|
مريض نفسى
السلام عليكم و رحمة الله و بركاته اولا اتمنى من ادارة المنتدى تقرا الموضوع لحد الاخر و مش يتم حذفه دلوقتى لانه بجد هيوضح للناس حقيقة موضوع مهم وانا عارفة انه ميهمش اى حد هنا فى حاجة غير انكوا عايزاكوا تعرفوا حقيقة شخص انتوا حبتوه وانا خلاص مبقتش باقية على الاكونت بتاعى هنا لو اتوقفت انا كده كده مش هدخل تانى بس الاول احب اوضح حقيقة اللى حصل عشان الموضوع طويل هحاول الخصه اولا بالنسبة ليا و لدكتور ريم اقسم بالله العظيم ما ليا او ليها اى ذنب فى كدبة احمد دكتورة ريم محترمة جدا جدا جدا غير انى فاكرة ان والدها كان موجود معانا هنا فى المنتدى و انا رديت عليه بنفسى و شخص محترم جدا يوم ما قالتلى على الخبر كان الصبح و كنت بقالى اكتر من شهر مش بدخل المنتدى ولا اشوف فيه ايه والرسايل كانت وصلت عندى لل 50 و انا مكنتش اعرف حتى لانى مكنتش بدخل المهم.... ريم لما اتصلت بيا و قالتلى كده والله انا زعلت من قلبى على شخص ميستحقش زعل ولا دمعة من اى حد بكى عليه لانه بجد انسان احقر مما تتخيلوا ومش هعتذر على كلامى يا احمد و عايزاك تقراه ثانيا بالنسبة لانه بيقول انه عمل الموضوع ده عشان يفوقنا للمذاكرة يا ريت يا احمد تشوفلك حجة تانية عشان دى مش قوية اوى و بيتهيالى كدبك واضح اوى يا احمد 1- لانك قولت هتتصرف مع اللى عمل كده 2- اللى نزل الموضوع هو انا مش دكتورة ريم خالص لان مفيش اى علاقة بينى و بينك ولا حتى رسايل على المنتدى ثالثا و مش عايزة اتكلم فيها لانى مش انا اللى هتاذى هنا بس دكتور ريم لانك متعرفوش عمل ايه معاها ووالله والله والله والله العظيم ما هتصدقوا هو عمل ايه بس هى طلبت منى مقولش رابعا.. احمد مريض نفسى بجد اختلق موضوع و قصة جامدة اوى على دكتور ريم و هى مكانش فى ايديها حاجة غير انها تصدقها الا انها كانت شاكة انك بتضحك عليها ( وانت فاهم قصدى ايه يا احمد) و بجد انا لو فضلت اقول عليك ايه من هنا لبكره مش كفاية فيك بس اتمنى من الناس تعوض فيه كل دعوات الرحمة اللى دعتله بيها بالدعاء عليه و مش ليه....لانه دعا ليها باسوا دعوة ممكن حد يسمعها خامسا هقولكوا شوية تفاصيل من القصة دكتور ريم وصلها بطريقة ما الخبر من "اخته" اللى هى مش اخته اصلا و هى شخص خيالى اصلا مش موجود و "اخته" دى اسمها مروة احمد استغل الشخصية دى فى انه يعمل القصة على دكتورة ريم و تصدقها بس انا مش عارفة ليه اختار فكرة موته؟؟ بس انا عارفة السبب فى الكدبة... بس اعذرونى مش هقوله نرجع تانى... ريم وصلها الخبر من "اخته" و انها قالتلت لها ان احمد عمل حادثة و هى مضطرة تمشى عشان تروح المستشفى و معرفتش تفاصيل اكتر من كده ساعتها بعدين قالتلها على ان احمد مات ازااى "اخته" فى يوم موته قالت لدكتور ريم انها دخلت اوضة احمد و شافت مذكراته و عرفت منه الباس والاكونت بتاعه على الفيس و عملت بيه شير لصورة او كده زى ما دكتور ارابين قال..ازاى هو عامل شير من شوية و هو مات كان التفسير ساعتها انها "اخته" اللى عملت كده ...بس كان احمد فعلا هو اللى عمل كده وهو اللى نزل الشير..كان لسه عايش و مكانش مسافر ولا حاجة وبعدين جه احمد بليل يقول انه موجود انهاردة الصبح دكتور ريم قالتلى الحقيقة كلها وهى الكلام اللى انا قولته ده بعد ما عرفت الخبر نزلت انا الموضوع هنا و كله قراه بصراحة انا استغربت جدا جدا من اول كومنت لاحمد على الموضوع وحسيت انه مش مصدوم و كان متوقع الموضوع..بس نهيت الفكرة عن دماغى و حسيت انه بقى بطريقة ما بيسخر من ردود الناس و كانه فرحان باللى بيحصل عشان كده مبقتش ارد على اى حاجة فى الموضوع المهم امبارح استلم دكتور ريم و بجد اهنها اوى بس انا هحذف جزء كبير جدا من الحكاية و فى الاخر احمد يتم وقفه و يدخل باكونت جديد انهاردة انا بعد ما عرفت كل الحقايق دى حسيت انى فى فيلم هندى بجد لان فى تشويق كتير جداااااا و حاجات مش ممكن تستوعبوها كتير من الناس هنا تعرفنى و انا كنت بعامل الناس ازاى و ليا اصدقاء كتير هنا و على ايملاتى ومحدش وصله منى ابداا اى حاجة وحشة انا عارفة ان الموضوع مش هيقعد دقيقتين و يتحذف بس اتمنى من الادارة انها تسيبه ولو يوم واحد وانا قولت لشخص هنا انه يحفظة عنده فى حين لو حصل انه اتحذف و ينزله تانى و دا باسمى انا وانا بجد مش املك غير انى اعتذرلكوا على اللى حصل كله وبعتذر بالنيابة عن دكتور ريم وبعتذر لها كمان فى رعاية الله |
شكرااا على التوضيح
|
جزاكي الله كل خير يا دكتوره
وبجد انا اسفه على الازعاج اللي سببتهولك وعلى الرغم اني مكونتش عايزه حد يعرف حاجه عن الموضوع ده الا ان ممكن يكون ده الصح |
الاخوة الاعضاء الكرام
كل ماحدث وتم توضيحة فى هذا الموضوع ليس اكثر من سوء تفاهم فقط ولكن ما حدث من المشرف الموقوف غير ذلك تماماً ارجو الاطلاع على هذا الموضوع لتعرفوا سبب ما قام به http://www.thanwya.com/vb/showthread.php?t=411837 |
فعلاً إنسان زبالة ..
