|
قمة التحدي ان ......
((قمة التحدي ان تبتسم و في عينيك ألف دمعة)) تلك المقوله التي ترددت علي ألسنة الكثيرين أولا اعرفكم بنفسي انا تلك العضوة القديمة التي تركت منتداكم منذ فتره طويله ولكنها اليوم عادت من أجل أن تبث لكم أحزانها وألامها التي المت بها اليوم للمره الاولي في حياتي اشعر بمعني هذه الجملة احسست مدي صعوبة الموقف عندما وضعت فيه كان علي ان ابتسم وانا تملأني الدموع ليس فقط في عيني ولكن ايضا قلبي قلبي الذي امتلأ بالدموع كان عليه ان يخفيها وعيناي التي فاضت بهم كان عليها ان ترسم البسمة و بالفعل حدث ابتسمت و الدموع تفيض من عيني وقلبي وكل ذرة من كياني اليوم قد فقدت أغلي واحب البشر الي قلبي و بسبب من ؟ فقدته بسبب من هم أغلي واحب بشر الي قلبي لا يمتلككم العجب نعم قد فقدت أغلي الناس والسبب هم اناس يمتلكون الكثير من مشاعري و أحاسيسي الان لا اعلم بمن اضحي اعرف ان كلامي غامض ومن الممكن الا يستطيع احد منكم مساعدتي ولكني كتبت من أجل ان اخرج ولو القليل مما جعلني كالجثة الهامده ادعوا لي ادعوا لي أن يقصر الله أيام محنتي هذه وينهيها بخير و ان يعيدني الورده الجميله ذات الريح الاجمل بعدما أصبحت الوردة الذابله التي ليس بها أي من ريح أو جمال ادعوا لي اخوتي ان يوفقني الله لما يحبه ويرضاه وأن يصبرني علي مصيبتي أأسف لو كنت وضعت موضوعي في المكان الخاطيء فلتعذروني |
صديقتى وأختى فى الله
الدنيا ما هى إلا دار للعزاب ما هى إلا أقاويل وشكور بالأمان ولكن على ما أظن أنى عرفت من أنتى نصيحه من أخ لا تتركى الدنيا تلهوا وتلعب بكى فأنتى ما زلتى صغيرة ما زلتى فتاة نشيط أمامك طموحات عظام أمام ماضى قد مر ولكنكى من حطمتيه ولكن أليس فى العمر بقيه لا تحزنى ولا تيأسى إعملى زييى حياتى بقت كلها أشعار بس الحمد لله مريت بالمحنه بتاعتى بصعوبه وأنا اهه قدامك خلاص ميهمنيش مين السبب ميهمنيش مين إشترى ومين اللى باع |
عن جد م عارف أقول إيه ولا قادر أتكلم لإنى مش قادر أفهم اللى حصل كويس فممكن بعد إذنك تحكى اللى حصل بنوع من التفصيل شويه وبعد إذنك تم نقل الموضوع للمكان المناسب |
اقتباس:
ولكن من الواضح ان هناك خطأ حدث انت لاتعرفني لانني ببساطه لااعرفك ولكن في النهايه احنا اخوه متشكره لمحاولتك مساعدتي |
اقتباس:
كفاني اني اتكلمت والله هديت متشكره لمرورك يا محمد وعفوا علي وضع موضوعي في القسم الخطأ وشكر اخر لنقلك له |
اقتباس:
بجد كان نفسى أساعادك :( |
انا مش فاهم بالظبط بس على العموم ...كدا كدا هتعيشى و هيجى اليوم وهتنسى...صدقينى.كتير بنتخيل ان حياتنا مش ممكن انها تستمر بعد مواقف معينه..ولكن العكس يكون دائما صحيح فى تلك المواقف ..واعملى الى عليكى وحاولى تنسى.وماتفكريش كتير فى الى يدايقك...تقبلى مرورى...........زهيثم
|
اقتباس:
لكن واضح اني انا اللي مش عايزه اساعد نفسي علي العموم انا سعيده اني رجعت تاني ولقيت ناس زيكوا واهو هحاول اشغل نفسي باي حاجه علشان اتناسي شكرا محمد |
اقتباس:
شكرا لمرورك الكريم |
اقتباس:
إحنا هنه كلنا إخوات وأسره واحده و حالياً الحمد لله إنك معانا وإن شاء الله مع الوقت تستريحى بس إنت عارف المشكله كلها تكمن فى كلمه إيه اقتباس:
