|
الثانوية وسنينها(مشاكل وحلول)
انا طالب بالصف الثانى الثانوى ................
بس كلها 70 يوم على الأمتحانات وانا ولله الحمد مفتحتش كتاب من اول السنه ومش عارف اعمل ايه وكل ما جى اذاكر اقول لنفسى يعنى انا مزكرتش طول السنه هذاكر دلوقتى؟؟؟؟؟؟؟؟؟؟ انا طول عمرى من الأوائل بس انا مدرسينين كلهم مستغربين مبذكرش طول السنه واذاكر اخر شهر وطلع الأول على البنات كمان........... وكلهمحظرونى وقالوا لى نظامك ده هيوديك فى دهيه فى الثانوى المهم اللى حصل حصل بس انصحونى لأنى خلاص |
بص اولا السلام عليكم
انا مريت بظروف سيئة للغاية ويمكن اساعدك بتجربتى انا كان زمانى دلوقتى فى 2 كلية بس اعمل اية الحب وسنينه خلانى ارسب المهم انا طالب دلوفتى فى 3 ثانوى وانصحك بان تشترى اسطوانات س دى الكترونية تعليمية مثل الاضواء والمعلم والاستاذ هتنفعك اوى وهتساعدك بسرعة انك تلم المنهج دا من حيث المذاكرة اما فى حاجة لازم تحطها فى دماغك ان الثانوية العامة دى حياتك كلها والى هتحدد انت هتكون ايه فى المستقبل ومصير حياتك ولما تيجى تتجوز كمان هيسئلو عن شهاداتك ولما اختك تتجوز يسئلو عنك ولو عايز ترضى والدك حاول تغمض عنيك وتفتكر هو بيعمل حاجات كتير حلوة عشانك وانت مش واخد بالك وعايزك تبقى احسن الناس ومحدش ينفعك غيرو هو وولدتك لما حد يساله عنك ويقوله ابنك جاب كام هيبقى حزين وسط اصدقائه ومكسور النفس ويحس لمؤخذه يعنى ان هما بيعرفو يربو اولادهم صح وهو لا ويمكن يعيط علشان موقف ذى ده بس انت مش هتشوفه لقدر لله والله يا اخ نت ديفل مش هتحس بابوك الا لما يضيع منك لقدر الله لقدر الله لقدر الله حاول تعمل حاجة صح سهل جدا انك تغير من نفسك بس حاول تقعد مع نفسكومتخطلتش بأصحابك كتير علشان فى اصحاب ليك يتمنون لك ان تكون فى مستوى اقل منهم ودى حقيقة فى الكون هتحس انك مرتاح وهتذاكر بكل اخلاص وروح جميلة ومعنوية اعلى مستوى انا طولت عليك بس يا ريت اكون وصلتلك حاجة تفيدك انا ممكن اتكلم معاك للصبح بس انا مستنى ردك |
والله عندك حق يا اخ عيون جريحة وشكرا للافادة بس اه حكايتك بتاعة الحب دى
|
مهو لازم الواحد ينجرح علشان يتعلم الدنيا ماشية كده
طيب الحمد لله انك فهمتنى |
فهمتك... بس هو انا لو بدأت مذاكرة من الأن هل فى امل انى اجيب مجموع حلو؟؟؟؟؟؟؟؟؟؟
|
طبعا فى امل لو مفيش امل يبقى مفيش حياة
اهم حاجة انك تكون واثق من نفسك ومتحمس دانت ممكن تجيب فوق ال90 % لو ذاكرت بجد |
على فكرة من تجرتبى فى الجامعة
احب اقوللك ان المناهج دى تتلم فى خمس دقايق مش سبعين يوم خد راحتك يا معلم بس ابدا الرياضة من دلوقتى وبما انك دحيح فعادى.....هتلم المنهج وتخش تحل كويس نا عارف نوعيتكم دى:) |
الله يخليكم The_Relativistic200و3yOn Gare2a على افادتى بجد والله انا استفدت منكم جامد
|
اقتباس:
انتا مش محتاج ردود انتا محتاج تذاكر وتتتغلب على الفشل الى جواك ؟! تيجى نتحرك ؟ واحنا كلنا مدرسين وطلبة هانسعدك ؟! عارف لو معرفتش سوال ولا حاجة هاتكتبه وفى خلال ثوانى تلاقى الاستاذ بيرد عليك هنا ؟! بس الاهم من كل ده ؟! انتا عندك ارادة تتغلب على الفشل ؟! عايز تنجح ! يلا اتحرك قوم ذاكر شوف هدفك قدامك وحاول تحققه ! |
