|
انا اختكم ممكن مساعدة
السلام عليكم ورحمة الله وبركاته
انا حابيت ادخل على طول فى الموضوع انا دلوقتى فى اخر شهر 3 وانا عاوز اطلب منكم طلب انا دلوقتى اختكم وانا عارفة دا اكيد انا كنت مريت بشوية ازمات خلتنى مش عارفة اذاكر واخلص مراجعة انا دلوقتى محتاجة اى حد يقولى ازاى اراجع المواد كلها فى الفترة البسيطة دى بس يقولى ازاى وكام ساعة لكل مادة واعمل اى انا مش عارفة اظيط نفسى بس حاولو معايا انا باذن الله هقدر اجمع فى الوقت البسيط دا فى انتظار ردودكم السلام عليكم ورحمة الله وبركاته |
و عليكم السلام و رحمة الله و بركاته
أنصحك تعملى موضوع مشابه فى قسم اجتماعيات طالب أو كذا قسم عمومًا واضح إن حضرتك حصلك مشاكل لمدة مش قصيرة يعنى وقع حجات كتير فحكاية تراجعى المواد كلها من الأول مش عجبانى كفكرة المفترض تحددى ايه اللى واقع منك فى الفترة اللى مكنتيش بتذاكرى فيها و بعدين تعرضيها هنا على أصحابك ايه اللى واقع خالص خالص ، ايه واقع ، ايه نص نص و على حسب المواد و الدروس هتلاقى الناس يساعدوكى فى أجزاء معينة لكن بشكل عام أنصحك تشوفى اللى واقع من حضرتك فى الفيزياء أولا و بعدين الرياضة الفيزياء ممكن حضرتك تشوفى فيديوهات الرحمة حسب آخر معلوماتى إنها لسة موجودة حضرتك ممكن تذاكريها و بعدين نشوف أنهى فرع فى الرياضة سىء الحظ فى الفترة اللى حصل فيها المشاكل بالنسبة للعربى و الانجليزى فمفيش مشكلة لو اتراكم للآخر هو أساسًا لازم يتراكم للآخر :) أرجو أكون أفدت حضرتك و لو بنسبة صغيرة بالتوفيق ،،، |
شكرا جدا جدا لردك واحترامك ليا
ولكن انا مش قصدى انى واقع منى شرح لا انا فاهمة كل المنهج بتاعنا بس المراجعة الى طارت منى بس عاوزة اراجع كل المواد قبل ما الامتحان يقرب |
عذرًا على اللخبطة غير المقصودة :)
الأمر كدا أبسط فيه كتب مراجعة كتيرة و بأنظمة مختلفة يعنى مراجعة سريعة 100% مراجعة طويلة الوسام مراجعة ده فى الفيزياء طبعًا فى الرياضة كنت براجعه دايمًا من 100% مراجعة - الكتاب ده صديقى الصدوق :) - فى العربى مممم مكنتش شاطر أوى فى العربى بس انت حظكم حلو فيه فيديوها لأستاذ أسامة عز ممكن تفيد فى الانجليزى بيتهيألى أى كتاب حضرتك تستريحى فيه مش عارف حضرتك إحصاء و لا علم نفس الصراحة لو إحصاء فممكن أفيد إنما علم نفس أبيض :) و مرة تانية عذرًا على سوء الفهم اللى حصل ربنا يوفقك ،،،،،،، |
شكرا يا اخى الكريم على اهتمامك وروحك الحلوة جزاك الله خيرا ويارب يوفقك لكل خير ويسعد قلبك ويفرج همك
|
اختي انا كان عني نفس المشكلة اللي عندك بس الحمدلله حلتها . انا عملت نظام جدول وماشي عليه الحمدلله وبصراحة هو ساعدني جدا جدا في المراجعة انا عملت لكل مادة صفحة في كراسة او اجندة او ورق عادي مش هتفرق المهم انا جمعت كل دروس كل مادة مثلا الرياضة جبت كل الدروس وقسمتهم لو كل يوم راجعت درس رياضة مع العلم ان في ايام براجع فيها اكثر من درس بس في الدروس الصغيرة وبالتالي عملت نفس االموضوع مع باقي المواد وحدد ان كل يوم اذاكر درس رياضة ودرس عربي ودرس انجليزي ودرس اقتصاد مثلا انهاردة اراجع : التباديل والتوافيق (رياضة ) - و نصف فصل ( فيزياء ) - و مدرسة الاحياء والبعث ( عربي ) - و مراجعة unit1 و chapter 1 ( انجليزي ) - والفصل الاول ( اقتصاد ) وهكذا ومفيهاش تعب لانها كلها دروس صغيرة مش كبيرة اوي وبعدين انت بتقولي انك اخدتيها قبل كدا وكدا هتخلصي المنهج كله كل المواد مراجعة في حوالي شهر ان شاءالله ويارب تكوني استفدتي مني بحاجة وتقدري تنفيذي الطريقة دي وربنا يفوقك ويفوقني ويفوق الجميع .......... شريف |
شكرا جدا جدا شريف على النصيحة وفعلا فكرة جامدة وباذن الله هنفذها ادعولى وانا هدعى لكل واحد هنا باذن الله ربنا يوفقنا يارب
|
العفو وانا تحت أمرك وربنا يوفقك ويوفقنا جميعا واتمنا ان النصحية تفيدك وتفيد الجميع |
ربنا ينفع بيك وبينا الامة
|
انا عندى جدول انا لسا عامله امبارح صدفه جميله بس
مش عارف انسقه انا كاتبه على ورق ومش عارف انسقه لو انتى تعرفى انا ممكن اكتبهولك او ابعتهولك فى رساله الرد بسرعه |
طيب يا عمر انت ممكن تصورو بالموبايل وترفعو انا مش بعرف انسق عذرا بس لو حد يعرف ياريت يساعدنا ربنا يكرمك ويفرحك امين
|
أنا ممكن أنسقه ( أنا تحت الخدمة ) لو حبيتم
|
ربنا يكرمك يا حبيبتى يارب وينفع بيك يارب
طيب ان شاء الله عمر يبعتهالك وتنسقيها باذن الله سبحان ربنا العظيم |
على فكره بالنسبه للمراجعه المفرود متزدش عن شهر ونص ويتبقى نص شهر حل امتحنات بس والفتره اللى فى اول الشهر بتاع سته العربي يتراجع فيه بالنسبه للرياضه غالبا هتخدى كل فرع فى اسبوع يعنى مثلا الجبر اسبوع والاستاتيكا اسبوع وكدا يعنى يارب اكون افدتك
|
| جميع الأوقات بتوقيت GMT +2. الساعة الآن 04:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.