|
اللي مات فالقلب ساگن
اللي مات فالقلب ساكن
مات يأمصر شهيد ولكن لسه عايش ايوه عايش واسالوا كل الأماكن اسأل التحرير يقولك مات عشان ظلمك وذلك كل دم شهيد ده مآشي جنب منك زي ظلك مات قصادك وانته شايفوه مات بضحكه فوق شفايفوه هي دي الحريه لا لا أنسى دمك استحاله مصر كل دقيقه تصرخ انته فين غايب تعالى كل يوم صوتك ينادي مش خساره أموت وعادي مش مهم يا صاحبي موتي المهم تعيش بلادي واللي مات دائما معانا فات عيوني عليه حزانا جه وقالي افحلمي أوعى مصر في رقبتك أمانه. عهد لأخد حق دمك جوه عيني أبوك وأمك وانته غصن الورد دائمن كل صبح أصحا واشمك. لو هينزف كل دمي لو هيبكي أبويا وأمي حتى وانته يا صاحبي ميت لسه شايل برضوا همي. اللي مات فالقلب ساكن مات يأمصر شهيد ولكن لسه عايش ايوه عايش واسالوا كل الأماكن اسأل التحرير يقولك مات عشان ظلمك وذلك كل دم شهيد ده مآشي جنب منك زي ظلك كلمات: وائل مصطفى |
نعوش جاية ورايحه نعوش
وناس تضرب وناس بتحوش وقصر الحكم يا بلادي بدم أطهر شباب مفروش في ناس تأكل ألم ودموع وناس رغم الشبع بتجوع وناس صوتها ماهوش مسموع وناس تعبد تيجان وعروش وناس تنكر حاجات باينه وناس تايهه وناس خاينه وناس تكدب على الدنيا وناس تحلف مفيش خرطوش. ومجلس شعب نوابوه من أعضائه لبوابوه ضمير غايب وفغيابوه ده مجلس أكلوه فنكوش دي خلطة عسكري وعجبنه ماهوش مجلسنا بمزأجنا عمل حيطه عمل لجنه وناس غيرنا بتبني جيوش دمي ودمكم بيهون وناس تغدر وناس بتخون لزوم الشغل أربي دقون ودول أصلا ما يتأمنوش كلمات : وائل مصطفى |
أنا المصري
نعم مصري _قيام يابني حدث حصري بسيط جدا عظيم جدا أشوف كوخي وأقول قصري مدام كوخي فحضنك مصر أكيد كوخي ده أعظم قصر أنا المصري قيام يابني حدث حصري يا إخوانجي يا ليبرالي يا علماني يا أمريكي والماني ومكسيكي وطلياني أنا المصري أنا التغيير وانا التحرير _ويا حاقد ويا ساخر من المصري عشان راجل من الأخر عشان بلدي بلد ربي مكرمها فقرأنوه عشان نيلي وشريانوه عشان زرعي والوانوه وتكويني عارف ديني_وأدي الفرض عشان أفضل جنود الأرض _عشان مصري حدث حصري _عشان بلدي فوجداني فاهم ولا اعيد تاني _انا المصري بتاريخي مفيش شكه واول من سكن مكه _وهاجر زوجه إبراهيم أبو إسماعيل مصريه ماهيش فالأصل تركيه وزوجه سيدي محمد (ص)تحمل إسم ماريه ومصريه فاهم يا ابني عشان لما تحاسبني تقول حاجه تناسبني قيام يا ابني انا المصري حدث حصري وزي ماقالوا ده الحاجب _وعمره مايجي تحت العين _أنا المصري مابين قوسين أمل غزه مع فلسطين_أمل مظلوم أمل محروم انا المصري ومش نبخاف حضاره عمرها يساوي سبع تالااف للي راضي واللي كمان مش راضي انا الحاضر وانا الماضي وانا المستقبل المشرق _نا المصري واكيد تفرق قيام يابني حدث حصري قيام لما هيتكلم أسد مصري كلمات :وائل مصطفى |
بكره الأمل
يبني على أرضك جناين يابلد عدل وعمل دم الشهيد خلا الأمل فينا أتولد . حب اكتمل والديب يخاف دلؤقتي من نظره حمل نازلين يا مصر مهما حصل رغم الزمن رغم التمن. رغم إن صاحبي. اللي أتقتل ؤاللي اندفن نازل يا مصر شايل على كفوفي الكفن. بعد اللي باع والكل شاف مبقتش أخاف عاوز القصاص عاوز القصاص للي أتقتل قدام عنيه بالرصاص للي أتقتل ؤاداس قصادي واتعجن. للي رحل واللي اتسحل واللي اتسجن واللي عرق وإللي غرق وإللي أتحرق ؤاللي اتسرق. حرية بس يأمصر حرية فورق مين قال ده عيد مين قال ده عيد. نازلين نعيد حق الشهيد أحرار ملوك محناش عبيد إحنا الشباب اللي كتب أعظم كتاب اللي وهب أرواح فوقت اللي جمع فضه ودهب لينا في قلب الكل تقدير وثقل لينا مكان من شخص ميت معتقل بأيدينا يرأس برلمان. بس المصيبة الدم هان. واكبر مصيبة أننا ننسى اللي مات وقت الآدان. ننسا إن كان مشوار طويل ننسا الجميل وبنشكر اللي كان عميل. أه يا بلد أه يازمن أزاي ده واحد يؤتمن. ؟ هيه الغنايم يا بلد أغلى عليهم م الولد ! ! ! ينسا الدماء للي قتل طاعه وولاء وألاب من ابنه أتحرم مين اللي ظالم يابلد مين أتطلم ! ! ! مش ده المهم ! ! ؤلا ده يهم ! ! إيه يعني دم ! ! ! إيه يعني أب يموت بحزنه وجنبه أم أه يابلد نازلين ومش راجعين ونقسم بالصمد أما العدالة والقصاص أو قلبي يملأه الرصاص. كلمات : وائل مصطفى |
اللى مات فات واجره عند ربنا اللى كويس ربنا هيكافئه واللى مش كويس معروف مصيره احنا مش هانستفيد حاجة من الحزن الموت ارادة ربنا والحزن على كل حد يموت ده ضعف ايمان كل واحد يركز فى عمله وبس الحى ابقى من الميت على راى المثل
|
اقتباس:
چزآگِ الله خيراً .." |
| جميع الأوقات بتوقيت GMT +2. الساعة الآن 08:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.