والله عندك حق يا اخ محمد وشكرا
|
هو مفيش حد راضى يكمل ليه؟؟؟؟؟؟؟؟؟؟؟؟؟؟؟
هو مش المفروض ان المنتدى ده معمول علشان يحل مشاكل الطلبه؟؟؟؟؟؟؟؟؟؟؟؟؟؟؟ |
اقتباس:
مهى الطلبة دى دلوقتى بتذاكر عشان الامتحنات قربت ! فمعلش استحملنا شوية ولو عندك مشكلة اتفضل قولها وان شاء الله تتحل .. |
بص هقولك حاجة لو كل ما جيت تذاكر افتكرت تل المذاكرة والمناهج اللى وراك عمرك ما هتذاكر وعمرك ما هتركز حط لنفسك خطة والتزم بيها عدد محدد فى اليوم من الساعات تذاكر فيهم وابدا من الاول خالص بس ابدا بجد بتركيز ومتفكرش فى الل ناقصك امشى بس على الجدول بتركيز ولما تبدا مذاكرة متبصش فى الكتاب كله وتشيل همه لا خلى كل همك فى الجزء اللى انت محدده لنفسك فى الوقت ده
لسه قدامك وقت تلحق نفسك فيه ذاكر وشد حيلك وربنا يوفقك ان شاء الله ومتنساش حاجة مهمة انت ممكن تتعب دلوقتى شوية بس هترتاح فى مستقبلك كتير وممكن ترتاح دلوقتى بس هتتعب فى مستقبلك كتير لما تلاقى مجموعك مش موديك فى حته فكر لمستقبلك ولبكرة نفسك يكون شكله ايه واللى هتعمله دلوقتى هيتبنى عليه حساتك ومستقبلك كله مع تمنياتى بمزيد من النجاح والتفوق مجرد انسانة؛ |
ايفل نت انا من راايى الموضوع مش موضوع مذاكرة بس :huh: وذى ما بتقول انت انك بتجيب مجموع عالى مع انه مش مساوى لمجهودك فى المذاكرة:confused: اهم حاجة التركيز والراحة ليلة الامتحان:cool: انا مثلا السنة اللى فاتت يوم امتحان الفيزيااء مذكرتش غير ساعتين واخدت باقى اليوم نووم وروحت مرتاحة وفايقة واخر روقااان ومنقصتش عن المجموع الكلى غير 8 درجات بـــس !! والسنة اوحش سنة مرت علياااا حكاية النت اللى ادمنت عليه لازم اخش عليه كل يووم ضرورى قبل الحصة وبعد الحصة وقبل ما اروح المدرسة وقبل ما ابدى اذاكر اروح واخده نص ساعة كده على الماشى وساعات تطول لساعة والافلام الاجنبية انا مدمناها بطريقة تخوف اتعفرت ويركبنى 100 عفريت لو جه فيلم ومسمعتوش او فيلم ومكملتوش لاخره ابقى سهرانه قدامه لغاية الفجر لغاية ما اشطب على الافلام كلهااا بس دوام الحال من المحال واهه امى كل يوم تسمعنى كلمتين على فلوس الحصص وتاكسيات والمصاريف اللى بتدفع وخايفة انى ماجبش مجموع فى الاخر بصراحة هيبقى منظرى وحش اووى لو مجبتش مجموع وخصوصا انا حالة خاصة عندى فى عيلتنا 4 فى ثانية ثانوى يعنى السنة دى سنة معفرته ومع ذلك حاسة بتانيب الضمير على الوقت اللى بيضيع ده كله فى كلام فاضى بس حاسة انى هجيب مجموع على الاقل محترم مش تحت التسعين وانا داخلة علم رياضة وخلاص كل البيت بيقولى يا بشمهندسة وياخوفى من اللى جاى اسفة انى طولت عليك فى الاجابة بس ذى ما اكون ماسورة وفتحت هههههههههه |
؟؟؟؟
شكر خــــــــــ (لمجرد أنسانه و اية على) ـــــــــــــــاص
بجد يا اية صعبتى عليا اه ده كله يا بنتى بس انشاء الله ربنا هيكرمك على فكره انا برده زيك عندنا فى العائله 3 فى تانيه ثانوى بس انا اعرف عنكم يا بنات انكم مبتسبوش الكتاب من ايديكم ابدا اتمنى اعرف السبب :d:d |
| جميع الأوقات بتوقيت GMT +2. الساعة الآن 01:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.