وغالباً نهايته التحطيم فأنا من رأيى إنك حاولى تقيمى الماضى من جميع الجهات إنتى فعلاً حاولتى تحافظى على حبك ولا لاء ؟؟ ياترى جرحتيه جرح يستاهل الجرح اللى إنجرحتيه دلوقتى ؟؟ ياترى هو كان ممكن يستمر معاكى لكن باعك ؟؟ حاجات كتير هتقدرى من خلالها تقيمى اللى حصل وساعتها شوفى مين اللى جرح هو ولا إنتى !! وتأكدى إنه لو كان هو اللى باع :( إنتى أكيد مش خسرانه حاجه غير تجربه تركت بكى جرح إن شاء الله مع الوقت هيشفى وإن هو الخاسر الأكبر لأن مفيش حد بيلاقى حب صادق بسهلوله :) وإن شاء الله ربنا معاكى ولو حسيتى فى اى وقت إنك محتاجه تتكلمى تأكدى إن كلنا حوليكى |
اقتباس:
انت حطيت ايدك عالموضوع الصح انا كنت محرجه اتكلم فيه لكن المشكله انه مفيش جرح من حد فينا انا قلت لنفسي يا ريت لو كان وحش او جرحني او اساء ليا كنت قدرت وكان هيهون عليا لكن المشكله انه لا انا جرحت ولا هو جرح احنا اتسرقنا قلنا كتير هنقدر نواجه الظروف والمشاكل اللي واقعين فيها لكن اللي حصل العكس تماما مع اننا ياما حاولنا ربنا يصبره ويصبرني ويعوضه عني بألف خير لانه ما يستاهلش غير كل خير ربنا يوفقه |
اقتباس:
أقوى من الحب نفسه فى البدايه بتبقى الحياه وردى ولبنى وألوان كلها جميله الكلام فى البدايه سهل هنفضل مع بعض مفيش حاجه هترفقنا لكن فى النهايه الإختبار صعب مبنحطش فى الإعتبار رأى الأهل الحياه الإجتماعيه حاجات كتير بتسقط من الحسبان فى البدايه ومع إستمرار العلاقه والعاطفه اللى بتبدأ تزيد والحب الكبير بيبدأ كل من الطرفين الحسابات وفى النهاياه غالباً بيبقى الفراق هو المصير وأنا مقدرش أقول إن ده غلط لأن فعلاً مفيش باليد حيله هيعمل إيه ولا إنتى هتعملى إيه حكمى عقلك مش عاطفتك وبصى للموضوع بمنظور تانى إن الله لا يكلف نفساً إلا وسعها و لسه بردو محتاج أعرف زياتده عن الموضوع عشان أقدر أقولك رأيى صح |
اقتباس:
متشكره طبعا لانك مهتم لكن انا عارفه انه مفيش اي حاجه حد فينا ممكن يعملها بس انا مش متخيله ان الحياه هتمشي زي ما بتقولوا انا كنت ممكن برد الردود دي لاي حد عنده مشكله شبيهه لكن دلوقتي مش عارفه اقتنع اصل الاحلام والتفكير ورسم المستقبل كل الحاجات دي طارت مكانش فيه تفكير غير في الاحلام دي عمرنا ما رسمنا لاي حاجه تانيه هقدر دلوقتي وانا عندي 22 سنه ارسم احلام تانيه مع مين وامته ولو في حد انا هقدر؟ مفتكرش دول سنين مش شهور ولا ايام محدش ممكن يستاهل كل اللي المشاعر والحب اللي مالي قلبي غيره وبعدين البني ادم مش بيقابل الفرصه غير مره واحده و حبه ليا ده كان اجمل فرصه وضاعت هجيب فرصه زيها تاني منين وامته ؟ اقرب الناس ليا دمروني من غير ما يحسوا ربنا يسامحهم لاني انا عارفه انهم خايفين عليا وبيفكروا لمصلحتيبس هما مفهموش ان مصلحتي مش مع حد غيره للاسف |
اقتباس:
بصى أنا الصراحه مش قادر أتكلم ولا عارف أقول إيه لأن بجد مهما أقول هيبقى مجرد كلام ومتأكد إنك مش هتقتنعى به بس أرجع وأقولك " قدر الله وما شاء فعل " " ومفيش حد عارف الخير فين " وأكيد الحياه مش هتقف حاولى تعيشى واللى مكتوب على الجبين لازم تشوفه العين وربنا يصبرك بإذن الله |
اقتباس:
|
| جميع الأوقات بتوقيت GMT +2. الساعة الآن 09:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.