دگتورة حضضرتگ مش لازم تعتذري ابداً .. |
استاذ محمد اسمحلى ارد على حضرتك
الموضوع اكبر مما تتخيل و المفروض مش نصدق واحد كدب علينا كلنا مهما قال واللى يحب يصدق اى من القصتين فا دا راى شخصى و معلش يا استاذ محمد اللينك مش شغال |
اقتباس:
وبجد مش لازم تعتذرى خالص و هو فعلا ده الصح لاننا كان موجود بينا شئ فاسد واحنا مش عارفين يمكن هو عمل كده عشان يكشف نفسه اقتباس:
|
اقتباس:
ممكن تدخل لصوت الاعضاء وهتجد مشاركة بعنوان المخالفة لاحمد دولة |
highlight, لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر:
صوت الأعضاء هنا تضاف بلاغات المخالفات و للمشكلات الفنية الإتصال على البريد support*thanwya.com support*thanwya.com مواضيع المنتدى : صوت الأعضاء لاتوجد مواضيع في هذا المنتدى. يا ريت لو حضرتك تنزل لنا اقتباس من الموضوع يا استاذ محمد |
أبنائى وبناتى الأعزاء
أنا قرأت الموضوع كاملا ، و اسمحوا لى أن أقول لكم أن من يقدم على مثل هذا التصرف أو هذه الأفعال لايستحق منا أن نعيره اهتماما ، فلتنسوا ماحدث فلايوجد أى خطأ منكم ، الخطأ الوحيد أننا جميعا وثقنا فى أنسان ليس أهل لهذه الثقة ، و الحمد لله أنه بتصرفاته كشف عن مدى تدنى خلقه وتدينه حتى نخرجه جميعا من حياتنا ومن تفكيرنا . هل اطمع من الجميع أن ينسى تماما ماحدث ، و ينصب اهتماماتكم على المذاكرة وبذل الجهود للحصول على أعلى الدرجات ، و التفكير فى كيفية ارضاء الله سبحانه وتعالى بمزيد من الأيمان و التقرب الى الله ، و ثالثا التفكير فى كيفية الارتقاء بهذا القسم وبالمنتدى على وجه الاجمال . فأنا أنتظر مقترحاتكم لقسم اجتماعيات طالب لكى نجعله أهم الاقسام و أخيرا الموضوع لن يحذف لاننا جميعا نصدقك و ننتظر منك موضوعات ومشاركات يستفيد منها الجميع ، فهذا المنتدى منتداكم يقوم بكم ولكم تقبلوا جميعا احترامى وتقدير بارك الله فيكم |
اقتباس:
http://www.thanwya.com/vb/showthread.php?t=412083 |
اول مره اشوف واحد بيفول علي نفسه بالموت . بس طلاما بيكدب يبقي ملوش مكان في المنتدي
|
اولا شكرا استاذ ايمن على عدم حذف الموضوع
وكلام حضرتك رائع جدا يا ريت كلنا نركز عليه وان شاء الله نعمل بكلام حضرتك وشرفنى وجودك فى موضوعى وشكرامرة تانية على تقبل الموضوع بصدر رحب :) |
أبنائى و بناتى الأعزاء
الاستاذ محمد ابراهيم قام بعمل موضوع مثبت ( مقترحاتك لتطوير القسم ) ننتظر تفاعلاتكم ومقترحاتكم و كلها ستنفذ ان شاء الله بكم ولكم طالما أنها متوافقة مع قوانين المنتدى تقبلوا احترامى وتقديرى |
اقتباس:
شكرا جزيلا لك ، و بارك الله فيك |
| جميع الأوقات بتوقيت GMT +2. الساعة الآن 11:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.