|
لماذا .. سيفشل إضراب 6 أبريل
معرفشى احنا شعب متفائل وايجابى جدااا كده ليه ياريت تقرأ وتقول رأيك لماذا .. سيفشل إضراب 6 أبريل إضراب 6 أبريل .. فاشل http://bp3.blogger.com/_5JXA17H-suo/...400/strike.jpg المظاهرات .. الإعتصامات .. التجمهر .. الإضرابات .. كل ماسبق تعتبر أمور إحتجاجية الغرض الأساسي منها هو الإعتراض والرفض لقضية معينة يصعب علينا تغييرها بالطرق المباشرة وهي أفعال تعمل على لفت النظر لتلك القضية وأحيانا نوع من أنواع الضغط بإبراز مايمكن ان ينتج عن عدم قبول مايطرحه المحتجين وهذا الإعتراض أي كان شكل التعبير عنه يجب أن تكون الرؤية واضحة في الآتي .. الأهداف .. طريقة التعبير .. وسائل التعبير .. الإعداد .. المشاركون .. ردود اللأفعال .. فرص النجاح كانت هذه مقدمة بخصوص هذا السيل من التدوينات التي تدعو لإضراب عام يوم 6 أبريل أولاً : الأهداف .. بالرغم من أن هذا الإضراب هو أكثر الإضرابات غموضاً من ناحية الأهداف ، فلا أستطيع أن أضع يدي على طلبات محددة إذا تم الإستجابة لها يتم إنهاء الإضراب أو عدم تكراره ، إلا أنني أكاد استشعر أن الهدف ممكن أن يكون نوع من أنواع لفت النظر لأمور حياتية وسياسية حالية لم يعد يرضي عنها الكثير ، وبهذا لاتوجد أهداف واضحة الرؤية للإضراب يمكن قياسها وتحقيقها ثانياً : طريقة التعبير .. يجب أن تكون طريقة التعبير واضحة ، ويبدأ ذلك بتحديد هل هو مظاهرة أم إعتصام أم إضراب ثم تحديد مدة زمنية لها بداية ولها نهاية ومكان محدد أو أماكن محددة ، الشكل العام لإحتجاج يوم 6 أبريل على مايبدو هو إضراب يشمل جميع مرافق الدولة ، وهذا يعتبر من أصعب أنواع الإضرابات إذا علمنا مدى صعوبة القيام بإضراب في إحدى المؤسسات أو الشركات تحتوي على المئات من العاملين لأهداف محددة ، فما بالك بإضراب يشمل جميع قطاعات الدولة .. لذلك فطريقة التعبير بهذا الشكل تعتبر طريقة مستحيلة ثالثاً : وسائل التعبير .. لاتوجد لافتات .. لاتوجد شعارات .. لاتوجد تغطية إعلامية ولا إستخدام وسائل إعلام بشكل مكثف تخدم فكرة وهدف الإعتراض .. فقط مجموعة من البانرات والتدوينات التي تدعو للإضراب في المدونات على الإنترنت وهي وسيلة حتى الآن تعتبر غير مؤثرة في عدد كبير من المدعويين للمشاركة في الإضراب ، لذلك فوسائل التعبير على الإحتجاج غير كافية لأن تصل للجميع محتجين ومحتج عليهم رابعاً : الإعداد .. الإحتجاجات بشكل عام تحتاج إلى قيادة تستطيع تسيير شكل الإعتراض وقيادته وإبداء الرأي الحازم في أي تطورات تخص الإعتراض حتى لاتتناثر الأراء وتتوه القضية بين الخلافات في الرأي ، وقيادات هذا الإعتراض أشخاص تخيليين أو سيبريين ، ولم نسمع مسبقا عن إضراب بهذا الشكل ينبع من الفيس بوك خامساً : المشاركون .. عادة يشارك في الإعتراض كل من له صلة مباشرة بالقضية المعترض عليها وهذا الإعتراض يخص كل من يعمل في البلد ، وبما ان الفكرة نابعة من بعض الشباب لايضرهم كثيرا أن يتغيبوا