|
موضوع هام جدا جدا ياريت تشوفوه
انا بصراحة يا جماعة الموضوع دا شاغلنى وبفكر فيه هو ليه السنة اللى فاتت المجاميع عالية اوى كدة هل السبب الامتحانات السهلة بس الاجابة لاء الامتحانات ما كانتش سهلة للدرجة اللى كتير متخيلها المشكلة فى الغش الغش هو السبب الرئيسى فى كل اللى بيحصل دا انا جايب 96.6% واصدمت لما شوفت ترتيبى 47000 تخيلوا 47000 وكل دا عشان ايه مش فاهم وحاسس ومكمل علمى رياضة ومش متفاءل السنادى كل اما اسال واحد الاقى مجموعة ميقلش عن94 وكل اما حد يسالنى على مجموعى واقوله على مجموعة يستقل بيه ويقولى مجموعك مش حلو بالنسبة للسنادى وانا اللسنة اللى فاتت ذاكرت جامد وتعبت وبذلت اقصى مجهود فى مقابل ان فى ناس مذاكرتش ودخلت الامتحان مش عارفه هتمتحن ف ايه وجابت مجاميع وعلى فكرة انا اللى نقصنى فى الدرجات حاجات هايفة اوى لانى مكنتش مركز اوى فى الامتحانات وبجد انا عندى كميه احباط غير عادية ياريت الامتحانات كانت جيت صعبة بس بعد ايه ماخلاص اللى حصل حصل
|
زي ماحضرتك بتقول اللي حصل حصل احنا دلوقتي باقي شهرين بس ذاكر باقصى مجهود لان دي فرصتك الاخيرة مافيش سنة رابعة ثانوي علشان تحسن المجموع مع اني في رائي مجموعك اكثر من رائع دانتا مكمل رياضة وانشاء الله هندسة وربنا يوفقنا كلنا يارب وكل واحد يدخل الكلية اللي نفسه فيه
|
اقتباس:
هى الإمتحانات لما تيجى صعبه بنزعل و نصاب بالإحباط وإللى منا بينتحر والأهالى بيبقوا طالع عنيهم معانا طول السنه وف الاخر مابنجبش مجاميع تفرحهم على الرغم من صعوبه إمتحانات 2010 والمشاكل إللى حصلت كان عندنا واحد ف المدرسه جايب 204.5 وطبعا طلع السنه إللى فاتت من الأوائل وفى المقابل لما الأمتحانات بتيجى سهله الناس بتفرح وتقول الحمد لله ربنا كرمنا السنادى وبتجيب درجات عاليه وتفرح أهاليها بس تلاقى برده قله من الطلاب مش عاجبهم الوضع ومتضايقين أوى من سهوله الأمتحان لأنهم ما جبوش درجات كويسه ف الأمتحانات السهله ويكون عذرهم إن الأمتحانات جات سهله وهما مش عايزنها تيجى سهله وعايزنها صعبه علشان يجيبوا درجات عاليه على الرغم من إن صاحبى ده إللى كان جايب 204.5 ف تانيه إللى كانت إمتحاناتها موت 2010 جاب ف تالته 203 إللى كانت إمتحاناتها سهله 2011 ف للأسف الأمتحانات سهله كانت أو صعبه محدش راضى عن الوضع ولو جت سهله بنزعل ولو جت صعبه برده بنزعل وبعدين يا حسن مش إنت قولتلى إنك جايب 98.8..................؟ |
باختصار شديد
مش بتفرق كتير سواء الامتحانات سهله او صعبه يعني لما تبص على مجاميع السنه اللي فاتت بتاعتكم جاايبين مجاميع عاليه وفرحانين بيها وتيجوا لو بقت سهله بردو السنه دي وانا متأكد انها مش هتكون سهله بس لو كانت سهله هندسه مش هتقل عن 96% مثلاً يبقى ماستفدتوش حاجه المجاميع عليت والتنسيق علي معاها بردو ومتقولش الامتحانات مكانتش سهله لأنّها يمكن مكانتش سهله اه دي كانت تافهه او يمكن اتفه من التافهه معلش يعني أما المحور الأخير والأهم فالامتحانات الصعبه افضل بكتير لأن في السهل بيتساوى اللي مذاكر كويس اوي باللي مذاكر بس نص نص اما الصعب هو اللي بيبين وحضرتك بتتكلم عن طالب ف مدرستكم كان جايب ف 2010 204.5 احب اقولك انه سنة 2010 كان اللي جايبين 204.5 كانوا 21 طالب بس انما 2011 كانوا 25 في محافظة المنيا بس يعني يمكن على مستوى الجمهورية يزيدوا عن 500 يعني فرق كتيييييييييير اوي فانت متبصش ع ان في طالب قدر يجيب لأ انت تبص على عدد الطلبه اللي قدروا يجيبوا لأن هو دا اللي يأثر في النتيجه وانا اسف والله انا مش حابب احبطكم بس انا بقول الحقيقه |
