بخصوص مسابقة الكويت للمدرسات
 

يا جماعة بجد اي حد عنده اي معلومة عن ميعاد اللجنة ما يبخلش علينا ويارب التوفيق للجميع لان اللجنة السنة اللي فاتت ما كلمتش كل اللي قدموا وماسمعناش عنها

والله اللى اعرفه انها هتنزل باذن الله بشهر مارس ويارب التوفيق للجميع

ياريت تشيلي فكرة السفر من دماغك وتخلي مجهودك لابناء بلدك

والله يا استاذ لما بلدنا تحترم المعلم وتوفر الحد الادنى من العيش بكرامة نبقى نقعد فيها

صديقتى اللجنة نزلة 8مارس من مصادر موثوقة

اللى يعرف يا جماعه بيسالو ابتدائى ولا اعدادى ولا ثانوى يقول شكل امتحاناتهم فى الرياضيات ايه لان فى ناس راحت مقابله قبل كده كتير فى المنتديات وما قبلوش لان سالوهم فى منهج ثانوى

يا اختي المسألة ليست في الحد الادني المسألة في مصر وماذا نقدم لها هذه فترة انتقالية لاذم احتمالها فمستقبل مصر يعتمد عليكي و علي جميع المعلمين الشرفاء فالايام القادمة ستشهد تغير كبير في المعامله مع المعلم بعد تطبيق تعديلات قانون الكادر ان شاء الله

شكرا يا حنين وربنا يوفق الجميع

ربنا يوفقك يا منى
انا العام الماض قدمت وفعلا اتصلوا بى وبلغونى بالمقابلة
بل واللى اتصل بى قالى جيبى اصول ورقك معك للتعاقد
بس شاء ربنا انى لم اذهب للمقابلة حيث استخرت الله وجاءت نتيجة الاستخارة سبحان الله فى شكل قرار بادارة وسط عندنا بالاسكندرية ألا وهو شرط مرور 6شهور للتعيين فى المدرسة
رغم عدم تنفيذ القرار ده والتشكك بصحته بكذا ادارة بالاسكندرية وغيرها من المحافظات اللى فعلا فيها اللى سافر علطول بعد التعيين
ربنا يكرمك يارب وييسرك الخير دائما باذن الله

انا كمان ماشية باحساسي في صلاة الاستخارة في الموضوع ده وشكرا علي الرد

ربنا يوفقك يارب يا منى طيب بالنسبه لو سافرتى ان شاء الله ممكن تاخدى اجازة بدون مرتب عادى

والله انا تعين 1/3/2011 متهيألى مفيش مشكلة. وكمان انا ضميت سنة الخدمة يعنى بقيت تعين 1/3/ 2010 . بس المهم انجح فى الامتحان الاول . ده مش اى حد اللى بينجح فيه . ويارب لو خير ليا الموضوع ده ربنا ييسرهولى

الاستاذة مني
 

ممكن اعرف اجراءات ضم المدة بالنسبة لاحضرتك تمت ازاي وحضرتك تبع اي ادارة او محافظة ؟
شكرا

انا محافظة اسوان *اول ما اتعينت قدمت شهادة تادية الخدمة العامة في المديرية وبعديها ب3 شهور جي قرارفي الادارة باسماء المعلمين اللي اتضم ليهم السنة بتاريخ تعين 1/3/2010 واحنا رحنا صورنا القرار ده