عن محل دراستهم يوما واحداً أو مجال عملهم الحالي ، فهؤلاء ليست لديهم إلتزامات ومسئوليات كبرى كالمتزوجين تمنعهم من مجارة هذا الإعتراض بالطريقة المطلوبة ، فبعيدا عن متصفحي النت من هذه الفئة فالوعي لدى الآخرين يصعب عليهم المشاركة ، لذلك ستصبح المشاركة ضغيفة بل تكاد تكون معدومة سادساً : ردود الأفعال .. من أخطر مافي مظاهر الإعتراض بأنواعها المختلفة رد الفعل ، ففشل الإحتجاج يؤدي إلى نتائج سلبية مؤثرة مثل هبوط الروح المعنوية بشكل كبير ، العزوف عن المشاركة في إحتجاجات أخرى ، الكفر بالمشاركات الجماعية ، إستئثار بعض الأشخاص بعقوبات جماعية تساعد المعترض عليهم في تفادي مثل تلك الإحتجاجات مسثقبلا ، لذلك رد الفعل تجاه هذا الإعتراض سوف تكون سلبية جدا عقب إنتهائه سابعاً : فرص النجاح .. صفر أخيراً ... يجب الأخذ في الإعتبار أن ماذكرته سابقا عن الإعتراضات لاينطبق أبداً عن مايسمى بالثورة .. الثورة شيئ آخر مخالف تماماً قول ايه رايك |
انا بحب الحكومة
انتوا اللى اخدتوا الناس عليكوا انتوا لو ليكوا صوت تتكلموا وتقولوا كل اللى عايزينو (محدش يقولى وانت عملتى اية ؟ كلها 34 سنة اترشح ادام الريس (ايو هيكون لسة موجود هو فية رؤسا بيموتوا) انتوا بس انتخبونى وانا هبنى ليكوا مستشفى وجامع (ولا هعبركوا بس لزوم الانتخابات بقى) ملحوظة (انا بحب الكومة) قولتوا لى لية شوفوا بقى من خبراتى القليلة (مش اوى يعنى قيمة 90 -60-80) الحكومة المصرية دى احسن حكومة فاهمة كل واحد فى الشعب عايز اية وناوى على اية بالضبط وهى بتنفذ العكس تماما اصل لو عملت لكل واحد اللى هو عايزة هترحينا ودا لا يتماشى مع شعار الحكومة دوخينى يا لمونة يا لمونة دوخينى مشكوووووووووووووووووووووووور |
أول الغيث قطر ثم ينهمر
اللهم أهلك الظالمين |
اقتباس:
|
فشل الدعوه للاضراب
اساسا الاضراب لن يحدث حتي ينجح او يفشل ولكن يمكن القول ان الدعوه للاضراب نفسها فاشله للاسباب التي قراتها واهمها لن يكون هناك اضراب
|
ليه التشاؤم ؟؟؟؟
انا حاسس ان الاضراب ده هيؤتى ثماره بس احنا نعمل حاجة و لا قدر الله لو فشل يبقى كسبنا شرف المحاولة ولا اية ؟ و بالمناسبة ....... أنا بقى ما بحبش الحكومة |
بص هو يا خبر بفلوس بعد بكره هيبقى ببلاش وإحنا مستنين |
لماذا .. سيفشل إضراب 6 أبريل هقولك ليه الاضراب ده هيفشل لان أحنا ماشين زى ما قولت قبل كده بمبدأ من خاف سلم وامشى جنب الحيط وهو احنا هنقدر نغير حاجة وبينى وبينك الموظف ولا العامل هيقولك انا اعتصامى لا هيقدم ولا هياخر وبدل ما اقعد فى البيت انزل اروح شغلى اجيب جنيه للعيال ياكله بيه وده كله بيرجع للروح الانهزامية والتشأم واحساس المواطن انه ميقدرش يغير حاجة وان الحكومة جتتها نحسة بالعربى كده مبقاش عندها دم هسالك سوال لو لقيت واحد ماشى فى الشارع وقالع هدومه (لامؤخذه عريان )وماسك سيف واللى بيقربله بيخبطه بيه هتعرف تقربله ولا تقوله انتا بتعمل كده ليه هتقول على الشخص ده ايه ؟ بلطجى وقليل الادب هى دى الحكومة المصرية :D وشكرا |
