|
دعوة لمعلمى الازهر بسوهاج للاشتراك فى نقابة معلمى الازهر
اخوانى معلمى الازهر فى سوهاج
اتمنى من الجميع نشر فكرة نقابة معلمى الازهر والاندماج مع الفرع الرئيسى وانشاء فرع فى سوهاج اقترح ان يكون للنقابه الفرعيه فى سوهاج منسق لكل مركز وان ندعوا الى اجتماع تاسيسى فى مكان يستطيع الجميع الوصول اليه واقترح اذا ما اقتنعتم بالفكرة الاجتماع فى نادى المعلمين بسوهاج لابد علينا ان نتحرك ولا نتكاسل لابد ان نتوحد فى نقابه تجمعنا تدافع عن حقوقنا نلجا اليها فى وقت الصعاب : نريد التجمع اولا حتى نقرر ماذا نفعل وكيف ستكون الية العمل لنشر فكرة النقابه بين معاهد سوهاج |
انا معك حدد الزمان والمكان واستطيع ان اتي بزملائي
|
النقابه الفرعية فى سوهاج مشهرة بالفعل
النقيب الاستاذ عبدالرحيم الضبع---ساقلته وانا اتشرف بان اكون الامين العام المساعد وسافرنا القاهرة وحضرنا الجمعية التاسيسية ومضيت انا كاصغر عضو فى الاجتماع وان شاء الله يا ريت نتعاون كلنا مع بعض هم قالوا لنا ان المقر هيبقي فى المناطق لحين اخذ مقرات مستقلة والله الموفق |
الاستاذ عبد الكريم ارجو منك كتابة رقم تليفونك او اية وسيله يتم التواصل بها معك حتى نتعاون مع بعضنا ونسجل في النقابة وننشر خبرها الى الزملاء
لانه لا يعلم بها احد من السادة المعلمين والمعلمات ونتكاتف حتى ننهض بالنقابة وتقود بكامل دورها |
ياجماعه أنا من البلينا قولولنا كيف نحصل عى الاستمارة والمطلوب وشكرا
|
والاستاذ عبد الرحيم الضبع
نرجوا منكم وضع ارقام تليفوناتكم حتى نتمكن من التواصل معكم لتحديد مكان وزمان للاجتماع حتى ننشر الخبر فى كافة المعاهد وشكرا |
حاضر
والله انا كلمت النهارده الاستاذ عبدالرحيم وفيه اجتماع يوم الجمعة القادم ان شاء الله وقلت له على موضوع استمارة العضوية بس احنا مستنيين نفتح حساب فى البنك بنك مصر وان شاء الله خير |
السلام عليكم الاجتماع فين حضرتك وهل للمتعاقدين حق الاشتراك فى النقابة ولا لسه ملناش حق؟
|
يا عم عبد الكريم
ال عاوز يعمل نقابه المفروض يتصل بجميع المعاهد ولو عن طريق البريد لكن حضرتكم عملتم النقابه واخترتم امين وعيره واظن انها غير شرعيه لانكم لم تتصلوا باحد ارجاء ان نقوم جميعا بتشر الدعوة اولا بالمعاهد على مستوى المنطقة كلها وليسعلى مستوى مركزكم فقط ودى رقم تلفونى لو احببتم النقابه تكون ممثله للجميع وليس لمركز واحد 012.......... عفوا من يريد الرقم يمكنه مراسلتك على الخاص لكن لا يمكن نشر رقم تليفونك على الملء حفاظا عليك من الاستغلال السئ للأرقام |
فعلا شرعية النقابه تنبع من الانتخابات وتمثيل كل المراكز
نتمنى يا مستر عبد الكريم ان تفعلوا النقابه فى سوهاج لتشمل كل المراكز ولك منى جزيل الشكر |
انا مش فاهم حاجه نقابه ايه اللى بتتكلموا عليها احنا لا سمعنا ولا عرفنا ان فى نقابه طيب ازاى عندنا نقيب واعضاء من غير انتخابات ولاهو بالكلام لازم الموضوع يتعمم علشان نعرف
|
والله يا جماعة لما جات فكرة النقابة وقال لى عليها زميلى مكنش وقتها ساعتها
وقال فيه جمعية تاسيسية فقلت ماشي ورحبنا بالفكرة وخصوصا كنا متعاقدين وقلت دى هتنفعنا فى اخذ حقوقنا خصوصا بعد التخبط والتعتيم الاعلامى اللى حصل على اعتصامنا واللى جعلنا نذهب للتحقيق كاننا مجرمين وكان الاجتماع كله اداريات واخدنا اللائحة التنفيذيه وطبعا كان مفروض من كل نقابة فرعية تكتب اسماء اعضائها تعرفوا حضراتكم اول ما قالى الاستاذ عبدالرحيم والله قال على فكرة فيه دفع من جيوبكم قلنا له ميهمش بس ناخد حقنا ويبقي لينا صوت داحنا بنتبهدل علشان واحد ينقل وميعفش يقابل وكيل الوزارة كانه رئيس وزارة هذه هى الاسباب الحقيقية وليست سعى وراء مناصب او شىء وعلى فكرة انا قلت لناس كتير محدش استجاب وبعض الناس استهزات بيه لما قلت لها انا مسافر للنقابة جزاكم الله خير واهم حاجة الصالح العام مش مهم مين يتكلم المهم اللى يتكلم باسمنا |
يا اخواننا والله اهم حاجة فى نقابة الازهر بوجه عام
العضــــــــــــــــــــــــــــــــــــــــــــــ ــــــــويات وليس الرئيس ولا غيره لو حابين النقابة دى يبقي ليها صوت ومكان عاوزين عضويات المفروض على الاقل نعدى الفين السنة دى لما كنا بنعمل اعتصام مكنش فيه تنسيق خالص لذلك كان كل معهدين يعملوا اضراب لوحدهم وهذا ما احزننى كثيرا لكن لو لنا نقيب ساعتها بكلمة واحدة هنكون كلنا على قلب رجل واحد وهذا هو المطلوب عاوز اقول للاستاذ علاء كنا بنترجى فى الناس ونقول يا عالم اللى عاوز يشترك فى النقابة يتفضل ولكن لا حياة لمن تنادى ولم تكن فى السر وانما كان هناك لا مبالاه كالعادة فى الازهر |
نريد وضع
استمارة الاشتراك فى النقابه واللائحه الخاصه بها هنا على بوابة الثانويه حتى نتمكن من طبعها واقناع اخواننا الزملاء بها |
اقتباس:
|
| جميع الأوقات بتوقيت GMT +2. الساعة الآن 02:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.