عندك حق والله دا انا جايب 98% وترتيبى حاجة وعشرين ألف على الدفعة
|
زمان الي كان يجيب 97 او 96 او حتى 95 كانت الناس تضربلو سلام تعظيم:078111rg3:
اما دلوقتي الي جايب المجاميع دي بيتعلق من قفاه:stickjo4: سيبها على الله ... |
الامتحانات السهلة جداااااا و الغش برضه كان زايد
انا ليا واحد صاحبي جاب 92.5 لقيت ترتيبه 112000 !!!؟؟ عموما حصل خير و لو الامتحانت جت زي السنة اللي فاتت توقعي انك محتاج نفس مجموعك و زود عليه بالمستوي الرفيع تدخل اتخن هندسة في مصر و انت حاطط رجل علي رجل |
والله العظيم مشروع الثانوية العامة مشروع فاشل بكل المقاييس وعمره ماهيتظبط ابدا
|
اقتباس:
المناهج كلها لازم تتغير وتتطور إن شاء الله فى أمل |
انا احب اقلكم ان ابن خالي في الثانوية البريطانية و الدنيا عندهم ابسط من عندنا بكتييييييييييير
و كتير جدا يتصل يسالني علي حاجات و بحلهاله بسهولة بس بحس ان الفرق بيننا و بينهم في طريقة التعليم نفسها مش المناهج لان حتي دروس الكيميا واحدة تقريبا بس هما مخففينها شويه هما بيوروهم التجارب بيفهمومهم اكتر انما مشكلتنا ان المدرسين بيركزوا ازاي تجيب الدرجة فاغلب الطلبة بتبقي حافظة مش فاهمة قليلة اوي الطلبة اللي بتحاول تفهم حتي في الرياضة تلاقي الطلبة عارفه تحل الدروس و كتير ميكونوش فاهمين معني الدرس اصلا المفروض يكون طريقة وضع الامتحان تجبرك تكون فاهم انما للاسف الامتحان بتبقي داخل تسمع اللي حفظته :( و اهم حاجة انا معترض عليها في النظام بتاعنا انه ازاي ابقي طالب علمي و اخد عربي و مواد ادبية انا عندي العربي بياخد وقت اكتر من الفيزيا !!!! |
اقتباس:
سواء كنت علمى أو أدبى إزاى ترفض إنك تأخد لغه الله أنزل بها كتابه العزيز |
اخدها بس مش بالطريقة ديه ابدا
انا طالب حكمل علمي ليه اخد تاريخ الادب او كمية النصوص الرهيبة ديه هستفاد ايه ؟؟؟؟؟ انا اكيد بتعلم عشان استفيد مش عشان اضيع وقت يعني تقدر تقولي هستفاد ايه بالعربي بعد كده ؟؟؟؟؟ انا افضل يكون لعلمي منهج عربي بس مخفف لانه مش تخصصهم |
يا جماعة فى حاجة احب اقولها اللغة العربية احنا بناخدها لانها من اهم اللغات بالنسبة لنا كعرب ودى تراث للامة العربية فدى اهم حاجة لازم نهتم بيها دا اذا كانت اهميتها متزيدش عن الفيزياء وانا اتفق مع خالد فى وجهة نظره
|
لازم نهتم بالعربى ماشىىىىىىىى على عينى وراسى
بس عربى تالتة ده رخمممممممممممم جدا كفاية قصة طه حسييييييين ودروس القراءة العجيبة ديه |
ابشركم بامتحان من العيار التقيل من اول العربى لحد الفيزياء ورياضة ((2))
وهتفتكروا كلامى 9/6/2012 |
| جميع الأوقات بتوقيت GMT +2. الساعة الآن 06:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.