اقتباس:
الاتجاه الاول ان فى مصالح مش هينفع اصلا انها تقفل زى مثلا محطات المياه والكهربا دول اظن لو قفلوا هتبقى اقل مكافأه ليهم الضرب بالنار وبرده المستشفيات والصيدليات لان باختصار مش هنقدر نمنع حد من انه يتعب وكمان الشركات الخاصه معتقدش ان حد هيخسر وظيفته عشان ال ايه اضراب وطبعا حاجات تانيه مش دول بس ومن ناحيه تانيه احنا لو هنعمل اضراب صح يبقى اكيد مش هنشترى حاجه من السوبر ماركت ولا الافران ولا ولا.... لان طبيعى هيكونوا قافلين :D فبالتالى الحاجه اللى هنحتاجها يوم الحد هنجبها السبت فبالتالى برده مكسب السبت هيضرب ف 2 فكون اننا نعمل اضراب يوم الحد فده مش هيأثر فى اقتصاد البلد ده اذا كان موجود اصلا اقتصاد لبلدنا وعمار يا مصر:) وفى الاول والاخر ده مجرد رأى |
الاضراب هيفشل
عارفين ليه ؟؟؟ انزلوا الشوارع وانتو تعرفوا !!!!! |
ياااااااااجماعة اضراب ايه هى الناس لاقية تاكل لما تمتنع من الصرف
الناس لو لاقت ب100هتاكل والله عشاااااااااااان مطريين |
احنا لازم نعمل ثوره مش اضراب وخلاص
وبيتهيقلى ان مش هيحصل كده الا لما كل واحد يخاف على غيره زى ما بيخاف على نفسه بالظبط وربنا يقرب اليوم ده ونشوفه قبل ما نموت |
لا اقولك انا :Dعشان احنا شعب مبيتفقش هصور لك الاضراب دا بحاجة تحصل دايما بالضبط لما مثلا فصل كامل فى مدرسة يتفقوا انهم مش رايحين المدرسة عشان يرفعوا الغياب وهكذا وييجى كل واحد بينه وبين نفسه يقول لك لما اروح انا هما كلهم هيغيبوا عشان محدش يعمل لى حاجة ويخاف ع نفسه بقى وتانى يوم اللى المفروض ميكونش ولا طالب فى الفصل تلاقى الفصل بسم الله ماشاء الله مليان على اخره :rolleyes: ودى حصلت مع فصلنا السنة دى بس انا اصلا مروحتش طبيعى لانى مكنتش رحت اليوم اللى اتفقوا فيه فمروحتش اليوم اللى بعديه كمان بس اللى وصلنى ان مدرس الفيزياء بتاع الفصل قال لهم انتم عيال خونة تتفقوا ع حاجة وكل واحد فيكم بتاع نفسه مع العلم انهم لو اتحدوا وصدقوا بعض بجد وبطلوا شغل " السوس " دا الغياب هيترفع وكله هيبقى تمام ومحدش هيقدر يضرهم فى حاجة لانهم فصل او مدرسة بحالها واحنا بقى شعب بحاله يعنى المفروض اننا احنا اللى بنحكم نفسنا بنفسنا دا على رأى الديمقراطية اللى قالوهالنا فى المدارساهو اللى هيحصل حاجة مشابهة كدةعشان كدة هيفشل :cool: |
شوف حركه الاضرا عندنا بدات ودا مش وطنيه ولا حاجه ودا لان الناس عرفت ان اي حد هيخرج برا البيت ولا هيفتح محل هيضرب وهيتكسرلوا حاجته اما المدرسين فمحدش هيغيب ودا لان وصلت تحذيرات اللي هيغيب هيتحول للتحقيق الله اعلم بكره هيبقي عامل ازاي مقدرش اقولك فيه فشل ولا اقدر اقولك فيه نجاح ياخبر دلوقتي مش معروف بكره هتقول ياريتني ما عرفت:d |
فالننتظر خلال دقائق
....... |
| جميع الأوقات بتوقيت GMT +2. الساعة الآن 09:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.