لكل معلمى اللغة الانجليزية بالازهر
 

السلام عليكم اخوانى الاعزاء معلمى اللغة الانجليزية الافاضل اود منكم الاستفسار عن امر يهمنى واتمنى ان اجد اجابنه عندكم وهو اننى مدرس لغة انجليزية منذ خمس سنوات واعمل فى الملرحلة الابتدائية وكنت اتمنى ان اتصعد للمرحلة الاعدادية فارجو منكم ان تفيدونى ما هى اجراءات التصعيد وشروطه واتمنى منكم ان تفيدونى لمن مر بنفس التجربة ولكم جزيل الشكر

معذرة>>حيث ان تخصصي ليس اللغة لكن
حسب ما اعلم تماما..ان عملية التصعيد أو النزول في مراحل الازهر ليس له قيد أو شرط مثل التربية والتعليم.
فهناك خرجين تعليم اساسي( ابتدائي ) يعملون بالاعدادي و العكس صحيح
عموما فقط تقدم بطلب لمنطقتك بأنك تريد أن تنقل لمعهد اعدادي و انصحك بكتابة اسم المعهد
و اطلب من موجهك التأشير على الطلب أو اعطه له أفضل في تفتيش منطقتك
و بإذن الله ييسر الله لك الحال..

التصعيد زمان كان بالمعارف ايام التعاقد لكن بعد التثبيت والتسكين على درجات اصبحت حضرتك خاضع لقانون 156 لسنة 2007 المسمى بالكادر وفى القانون ده بند للتصعيد يتضمن اختبار فى المرحله الاعلى التى تنوى ان تصعد اليها ............... هذا كلام المختص بالمنطقه

طيب انا عندى مشكلة انى ماسك المرحلة الابتدائية كلها بمفردى والمعهد اللى انا فية ابتدائى واعدادى بس فى مدرسين منتدبين فية وانا تابع لمحافظة اسكندرية فهل حد يقدر يفدنى مع العلم انى مفيش حد يسد مكانى فما الحل وهذا كلام الموجة

الخلاصة وعن تجربة
طالما مفيش حد يسد مكانك فى العجز فى الابتدائى فمش ممكن تطلع اعدادى الا اذا نسقت مع مدرس فى الاعدادى عايز يشتغل ابتدائى ودية فى حد ذاتها صعبة شوية فى الحالة دية بس ممكن تتصعد والاهم كل حاجة فى ايد الموجه بتاعك وشيخ المعهد بل ان شيخ المعهد قبل الموجه لان لو حبيت تنقل مفيش حد هيمشى كلامه على شيخ المعهد او الناظر اذا كان راغب فى وجودك فى المعهد وبعدين اصبر لان فى خبر مهم جدا ويا رب يكون صحيح ان الازهر هيرجع اللى كانه شغالين بالحصة قبل كده فاذا رجعوا فالبتاكيد سيتم تشغيلهم فى المرحلة الابتدائية والاقدم سيتم تصعيده على حسب العجز

المهم العلاقة
الرائعة
مع شيخ المعهد والموجه
وبعد ذلك كل شئ سهل جداااااااا

الحل هو اتباع الخطوات التالية:-
1- تحوش مرتب شهرين
2- تطلب من عائلتك عمل اكلة فطير بالإضافة لشواء بعض البط بشرط يكون طعمها جنان
3- تتوجه للسيد موجه اللغة الإنجليزية بتلك الطلبات وطبعا لو قرشين تمام تظبط الموجه بيهم
4- ألا تخبر الموجه ان هذه رشوه بل اهداء بسيط تقديرا لمجهود سيادته الرائع
5- انتظر اسبوعين بالتمام تجد خطاب النقل جالك يوم الثلاثاء فى البوسطة الخاصة بمعهدك
نصيحه من صديقك المخلص
مدرس لغة انجليزية
تم انتدابى ونقلى اكثر من 6 مرات
لأنى لم أقم بالخطوات السابقة
وخطاب النقل السابع فى الطريق يوم الثلاثاء القادم
الثورة مستمرة

هههههههههههههه وانا والله العظيم زيك بالظبط هههههههههههه
بس مش هعمل لحد اكل يمكن ربنا ياخده وخلاص ولو ربنا مخدوش الوقتي هستني كم سنه لحد ما يترقي او يطلع معاش يمكن اللي ييجي بعده يكون يعرف ربنا وعلي فكه انا مركز نبروه والموجه هو محمد الشاذلي ورئيس القطاع سعدالبراز ورئيس التوجيه كمال همام
كلهمحراميه مرتشين زي بعض وانا معنديش فلوس ولا عندي بط وهفضل افضحهم في ديوان المظالم علي فيس بوك لحد ما يبان لهم صاحب

بطل فزلكة احنا في جمهورية مصر العربية
يعني فيها ايه لما تقول ادعو الله ان يساعدك
احنا في مركب واحدة كل واحد ينبغي ان يكون لديه اعتقد انك تقصد عصا سحرية(silver stick)
وجايز تقصد حاجة تانية
مش عارفة ليه بنقلد الغرب بهيافة!