المرتب في مارس
 

كم سيكون المرتب من واقع الكارتة

ياعم الحاجة هو انت مبتسألش الا عن المرتب كل شهر بس ربنا يهديك انت هتجنن بفلوسك و مرتبك

معلش اصل مش كل الناس زى بعض..فيه ناس مرتبها ده بيبقى هو الدخل المادى الوحيد ليهم ف الشهر ولما يبقى عندك اولاد وفاتح بيت واتحطيت ف نفس الموقف صدقنى حتسأل كل يومين

زيادة بقا على كل ده ان الازهر المتخلف اداريا مبيديش لأى موظف فيه عاوز يعرف دخله عقاد نافع ماهو الراجل لو كان عرف هو حيقبض كام كان ارتاح :022yb4:

ايوه كده الراجل اتحرج معدش هتكلم فى الموضوع ده تانى انا معاك مستر احمد فى الكلاده لو الواحد عارف هيسأل ليه ماتزعلش استاذ سميح

والله يا استاذ محمود حال معلمى الازهر لا يسر عدو ولا حبيب وكلٌ يبكى على ليلاه..الاستاذ برهان ف وقت من الاوقات كان حيتجنن بالتثبيت بردو :rolleyes:

ربنا ينولنا اللى ف بالنا ويرضينا جميعا قادر يا كريم

الكارثة ان مرتب الشهر ده 580 جنيه بس
مش عايزين حد يقبض يا جماعة كله يعمل اضراب عم قبض المرتب
ده كلام اكيد في خصومات الشهر ده مش عارفين ليه ؟؟