل ناحية هما عاوزين يموتونا بالبطىء
|
انا حسيت ان هى اغمأت ساعة مألى الكلمتين دول مبقيتش عارف اعمل ايه وانا محتاج الاجازه دى قوى وبفارغ الصبر كان نفسى امسك الورق وقطعه مليون حته على الدوخه والبهدله الى شفتها على لما خلصته
|
هو حضرتك مدرس ام اداري
|
اقتباس:
|
اى اجازة بتعملها بدون اجر بعد انتهاء كافه الاجراءات تتركها تدخل لجنه للموافقه عليها
اجراء روتينى فقط وسوف يتم الموافقه عليها |
عوووووووز اعرف يعنى اترفضت ولا ملكش اجازة ولا اية انا مش فاااااااااااااااااااااااااااااااااااااهم
|
حالات الترخيص باجازة بدون مرتب 3 حالات وفقا لمادة 69 من قانون نظام العاملين المدنيين بالدولة رقم 47 لسنة 1978؛ واحدة منهم اجبارية لا تملك جهة الادارة سوى الموافقة عليها حال تحقق شروطها وهي اجازة مرافقة الزوج أو الزوجة، والحالتين الأخرتين هما حالات قد تجاز و تملك من خلالهما جهة الادارة أو المشيخة الموافقة أو رفض طلب الاجازة ويكون قرارها في هذا الشأن خاضعا لرقابة القضاء الاداري، بمعنى أنه في حالة الرفض فإنه يمكن لحضرتك اقامة دعوى الغاء قرار جهة الادارة الصادر بالرفض ويصدر الحكم فيها وفقا لما تتبينه المحكمة من من حق اصيل للاجازة أو عدمه من واقع ظروف الحالة نفسها اي المبررات للاجازة هامة جدا جدا .
و عادة يتم بإذن الله الموافقة على اجازة رعاية الاسرة للرجل أو رعاية الطفل للمرأة لانه يعتبر مبرر قوي وخصوصا اذا تم ايضاح الاسباب داخل طلب الاجازة كرعاية طفل من الفئات الخاصة أو لمرض والدته لا قدر الله... و عملية التأخير اعتقد انه كما ذكرت الاخت هو اجراء روتيني لا اكثر وستتم الموافقة عليه باذن الله . لكن يرجى الانتباه انه لو زادت الاجازة عن 4 سنوات متصلة حتى لو كان بين الاربع سنوات مدة فاصلة لكنها تقل عن عام فإن الترقية تتوقف لحين عودة الموظف مرة اخرى لعمله. |
انا فاكر واحد زميلى فى التربية والتعليم بعد ما حصل على الموافقة حصل شيئ من هذا القبيل وتم وقف الاجازة وكان الرجل ده سافر خلاص
طبعا رفع قضية وكسبها ورجع للعمل بس طبعا كان اتفصل الاول |
والله الاجازه لا اترفضت ولا اتقبلت قالولى اتصل تابع معانا يمكن تمشى ويمكن تقف وياعالم وكلمتهم اليوم قالولى اتصل يوم الخميس شوف ايه الى هيحصل
|
اقتباس:
هى ممنوعه للمدرسين فقط ومتاحه لاى حد تانى (لسه موافقة المشيخه)انا خلصت كل الامضاءات المطلوبه وفى الاداره فى الحسين الموظف وقفها |
اقتباس:
|
طيب يا ريت تعرفنا ايه اخره الموضوع ده معاك وايه الجديد لانه موضوع يهمنا كلناارجو الا تهملنا هنا وتعرفنا باللي سيحصل يوم الخميس ان شاء اللهباذن الله تاخد الموافقه
|
انا مثبته حديثا وفعلا عملت اجازه مرافقه زوج الحمد لله وخلصت من المنطقه فقط
|
ان شاء الله سأوفيكم بكل الاخبار بس عاوز اوضح ان هناك فرق بين اجازة رعاية الاسره واى اجازه تانيه رعاية الاسره بس هى الى فيها مشكله انما اجازة لزياره اى دوله مثلا شغاله او عقد عمل شغاله او مرافقة زوج او زوجه شغاله
|
| جميع الأوقات بتوقيت GMT +2. الساعة الآن 09:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.