استفسار عن لغة الدراسة
 

لوسمحتو أنا عندي استفسار عن لغة الدراسة في كلية الهندسة جامعة القاهرة
هل الدراسة بتبقى بالإنجليزي ولا بالعربي ؟ في إعدادي هندسة وبعد كده؟
و معظم المواد بتكون بإيه ؟
لأن أنا في آخر سنة في المدرسة وباخد كل المواد بالإنجليزي ؟ فهل هيكون عندي مشكلة ؟
(ومعلش يعني ) ياريت تبقى الإجابة بالتفصيل
وشكرا

و عليكم السلام و رحمة الله و بركاته .
ربنا يوفقك ان شاء الله و تشرفنا في كلية الهندسة ,
الامر دا بيختلف من جامعة لجماعة , في بعض الجامعات الدراسة بتكون من أول سنة لآخرها باللغة العربية و في العكس باللغة الانجليزية و في بيكون أول سنة بس " السنة الاعدادية " باللغة العربية و الباقي باللغة الانجليزية
هندسة القاهرة , اول سنة عربي و الباقي انجليزي
هندسة عين شمس , كل السنين انجليزي
هندسة المنصورة , كل السنين انجليزي
هندسة بورسعيد و ممكن حد يصححلي اظن عربي
و هندسة طنطا عربي ,
فا على حسب انت ان شاء الله هتدخل جامعة ايه
اما من حيث انك دراستك كانت انجليزي فا دا كويس جدا و هيفيدك في الدراسة . فا بس لو حضرتك تحدد منطقتك الجغرافية و المتوقع هتدخل جامعة ايه اقدر اكدلك المعلومة .
ربنا يوفقك

السلام عليكم شباب انا اسمى احمد السيد سليمان طالب بهندسة شبرا الفرقة الاعدادية بخصوص حوار اللغة ده انا بجد عايز اطمن اخواتى الطلبة انهم ميخافوش اوى كده لان كلية الهندسة معظمها شغل عملى وتطبيق لقوانين وحل مسائل سواء فى الفيزياء او الرياضة او الميكانيكا او حتى الكيمياء............. انت كل اللى هتلاقيهتعاريف فى الفيزياء او اثباتات او تعاريف كيمياء وكلها حاجات مش معقدة لدرجة انك تترعب منها لا انت فى هندسة دى بتقعد اول شهر ونصف مانتاش فاهم حاجة لحد اول امتاحن ميد تيرم وبعد كده تبدا انك تفهم الحوار فى اى كلية ماشى ازاى بس يعنى اللى هيقابلكم صعب من ناحية اللغة هى مادة الانتاج (production) والسبب ان معظم مصطلحاتها الهندسية خاصة بمجالات الصناعة وبنسبة 99% هتلاقى نفسك بتسمع مصطاحات غريبة بس لكل مجتهد نصيب طبعا عندنا احنا الدكاترة بتحاول انها تسهل علينا المادة يعنى من على لسان دكتور عندنا من دكاترة الانتاج (خير الكلام ما قل ودل) انت مش هتقعد تكتب موضوع انشا بالانجليزى واتمنى ليكم التوفيق كلكم واسف انى طولت عليكم وعلى فكرة ده اول رد ليا من حاولى سنة لانى من سنوى وانا مشغول ومش بدخل على الموقع الجميل جدا ده استفادوا منه على قد ما تقدروااااا