ارجو الافاده ف اختيار المواد بعد اذنكم
 

ا جماعه ارجوكم حد يفيدني ف اختيار مواد 2 ثانوي
انا علمي عوم بأذن الله
بس انا عايزه اخد احياء ف سنه 2
واخد الكميا والفيزيا مع بعض ف3 ثانوي في ناس قالولي كده وانا مش عارفه اعمل ايه وخايفه
اوي لاندم بعد كده عشان الكل بياخد الاحياء مع الفيزيا ف 3:blush:

السلام عليكم، صراحة أنا شخصياً خدت أحياء في تانية وجبت فيها 49.5 الحمد لله وعموماً الأحياء في تانية بتبقى كويسة لأن الأحياء مع الفيزياء مش كويسة وطبعاً ده عن تجربة شخصية وللعلم عدد اللي بيخدوا أحياء في تانية مبيبقاش كتير فده المفروض ميقلقش حضرتك خالص. وربنا يوفقنا جميعاً لما يحبه ويرضاه.

شكرا جزيلا لحضرتك بس انا كنت خايفه لاقول يارتني ما خدتها بس انا هاخد احياء ف 2 واتوكل علي الله بقي

انا فى اولى ثانوى زيك ..
وبرضه بفكر فى المجموعة الطبية :)
فبالتالى فكرت فى حكاية احياء فى 2
بس وجهة نظرى انه بلاش وملهاش لازمة ..
اولاً : لو لاقدر الله مثلا حد ماجبش مجموع كويس فى 2 ممكن يحول رياضة ويضمن هندسة (كليات قمة على قولة الشعب المصرى برضه) يعنى مثلا واحد جاب فى سنة 2 وليكن 93 ولا حاجة مثلا صعب هنا يضمن طب او اسنان او صيدلة بل مستحيل.. بس فى امكانه يحول رياضة ويكمل فى مشوار الهندسة وكدة ويبقى ضمن حاجة برضه ..
فعشان تاخدى احياء فى 2 ثانوي اعتقد لازم تبقى متأكدة انك حتجيبى 97 98 فى تانية

ثانياً : الاغلبية وحتى ناس كتير جدا فى طب بشرى حاليا اخدت فى 2 كيمياء وفى 3 احياء عادى وعدد قليل جدا ( على حسب وجهة نظرى) اللى اخد فى 2 احياء بل الكل حتى الناس المتفوقين بتاخد فى 2 كيمياء زي الباقى عادى

ثالثاً : حكاية ان الاحياء صعبة مع الفيزياء فأعتقد نفس الفكرة مع الناس اللى بتاخد رياضة 2 مع فيزياء وعادى شغالين فيها وماشيين ، مفرقتش كتير وانا ماجربتش عشان اقول ربنا يسترها :d لكن عموما اغلب الناس بتعمل كدة

دى وجهة نظرى وعادى يعنى كل واحد له وجهة نظره ولو حضرتك متأكدة انك حتجيبى 98% فى تانية يبقى اتوكلى على الله وخدي احياء فى تانية
واستخيرى ربنا
وبالتوفيق :)

والله انا محتاره جدا

ممكن تصلى صلاة استخارة او تسألى مدرسين
بس انا قلت رأيي يعني على الاقل نمشي مع الأغلبية + لو الواحد جاب 98 مثلا يكمل علوم وياخد احياء فى 3 وعادى ناس كتير كدة جدا بتاخد كدة
ولو لاقدر الله واحد جاب مثلا حاجة متنفعش مع طب وصيدلة واسنان وليكن 95 94 (بالنسبة للتنسيقات بتاعت السنوات دى :D ) يبقى ضامن وفيه احتمال كبير يخش هندسة (كلية محترمة برضه)
اما لو ربنا وفقنا وجبنا 99 98 يبقى زي الفل فين المشكلة ناس كتير جدا بتاخد احياء مع فيزياء وزى الفل :022yb4:
لكن ان شاء الله نجيب مجموع عالى فى 2 ونكمل احياء ونخش الكلية اللى تمناها يارب ان شاء الله ;)

ماهو في ناس كتير بتعمل كده بس يعني طالما الواحد ناوي علي علوم من الاول بيبقي اختيار الاحياء ف 2 احسن من 3

طب لو اخدتها ف 2 هيحصل حاجه ولا هندم بعد كده ؟

رأيي يختلف مع الآراء السابقة:
على فكرة أنا اتقال لي نفس الكلام لما كنت في 2، وكنت فعلاً هغير للكيمياء بس أخدت الموضوع كتحدي لأني بما إني ناوي بإذن الله على الكلية دي يبقى خلاص الأحياء في 2 لأنه وعن تجربة الأحياء تحتاج لمجهود وحفظ فبتبقى كويسة في 2 والحمد لله ربنا وفق ودخلت الكلية وفيه ناس معانا خدوها في 2 زيي وناس في تالتة (كل الطرق تؤدي لكلية الطب بإذن الله). أسأل الله لنا ولكم دوام التوفيق.

ربنا يسهل انشاء الله

لو انتى شطرة فعلا و وثقة من كدا خودى احياء فى 2 لان الكيمياء تفهة و مش محتاجة حاجة غير الحفظ من كتاب المدرسة فدة ممكن يسهل عليكى الفيزيا فى تالتة و المواد فى تانية سهلة هاتديكى فرصة تذكرى احياء برحتك

خدي احياء ورزقك ع الله

بصي الموضوع اولا واخيرا يتوقف عليكي انتي
الاحياء ماده حفظ حفظ حفظ
يعني انتي اكيد عارفه قدرات نفسك
لو انتي شايفه انك بتحفظي كويس
وبتفهمي طبعا بس ملكه الحفظ عندك اعلى
يبقى خللي الاحياء في 3ثانوي مع الفيزياء
لان الكيمياء والفيزياء محتاجين فهم اعلى من الحفظ
اما لو انتي شايفه انك مشكلتك الحفظ وبتجمعي فيها ببطء يبقى خللي الاحياء في تانيه لانها هتستهلك وقت كبير لو خلليتيها مع الفغيزياء وهكذااااا
اوزنيها
وربنا يوفقك

انا بفهم كويس جدا وبحقظ برضو كويس بس لما اكون فاهمه وبس